اهداء للأعضاء

فهاد ال صليع · #1 23-06-2010, 04:40 PM

السلام عليكم لكم ياحلوين...
قبل لاأطلع حبيت أهدي كل واحد في المنتدى هذي القصيدة
بالعربي القصيدة مهداة لأعضاء كلها
أخليكم معها...

دام الغلا من بين الأحباب عنوان.......والشعر عنوان الغرام ورسوله

بزخرف المعنا بلؤلؤ ومرجان.......عساه مايصعب عليها وصوله

وإن كان ماحطيت بالشعر له شان.......يحرم علي الشعر عرضه وطوله

ولا أقول تشبه بالحلا بنت لبنان.......الأ جميع الخلق ماهيب حوله

زين ودلال وهرج معسول بلسان.......ولها مع الأخلاق صوله وجوله

شارع تمره تنبت وروده ألوان.......وبيت ٍ تجي يفرش بغالي زلوله

لو ترسم بريشة مصوّر وفنان.......ويحطها في متحفه صفقوله

ولو تدخل بصالة حفل فيه نسوان.......تحس بالنسوان فيهن رجوله

ولو مثلت ويّا بطل دور زوجان.......والله ليبطي ما نسى هالبطوله

ولو جت لبائع واقف ٍ عند دكان.......يجوز ينسى سعر كيكه وفوله

ولو مرت العسكر بطابور الأركان.......أمرهم الضابط سلام أرسلوله

ولو مرت ببغداد جيش المريكان.......قالوا طريق السلم شفنا حلوله

ولو قالت إركد يا نجاد أحمد إيران.......النووي بكره عن أرضه يزوله

ولو شافها عـود ٍ على العشق شفقان.......وقام ومشى والله ليقلب نعوله

حبي لها أكثر من هل الصين وألمان.......والهند وإحصاء شعب في كل دوله

ويا ناس مهما أقول ماني بغلطان.......مير الزمن يا ناس يا كثر هوله

الوقت صعب ويفرق إنسان وإنسان.......وعجزت أميز طلعته من نزوله

أقولها وأنا من البعد تعبان.......وضرف الزمن للبعد واضح ميوله

بس الأكيد أنساه مافيه نسيّان.......لو الفراق يطول ويحول حوله

وسلامتكم...