رديه بين بن مهذل و محمد السكران

[راكان اليامي]

لاشك ان المرحوم محمد بن مهذل كان احد عمالقة الشعر سواء على مستوى قبيلة الصقور او على مستوى قبائل يام كافه, وكانت له الكثير من الرديات مع الشاعر الكبير محمد بن صالح السكران والذي يعتبر ايضا احد رموز الشعر في قبيلة الصقور , وهذه الرديات هي احدى تلك الرديات والتى حملت وبينت في طياتها ما يربط الاثنين من صداقه وترابط قلما يتواجد بين الاصدقاء.

وللمعلوميه ان الشاعر محمد بن السكران قد تعهد على نفسه بعدم كتابة الشعر لمدة سنة كاملة وذالك و فاءا لاخيه المرحوم محمد بن مهذل.

يقول المرحوم محمد بن مهدي ال مهذل:

ان كنت وسـط البيت ظليت مقتاض =وان جيت ابا المخراج ظاع اتجاهي
عينـي هدبـها بأزرق الدمــع نفـاض =نضفي الدلي من منهل(...ن...) ماه راهي
لا غيم يطربني و لا بارق(...ن...) ناض =و لا هنــــاك اللــي يثيــر انتبـاهـــي
غير الهموم اللي طويلات وعـراض = و احداث وقت(.....ن.....) بالتبهي تباهي
واليوم يا مشكاي في مثلك اعتـاض =و ظني بك اكبـر لو دهتنـي دواهــي

(.....القصيدتين اطول ,,, ولكن هذا ما حصلت عليه منها.....)










رد الشاعر محمد بن السكران:

يا مرحبا ما سال سيله وما فاض = ترحيب الارض المسنيه بالمياهي
ترحيب ما يوصف بتعبيـر الالفــاظ =لكـن تجســدها المشاعـر كماهـي
حييت يا صقر(....ن....) لفا عقب منهاض =حـي الرفيـق اللـي بمثلـه نباهـي
بيـت المعزة محكـــم(....ن....) ما به افــراض =عالي البناء والساس ما هو بواهي
شكوى محمد سببت بعـض الاعــــراض ==وانا معه حالي و مالي وجاهي
فالوقت جار و روض الصعب و ارتاض =و جميع ما في الكون تدبير الهي
والله كشف قــوم الحكــا و التغراض =بالخلف تطعن كل غافل و ساهي
ابلـيــس جنـدهـم لتحقيق الاغــــراض = تاهوا مثل طاغوتهم يوم تاهي

وسلامتكم

[اليامي]

لا هنت يا راكان

قصييدتين رائعه

والبقيه على ما اعتقد عندي

بدور لها وانشاء الله اذا لقيتها

نزلتها لكم


تحياتي

[راكان اليامي]

لاهنت ياليامي

وياليت تجيبها لنا ولا عليك امر

تحياتي

[alajmiali78]

لاهنت يا راكان وصح السانك والشعار الله يعطيك العافيه واليامي الله لا يهينك اذا لقيتها نزلها ولاهنتوا على كل حال .

[راكان اليامي]

مرحبا ومسهلا

واشكرك على الرد

تحياتي

[ma0z]

لا هنت يا ركان وكلهم شعراء جزلين وانت جزل وما تجيب الا الجزل