ابد مآجيت ابآرك لك ولكن جيت ابآوصيك ..؟!

سلطان ال شريد · #1 09-08-2011, 03:57 AM

ابد مآجيت ابآرك لك ولكن جيت ابوصيك=على الله ناويه تدخل بهـل ليله معذبتي
ترى لولآ الظروف اللي عطتك وحدت محاكيك=قسم بالله ماتدخل عليهآ لو على رقبتي
ولكن ان النصيب اقوى ولكن ويش اسوي فيك=نعم صارت معزبتك ولا صارت معزبتي
كذا شاءت بنآ الاقدآر تحرمني لجل تعطيك=كذا لازم عشان تفوز انت وانا اخسر بتجربتي
ترآهآ غآليه جدآ وتكفى ولله يخليك=تدللهآ وتدلعهآ وتنسيهآ مصآحبتي
انا من كثر مآغليهآ احس اني بديت اغليك=ولا تسأل بأيت حق ولا ويش منآسبتي
لأنك لو بتسألني بتسمع شي مآيرضيك=لذآ يآخوي لاتسأل ولا تسمع لأجوبتي
ابيك تحطهآ في دآخل عيونك وبين ايديك=وهي دلوعه اعتادت على كثره مدآعبتي
فـ داعبهآ شوي شوي حتى تشتهي طآريك=وشآغبهآ الين تقول بطل من مشآغبتي
واذا مآلهآ خلقك ولا تضحك ولا تسليك=تحملهآ واسألهآ يعمري ليه عصبتي
وبآلك اسمع انك بيوم تظربهآ وهي تشكيك=مآيحتآج اوريلك بفن الظرب موهبتي
صحيح انك بتملكهآ ومعك العقد بالتمليك=وانا عآرف حدود الله ومن حقك معآقبتي
ولكن قلهآ المجنون وصآني وهو يعنيك=يقول انه بينتضرك لو شيب وشيبتي
وانا مجنونها اللي مانسآهآ وانت مآيمديك=تنسيهآ ذكريآتي في هوآهآ وربع تجربتي
احس اني تمآديت بكلآمي والغضب حآديك=ولو انك فـ مكآني مآتفكر في محآسبتي
كفآك اني تركت كل اشغآلي عشآن اجيك=دخلت القآعه برجلي ولا ادري ويش عآقبتي
وانا مآجيت اخرب عرسك الليله ولا اذيك=انا جيتك عشان اخاطبك واسمع مخآطبتي
توآصآ وانتبه واحرص عليهآ والله يهنيك=ترى كل الكلام اللي طلع من ضيقي وكبتي
لكن مآقدرت اني اقوله وانت مآيخفيك=اخاف اني اذآ قلته تقوم وتقطع رقبتي