جيل تربية الشغالات

[باشة الغيد]

بسم الله الرحمن الرحيم...
هذه اسره مكونه من الاب والام وطفلهم الصغير,, طبعا الابو بيطلع لدوامه ويوصل زوجته على طريقته لدوامها في المدرسه,, وطبعا بيبقى ولدهم الصغير في البيت مع امه الثانيه (ميري) ,, طبعا كلكم عارفين زين منهي ميري مايحتاج نعرف بشخصها الكريم

يقعد الولد مع ميري حوالي الخمس ساعات تقريبا اذا ماكانت اكثر,, اذا جاع تأكله واذا عطش تشربه واذا نعس تنومه واذا بكى شوية خبطه على راسه تهجده...

تخيلوا طول الاسبوع الاب والام مايدرون بهالخمس ساعات وش يصير بولدهم مع الشغاله.. ممكن البعض يثق بالشغاله اللي عنده على اساس انها عندهم من كم سنه وعارفينها ,, وبنت حمولة طيبه على قولتهم,, بس مهما بلغت الثقه هل من المعقول يتركون فلذة كبدهم بيدها.. والاعدى والانكر لو كانت غير مسلمه فمن الممكن انيتعلم منها الطفل بعض العادات او الطقوس التي تمارسها وتكون محرمه وتخرج من دائرة الاسلام...

أنا ماانكر ان يكون هناك عوايل بحاجه الى ان تتوظف الام نتيجه للحاجه الشديده وتساعد زوجها ,, وماانكر ايضا ان بعض العوايل مايكون عندهم احد من اهلهم في نفس المدينه اللي هم فيها بحيث تترك طفلها عندهم ,كان تكون امها او ام زوجها.. لكن من الممكن ان تلقى طريقه ماتترك فيها ولدها مع الشغاله لحالهم

كثير نسمع عن معاملة الخادمات للاطفال اثناء تغيب الوالدين ,, بل وصل فيهم الحال الى القتل والسحر

معقوله على كثر مانسمع مااثر فينا ,, يعني مانرتاح الا لما يجي الدور علينا (لاسمح الله)

والمشكله الاكبر في ربة البيت اللي لا وظيفه ولا شي ,, تترك ولدها مع الشغاله طول الوقت,, وين مشاعر الامومه عند هذة المرأه .. يعني بتعجز عن ولدها ,, طيب الشغاله ماقصرت فيها بشغل البيت
بعد بتقوم بالولد (مابقى الا ترضعه وتصير امه من الرضاع)وووووووع

لا اطيل عليكم.. لكن اللي ابي اقوله .. مانبي نطلع جيل جديد كله تربية شغالات (حتى اللغه العربيه قاموا يضيعونها) صحيح الشغالات وجودهم مهم في مساعدة ربة البيت لكن ماتوصل الى انهم يأخذون مكانك انتي يا الام

لكن فعلا الخادمات شر لابد منه

تحياااتي للجميع

[عـزوز]

السلام عليكم ورحمة الله وبركاته




باشة الغيد ماذا تقول على التفتح ؟؟
حتى تجدين ان بعض الاطفال العرب لايجدون التكلم بالغه العربيه بطلقه تجدينه يتكلم بتكسر في بعض الحروف هذا اذا لم يتعلم لغة الشغاله ,,
انا لااتكلم على الشغالة ربما ان تكون مسلمه
وتخاف الله لكن اين ذهب دور والدة الطفل الضائع ,,


باشة الغيد ,,

بكل صـــراحه احييج علي هذا الطـرح الجديد ,,


والف شكر لج علي هذا الموضوع ... وفي انتظار مشاركاتج القادمه ..

تقبلي

اطيب التحيات وارقها ,,

[فتى مليجة]

باشة الغيد مشكووووووورة
على القصة الحلووووووة صراحة وهذا جيل اليوم ان الناس يعتمدون على الشغالات ويهملوون بزرانهم عند الشغالات والخدمات ما يقدرون ولا يحترمون ولا يرحمون البزران الضعيفين ولا اطيل عليكم بس عندي طلب صغير الي عنده خدامة يسفره لهلها والله يجزاش خير على الموضوع وسامحيني اذا اطلت عليكم اخوكم
@فتى مليجة@

[محمد المحلكم]

لاهنتي على الطرح الجميل