كل ما مرت سوالفـك القديمـه فـي خيالـي=قلت وش لك يا خيالي فالسواليـف القديمـه
كان عادي صار غالي صار عادي كان غالـي=الزمان يـدور بالاحسـاس والفرحـه يتيمـه
ويش اسوي بالظروف اللي ورى خاطر سؤالي=كيف اسكر باب غاب وعاد ما جاء بالغنيمـه
ينفرد بي بأتجاهك ذنب ( لا يابـري حالـي )=وأن كسبتك شوف شوفي لك تراه اكبر هزيمه
روح عن عيني وعن رمشي وعن ماجاب فالي=حط ما بينك وبيني سـد مـا ينسـم نسيمـه
خل كل اللي ورى سـود الليالـي لـالليالـي=الجروح تطيب والشرهات مـن دايـم اليمـه
ليه نلعبهـا كـذا فالطيـش حـب ولا تبالـي=ليه نرسم فالقلوب طعون واعضاءها سليمـه
ياخي افهمني تراه المره هاللي قلـت حالـي=والمراره عقلت ريمـه وطـاح شـداد ريمـه
انسحب بإيعاز والا انت انسحب يابن الحلالي=الدروب العوج سلطتها الـدروب المستقيمـه
لو بقالي شي عندك قلت عنـدك مـا بقالـي=السهر لعيون من يطرد خطـاه اكبـر ظليمـه
ليه اطوّح بالشمـاغ وليـه اطـوح بالعقالـي=ليه اقول احلى المشاعر يا مشاعرنا الحميمـه
كـف عنـك اللأبالـي مـا تفيـد اللأبـالـي=فايدتها فـامتلاء القلـب مـن حبـك عديمـه
مد حبل الهجر واحذف من يدك حبل الوصالي=واترك الدمعـه لعيـن الارملـه والا اليتيمـه
انتهيت اشرب هماج الوصل واقـول الزلالـي=الزلال اللـي كـذا همـاج مالـه اي قيمـه
وانت والايحاء والايمـاء والحـزن الموالـي=والسواليف القديمـه .. كلكـم دقـه قديمـه!
لــــــ مناحي
06-04-2007, 05:21 AM
العرض المتطور
