حتـى ليـا مـن قيلـي وش نسميـة&&& اقــول هـمـ(ن) للمـولـع وغـمـه

مهرة النسيان · #1 05-04-2010, 05:59 PM

مساء الخير على الجميع

اطرح لكم مما راق لى :

وليه ؟؟ ما انده .... كل ساعه واناديه
وليه ؟؟ ما انشد عنه ؟ وشيل همه

وانا يخوى راسي لصوته وطاريه
واحاول اعيده براسي والمه

وان غاب رحت احرق خفوقي واحاتيه
واقول : وين الديره اللي تضمه

ماني بمتولع لكن ميت(ن)فيه
في ذمتي ذمه وذمه وذمه

لو ان حبه سم وتمده اديه
علي الحرام اني تقهويت سمه

هذا مجنني غلاه وتغليه
شوف العيون من ازرق الدمع جمه

من كثر ما انشد عنه واتبع خطاويه
كنه غريم(ن) لي وطلاب دمه

قدام يولد ليتني عارف ابيه
ولا اني اكبر من كذا واعرف امه

حتى لامن قيل لي / وش نسميه
اقول هم(ن) للمولــــع وغمــــــه

صرت اسمعه .. واصغي لهرجه.. واجاريه
صلى بوجهي شرق والناس يمه

واحب منهو جايز(ن)له ويبغيه
وأ ذم منهو ما يبيه ويذمه

يعني بصراحه صاير(ن)منه وفيه
كني من والدينه ولا ابن عمه

وليه ما انده كل ساعه واناديه
وليه ما انشد عنه واشيل همه

الا ليا نادى علي قلت لبيه
ولبى البلاد اللي ذراها يظمه....

سوااااااااااااااااااااااالم

للشاعر : حمد بن صالح المري .