تبيني انفضح ؟؟!!!!

[..وسوم..]

بسم الله الرحمن الرحيم
السلام عليكم ورحمة الله وبركاته
شلونكم..؟ شخباركم...؟
.
.
.
الاسبوع اللي طاف في بيت خوالي قعدت ع المنتدى كعادتي
وكانت يمي بنت خالتي الصغيرة ..نوني .. وانا من قسم لي قسم
أرد ع المواضيع ..و..و..و.. جان تسألني : وسوم ليش ماتحطين اسمج
الكامل مثل: وسوم بنت فلان العجمي .. شفتها بنظرة دهشة
منصدمة من اللي قالته .. قالتلي شفيج؟ قلت : تبيني انفضح !!!!!
قالتلي ليش؟ قلت: لافشلة من أخواني وابوي لاقعدو بمجلس او ديوانية
بعدين يقولون: اللي بالمنتدى بنت هذا او اخت هذا ...فضيحة..!
شافتني باستغراب وسكتت مر من الوقت دقايق جان تقولي: وسوم
زوجات الرسول _ صلى الله عليه وسلم _ كل الناس تعرف اساميهم
حتى الصحابة ....

بصراحة قعدت أفكر و أفكر شلون هالياهل عقلها اكبر مني ...؟..!
بعدها رحت سألت امي عن هالموضوع جان تقولي : هذا تفكير
الجاهلية ... كا الرسول _صلى الله عليه وسلم _ قال اسامي
حريمه وبناته .. ومو بس نساء النبي حتى الصحابيات مثل: اسماء بنت ابي بكر
و ام ياسر و..و..و

انتوا برايكم هل ان الوحدة لقالت اسمها بالمنتدى يعتبر فضيحة ؟؟؟ وليش؟؟
موضوع للنقاش و تبادل وجهات النظر فقط لاغير ..

[العــــديم]

هذاك زمن الصحابه .. !
والزمان هذا غير ..

أثبتي على فكرتش

[..وسوم..]

لاتوصي ثابته ,,تسلم اخوي ع المرور .. يعني انت من الؤيدين

[ابو ربى]

اختي وسوم
كل منا وده يحط اسمه واسم ابيه لكن الوضع مايسمح لان ضعاف النفوس واجد وان اقول خليش على وسوم ولو قدرتي تحطين اسم مستعار يكون افضل اما بالنسبة لنا كرجال فاعتقد المجال فيه سعة وهذا ليس تقليل من شأن النساء بل للحفاظ عليهن من الذئاب البشرية وتقبلي مروري

[شِقاوَي]

مهيب هينه < قايلش فيكم عرق
ماشاء الله عليها
مهيب فضيحه بس عيب
ونا ضد فكره ذكر الاسامي فالنت
يعطيش العافيه**

[..وسوم..]

لاهنت ع المرور ابو ربى بس بروحك

[..وسوم..]

خلنا اول مرة بحياتي اجوف مصرية اسمها وسمية ؟!!

[عضو جديد]

مساء الخير اختي كلم اخوي صحيح ديري بالج ع نفسج حطي اسم مستعار افضل

[..وسوم..]

لاهنت اخوي ع التنبيه .. بس انا ابي النك وسوم بعدين اغيره

[بيرق العز]

انا ضد ان تكتب الاسم بالكامل وخاصة البنات عيب يقولون بنت فلان فى المنتدى سوت كذا وكتبت كذا بعدها تنتشر بنت فلان على لسان خلق الله ويقولون هذي بنت مهيب مظبوطة والكلام واجد عسى الله يستر على بنات المسلمين انشالله
وبنت خالتش عطيها طراق عشان ماتعودها مرة ثانية ههههه