اتمنى تعجبكم ...
ومـن كثر مانـي بسـامح كل هفواتـك ..
اقول: أزمـه تـمر شـوي وتعـدي ..
لـكنك تحـدني وتـزيد
سياتـك ..
وحـديتنـي لين ما وصـلتني حـدي ..
واللـه ما كـان لـي نيّـة مجـازاتك ..
لـكن تعـال ونبـيّن مـدك ومـدي ..
راجـع حسـاباتي وراجـع حسـاباتك ..
وإهـدا وركـز ومـيّز مزحي و جـدي ..
انـا موفّـي غـلاك وكسـب مرضـاتك ..
والا انت مخطي .. ومتردي .. ومتـردي ..
كنـك تبـاهـي بظلمـك واعتدائاتـك !!
وكنك تقول اذبحه واحييه .. مـن قـدي !؟
وكنـك تجاهلـنـي لتحقـيق رغباتك !؟
مع انك تعرف ابوي وخالي وجـدي ..
صحيح احبك .. وعمري رهـن لحظاتـك ..
لـكن تمـاديت فـي بنـياني وهـدي ..
انـا انتـهى وقتـي وذي كلمه وجاتـك ..
والا انت لا صرت تبغي وقتك يمـدي؟؟
تعـال .. يمديك تمحي كل زلاتـك ..
صحيح قفّيـت لكن ما هو بـودي ..
بوقـف شوي ,, والحق كل ما فاتـك ..
والا تراني نويـت اروح مـن جـدي
..
*******
اتمـرنـي مــر الغـريـم لغـريـمـه
اموت .. واعرف ياغلا ويـش سويـت .؟
خنتك .؟ تجاهلتك .؟ ظلمتك .؟ عصيتك .؟
قصرت في حقك .؟ جرحتك .؟ تخليـت .؟
ماسرع ((ذكرت)) اني احـب .. اتسامـح
وماسرع ((نسيت)) اني لا صديت .. صديت
مرضـت فغيـابـك .. ثلاثـيـن ليـلـه
مالك عـذر .. ياصاحبـي يـوم ماجيـت
ان كنت تحسبني من حساب ((الاحيـاء))
فأيـن حـق العشـره وجيـرة البيـت .؟
وان كنت تحسبني من حساب ((الاموات))
فأين وصـل القبـر وزيـارة الميـت .؟
*******
أنت لا طقت براسـك حـب جيـت تحبنـي ,, وغبت لامن طقت براسك غياب وما ألتقيـك
ياخي إما تحتفـظ بـي صـح .. ولا ذبنـي ,, لا انت مجبور ٍ علي ولاني مجبـورٍ عليـك
شاطر انك بس من وقـت ولوقـت تشبّنـي ,, وتنبسط لاصرت اقـول الله يرحـم والديـك
حس فيني لبّ احاسيسـي ونـداي ولبّنـي ,, شوف انا وشلون همت بقلب وتعلقـت فيـك
كن قلبـي حالـفٍ ماغيـرك انـت يطبّنـي ,, لا تعلقني كذا مابيـن .. احبـك واحتريـك
خلني بينك وبين الصـدر اعيـش وخبّنـي ,, ولا تطلعني لأني لـو طلعـت اصـلاً بجيـك
ولا تجاملني بوجه .. ومـن وراي تسبّنـي ,, ولا تسوي لي متيّم .. وانت تخفي مالديـك
ما انت ناقص تربيـه حتـى تقلّـي ربّنـي ,, وانت مثبت لي من اول تربية أمـك وابيـك
لو أنا ماني بكفو .. اتركني عنـك وكبّنـي ,, واعتبرني مرحله .. واغسل من الرجعه يديك
يعني لا طقت براسك حب .. لا .. لا تحبّني ,, ما اعتقد لاغبت بعد اليوم .. ممكن ألتقيـك
*******
ياهوى البال يسعد لي مسـاك
أذكر الله وصـل علـى النبـي
كم أحبّـك .. وكميّـة هـواك
مـن يحـاول يحددهـا غبـي
تكبر ولا لهـا عنـدي سـواك
لو طرحت الضبي فوق الضبي !
أنت غالي وعالـي مستـواك
ياطموحـي وغايـة مطلـبـي
وقلبي اللي تشيله فـي يـداك
جاك منيّ عطا .. مدري سبي ؟
مير سجلّـت صـكّ الإمتـلاك
بإسمك ورسمك وقل ما تبـي
أتفيّـا تحـت فـيّـة غــلاك
يا بعـد مـن تغطّـن بالعبـي
هكـذا الحـبّ لا بيّـح خفـاك
كلّ ما شيّـب يعـوّد صبـي!
*******
علموه اني بدونه ويش انـا من دونـه ..
مالحد منا غناةً مـن وجـود الثانـي ..
وعلموه اني على خبره وطيب اظنونه ..
اذكره ما انساه لو انـه نـوا ينسانـي ..
وعلموه اني على شانه ولجل اعيونـه ..
متعباً حالي وانا اللي ما انقضالي شاني ..
*******
أحسب إن مال الجمايل على الدنيا جحود!!
لين معروفـي بذلتـه بناسـن وجحـدوه
وأشهد إن من يفعل الجود في من لا يجود
مثل من حجج على غاربه .. ذباح أبـوه
@@@@
*******
الله يسامـح خـطـاك ولايخليـنـي
ان كان الاحساس ماعندك منه ذرّه !
وشلون ياللي مصافينـي / تجافينـي
عـزالله ان الليـال السـود مفـتـرّه
لكن وش اقول والا ويش فـي يدينـي
مدام عهد المواليـف انكشـف سـرّه
.. وسامحوني اذا طولتها عليكم 
26-04-2010, 12:47 AM
العرض العادي
