السلام عليكم ورحمه الله وبركاته
لـ التوآصل 
مطلق بن شويه
/
\
يابنت ياللي تبيعيـن الكـلام
................. عينٍ ماترجيـك لا ترجينهـا
منادمـات المشاعـر والغـرام
................. صرفت عنها النظر من حينهـا
لعيون بنتٍ ليا حـل الظـلام
................. يسري غلاها علـى مغلينهـا
هيفا خواصر وممشوقـة قـوام
................. ما الله عطا قلبهـا مـن لينهـا
لاعرضت ماعليهـا الا اللثـام
................. وأرخت هدبها ولدت عينهـا
خلت قلوب البشر مثل الحمام
................. يوم يتطايـر تحـت رجلينهـا
لو ان هدبها رصاصٍ في حـزام
................. ماعوّدت لين تقضـي دينهـا
واليا استدارت مثل ريم العدام
................. اللي اتلفـت تحـك بطينهـا
كنها من العام ماذاقت طعـام
................. من فلسفتهـا ومـن تكوينهـا
ان عوّد الغيم قالت : للامـام
................. وان بانت الشمس قالت : وينها
وان طبت الحفل وعيون الانام
................. مواكـب يسارهـا ويمينهـا
تمشي من التيه كن بيض النعـام
................. يحول بيـن التـراب وبينهـا
من البدايه إلى مسـك الختـام
................. مافيه زيـنٍ يضاهـي زينهـا
حتى المليحـة مطيـرة المنـام
................. اللي على اوّل ربيـع سنينهـا
يازينهـا فالبيـوت وفالخيـام
................. وان وقفت جنبها ياشينهـا !!
مثل انبهار الانـاره فالرخـام
................. تماوج الحسـن فـي خدينهـا
اختينها وامهـا بـدر التمـام
................. وان جات بين امها واختينهـا
تفرق بخشـمٍ محليـه الزمـام
................. من صنع ربي وصنـع يدينهـا
ياعاذلين اخذوا من العمر عـام
................. وخلوني امـوت بيـن اثنينهـا
أوّل بشر قال للدنيـا سـلام
................. اللـي بدينـه يكمّـل دينهـا
..
إحترآمـي 
,
30-12-2010, 07:26 AM
( مطلق بن شويـه ) || من البدآيـه إلى مسك الختام ؟ ×× مافي زينٍ يضآهي زينهـآ ..!
![الصورة الرمزية [ عسّاف خيل ]](image.php?u=35851&dateline=1346813190)
![[ عسّاف خيل ] غير متواجد حالياً](images/statusicondev/user_offline.gif)
العرض المتطور
