(الــعــقـــيـــم)...لـشـاعــر...(عبدالله بـن عــمــارة)

[فلاح بن ملبز]

تلعب بي الدنيا وأنا كنت أحسب أن الحظ قام=الله يعوض خير في جهد الأيدين العامله

عبدالله بن عمارة...
حضور آخر،
حضور مختلف،يكتب بأحساس شفاف،يعمق الفكرة،ويفتح حوارا ً مع ذاته.
ها هو عبدالله المنطلق في فضاء التميز،يتجدد،ويتجاوز نفسه كثيرا ً بقصيدة رائعة

الــعــقـــيـــم

ياعين لو طال السهر ماظنتي حولك منام=الهم جاني مبتداه ورحمة الله شامله
تلعب بي الدنيا وأنا كنت أحسب أن الحظ قام=الله يعوض خير في جهد الأيدين العامله
مثل العقيم اللي رزقه الله ف أحلامه غلام=من فرحته ما فارقت راس الغلام أنامله
ماتمت الفرحة وراحت روحه في سن الفطام=الله عطا والله خذا فرحة ولاهي كامله
أقدار سوت بي سوات الشلف عجلات الولام=تبطش ويبطش فالحشا صيب الجروح الدامله
والحظ مايسمع ولا ينطق ولاعنده نظام!=أظن لو يعرف شقا راعيه فز وقامله
ما فات مات ويبتدي مادام لي شف ومرام=دام الأمله موجود ف قلوب الوجيه الآمله
اللي زرع يحصد وانا بالنور واجهت الظلام=واللي يكرر غلطته بانت عليه الخامله
ياسيف انا سقت القدم يمك ولا فيها كلام=خل النظر حول النظر تلقا علومي صامله
الذيب ما هرول عبث والطق فالميت حرام=والحر تكفيه الإشاره لابغيت تعامله
أنا ما أسج الرجل للي يرتخي وقت الزحام=أسجها للي علومه طيبه وأزامله
لا من صحبنا ما صحبنا إلا رفعين المقام=الكير نحرب نافخه والمسك نصحب حامله
ما هانت العشره يا أخوك إلا على عيال الحرام=اترك سميلات الجداد البس اجداد السامله
اللي مايعنيني مايعنيني ولا أعطيه اهتمام=كوامله نواقصه..نواقصه كوامله
قلنا ذلول حزام مردوفه وزعلنا حزام=يحسب ذلول احزام له مدري يحسب احزام له!!
أقدام سيقان النعام اتأثر بروس النعام=أثر النعامه راسها لا طال تصبح ثامله؟!
حمل الرسايل والمسافه فوق جنحان الحمام=الطير بالمكتوب حايم للطون ما حام له
روس الحبال معقده مابين جوخ وبز خام=الموقف الغصاب سلم لي على قرامله
الطيبين مصدرين العلم قصاص العظام=الطيب لو ما جاوله جاهم يغني زامله
وإن ضاعوا أهل المعرفه قلنا على الدنيا السلام=أصل الأصايل يحتويها ماتعود هامله
يعنها اللي فاللقا ضاري على ورد الحيام=يزعزع البيدا ولا جار الضما في زامله
وكان الزمن عيا يطيع فخلها راس وسنام=وأخوك من بعد التعب عبر ابتسامه جامله

[جمرة غضى]

جامله ياسلام

حجز اول بلاشك


صح الله لسانك ولسان عبدالله ولاهنت يافلاح على القصيده الجزله


تحياتي لك

جمرة غضى

[فلاح بن ملبز]

جمرة غضى حجز أول بـ 3 دنانير

صح بدنش يا جمرة

وشاكر لش على مرورش الكريم

[ابن جالس]

والحظ مايسمـع ولا ينطـق ولاعنـده نظـام!

أظن لو يعـرف شقـا راعيـه فـز وقاملـه

صح السانك والسان شاعرها ابن عماره..

ولاهنت على النقل

تقبل تحياتي

[فزاع]

الاخ بن ملبز

مشكور على النقل ولاهنت

وعز الله انه قصيده قويه وجزله

وفيها حكمه بعد وابن عماره شاعر قوي

[فلاح بن ملبز]

رمان

اشكرك على ذوقك الراقي

ولا شكر على واجب

ولاهنت على مرورك الكريم

[frozen]

صح السان الشاعر عبد الله بن عماره

على القصيده الجزله

ولاهنت يا بن ملبز على النقل

[فلاح بن ملبز]

المشاركة الأصلية كتبت بواسطة frozen

صح السان الشاعر عبد الله بن عماره

على القصيده الجزله

ولاهنت يا بن ملبز على النقل

أخي الكريم / frozen

صح بدنك

ويعطيك العافية على مرورك الكريم

ولاهنت

[فلاح بن ملبز]

أبن جالس

صح بدنك

وشاكر لك على مرورك الرائع

[عيد بن شدقان]

صح السان الشاعر/عبدالله بن عماره


ولاهنت يافلاح

اختيار رائع من شخص اروع

الله يعطيك العافيه