من لاعرف ( معنى الوفا ) مايقدر يحب بـ ضمير ! - . . . . . . . سعود بن مهدي ( جديد )

[[ عسّاف خيل ]]

,




السلام عليكم ورحمه الله وبركاته ,
كل عام وانتم بخير ..


عوده قويه لـ الفتى الذهبي / سعود بن مهدي العجمي
وكما عودنا في نصوصه السابقه في فلسفته المبهره في قصائده

الحديث يطول .. ويطول

أتركم مع .. سعود !







لو طال ( سجن الضيق ) والابواب عيّت تستدير ؟
............................ مافوق حكم الله حكم ! ولا دون باب الله , باب


يا حظ لوّ ماكنت عثره .. في طريق المستجير ؟
............................ ما والله اقنع بـ النجوم ! ولا بما دون السحاب ,


( كبير ) لكن الوقت : ماميّز بين كبير ولا صغير
............................ وعظيم ! لكن الدهر : ماعزّ ( ذربين الجناب )


اهلّ من غبه قصيدي ( عقد لولو ) .. وفير !
............................ وأصنع من الفاظي ( حلي ) تغيري طويلات الرقاب


أصوغ من فكري ( ذهب ) واحيك من جرحي حرير
............................ وأشعل من إحساسي ( وهج ) واسكب من خموري شراب


غني قلم .. ندي عطا .. مروي ظما .. نافخ عبير !
............................ ( مرموق ) .. وآلبس ( بنات الفكر ) غالية الثياب


سئمت من ( رتم الحياه ) وصرت لـ أحلامي أسير !
............................ ومليت من .. ( تخاذل اقرابي ) .. وحبيت الغياب


أثر محاتاه المصير ؟ تزوّد غموض المصير !
............................ واللي ( تأمل ) في أكتئابه ؟ لا صحى زاد اكتئاب


( طاح البعير ) ! ومكثر الطعنات لا طاح البعير
............................ ورآح الزهاب .. ومكبر الحسرات لا راح الزهاب


ما يظهر الرجل الكبير .. الا اذا جا اليوم الكبير
............................ ولا يبيّن في الصعاب ؟ الا من اعتاد الصعاب


لوّ معي ( مخيّله هوغو ) و ( نظره فولوتير ) ؟
............................ يكفي معي : ( سحر البيان ) وعندي فنون الخطاب


ومدام معي سيف ( خالد ) ! بنطح الجمع الغفير
............................ وماعاد لي بك لـزم في مغزاي ! يا شلفا ذياب ,


في نظرتي ان : اطيب الاوقات ( خلوه مع ضمير )
............................ ييصفي بها الذهن المدي , ويشفي بها القلب المصاب


وانادم أقوامٍ في نجوى الكتب .. والذكر اليسير !
............................ ماغابت الا اشخاصهم عني ! وطاري الهم ما غاب


من لا يجود بما يجود به الزمان ؟ ولا يجير ؟
............................ محروم .. لوّ يملك ( كنوز الارض ) وكنوزه تراب


ما اقدر احب انسان كان بيوم ! للعالم ( حصير )
............................ عودٍ عليه ( الما ) ماهو ينفع يكون لـ ( إحتطاب )


رغم احتياجي لـ ( الحنان الجم ) والعطف الغزير ؟
............................ لازلت اشعر : بـ لذّه الاحساس حتى في العذاب


رغم انكساري !! من ظروف الوقت والحال المرير ؟
............................ لازلت واثق !! وألمح ( الاحلام ) حتى في السراب


رغم إبتعادي عن ( جميع البيض ) و الوصف المثير ؟
............................ لا زلت متذوق ! .. وأعرف الحسن من خلف النقاب !!


رغم إعتزالي ( ساحه الشعر ) و ( مساحات الاثير ) ؟
............................ لا زال فيني : ألف معنى .. ماتضمّن في ( كتاب ) !


في خاطري ! اشياء كثيره .. واملك الشي الكثير
............................ لكن : فاقد حاجه أكثر ! بينها وبيني ( حجاب )


ماهو لزوم إني ( جميل ) ؟ اهم شي اني بصير !
............................ لنّ ( الجمال بلا نظر ) ! مثل ( السؤال بلا جواب )


واذا قدرت ؟ افهم الغاويين .. وش معنى الغرير ؟
............................ بالله .. كيف أفهم المخطين ؟ وش معنى الصواب


من لا يعرف معنى ( الوفا ) مايقدر يحبّ بـ ضمير !
............................ ومن لا رقى ( فوق الجبل ) ؟ مايقدر يشوف الهضاب


ظنّي كبير .. ومؤمن بربّي .. و ( متفائل بخير ) !
............................ وان خاب ظني في البحر ؟ ماخاب ظني في السحاب


يا ( زهره الروض الحزينه ) لاتحاتين الهجير !
............................ ( فراشه الحقل ) إهتدت صوبك .. وضيّعها الضباب


الجرح الاول طاب ! بس الموت ( بالجرح الاخير ) ؟
............................ ما يندمل .. لوّ خاطري ؟ من كل مايبغيه ( طاب ) !


ماني بـ محتاج لـ ( رغد دنيا ) ولا ( مجدٍ نظير ) !
............................ ( محتاج لي إنسان ) يفهم .. بـ هدوء .. وإنسياب


زرعت لـجل أكون بـ ( الفيّ ) وتحمّلت السعير !
............................ الغصن غصني ! .. والثمر غيري خذاه بلا حساب



وشلون بلقى لي ( وطن ) ؟ وبداخلي ( منفى كبير ) !
............................ وشلون ببني بيت لـ ( آمالي ) .. وبعماقي ( خرااااب ) ؟


ماهو أليم ( إحساسي بغربه ) ؟ ولا حولي ( عشير ) ؟
............................ بس الاليم ! انّي ( مع احبابي ) وعايش ( بإغتراب ) !!!











مخرج لـ سعود :



يادهر لا تجري .. ويالايام ( حنّي )
قلبي من الحرمان , ينبض من انينه


خلقت في الدنيا غريب , وصرت كني ؟
( كلمه جميله ) جات في ( جمله حزينه )








فعلآ .. الشعر بـ خير !


/
\





إحترامي .,

[مـ ع ـذور أح ـبك]

رائعه بالفعل


صح الله لسااانه


ولاهان ناقلها

[حكاياغيـــم]

،
.
.

صــح الســان الشاعر ..سعود مهدي ع الابداااع..

ناصر .. ذااائقه راائعه وقصيده قمه ..تسلم
على نقلها..


../

[[ عسّاف خيل ]]

المشاركة الأصلية كتبت بواسطة مـ ع ـذور أح ـبك

رائعه بالفعل


صح الله لسااانه


ولاهان ناقلها

حياش الله
طال عمرش (: ,

[ناوي تخليني]

صح السان ولسان شاعرها
لاهنت عالنقل
تسلم يمناك

[أوراد]

يعطيك العافيه


صح لسانه ولاهنت ع النقل

[ابو سالم الدويخ]

صح لسانك و لسان شاعرها

ولا هنت النقل الطيب

[*ابوخالد*]

صح السانك والسان شاعرها

ولاهنت على النقل الرائع

[مانع بن ناصر الظريس]

صح لسانك و لسان شاعرها

ولا هنت النقل الطيب

[خالد بن نفل]

صح لسان شاعرها ولاهان ناقلها
وتقبل مروري