الدامر (بعيد المغزى)

[فهدالعجمي]

محمد بن فهد الدامر والمعروف عنهم الاطاله في المغزى ولذا يلقبون في بعاد المغزى وفي ذات مره غزا للربع الخالي على احد القبائل وطال مغزاه وكان الوقت وقت قيض وايقن ربعه الهلاك من العطش حيث انهم لايعرفون تلك الاراضي ومضاميها واشار بعضهم على بعض بالرجوع فسمعهم الدامر وقال هذه الابيات :

الربع ياسمره نووا بالهزيمه = اشوفهم تشاوروا بالمحادير
وحقي عليك تجاذبين الحكيمه= وحقك علي اوردك جمة البير
او ردك عد قليل العديمه = لاثور الذاري بعج ومعاصير
ولانمت عند حريمتك يالبهيمه = مزين تهيوى خلفها والمعاشير
ياما قطعنا دونها من خريمه = من دونها تتعب اركاب المعايير
وليا ركبنا مانجيب الهليمه = لا من ركبنا فوق مثل العياطير
ياما فجعنا من هجوع مقيمه = ناخذ دبشهم في ليالي المخاضير
وياما فجعناهم صباح بثليمه = وعدونا نركي على كبده الكير

[ابوتركى]

يعطيك العافيه فهد على المشاركه الجميله

تحياتى لك

[العماني]

ونعم بك يا فهد وفي الدامر

لاهنت اخوي على المشاركة الطيبة

تقبل تحياتي،،،

[حبيب]

فهد العجمي

لاهنت ونعم بك وبالدامر

ويعطيك العافيه


وتسلم

[ولد ال صالح]

لاهنت لاهنت

وصح الله لسانك ولسان الشاعر

كفوو والله منك الموضوع الجزل

تقبل

شكريااااتي

[راكان اليامي]

يالبيه يالقصيده ويالبى كبدك يافهد

قصيده تهول وتسلم يمناك على الكتابه ومليوووووووووون ونعم فيك وفي صبيان ال دامر

تحياتي لك

[جيــر]

لا هنت اخي فهد على القصه والقصيده

لكن عندي تصحيح بسيط بخصوص الاسم فهو محمد بن فهيد وليس فهد

[فهدالعجمي]

اشكر جميع الاخوان على تعقيبهم

اخوي جير اللي نعرفه محمد بن فهد الدامر

ولاهنت على توضيحك

[راعي العليا]

لاهنت يافهد ...

الله يرحم بعيد المغزا والقوم اللي معه ، عزالله أنهم وصلو ديارٍ بعيده...

شكراً

[غــ الديارــريب]

لاهنت اخوي فهد

يعطيك العافية

والدامر غني عن التعريف

ومن الفرسان اللي نفتخر بهم في امجاد قبيلتنا 0

اخوك/غريب الديار