هذه احدى روائع الشاعر القدير / محيسن الهزاني:
يـااللــــــه بنـــــــوٍ مـدلهم الخيــــــالا
طـافح ربــابه فيه مثــل المــها الزرق
لاجــا علــى البكــري بين الحــــــلالا
لاعــاد تسمع بـه رعــودٍ ولا بـــــــرق
هتـــــان ودانٍ سحـــــــابه ارســـــالا
يـومـر وسكّــابه همـل وابله غـــــرق
يسقي نعــــام ثـــم يمـــلا الهجـــــالا
حط الحــريق اديار الاجواد له طــــرق
يسقي غــروسٍ عقـب مـا هي همــالا
يصبح حمــامه ســـاجعٍ يلعب الــورق
يــا شبه صفـرا طــار عنها الجـــــلالا
طــويلة السمحوق تنــزع عــن الدرق
لــه ريــق احلى مــن حليب الجــــزالا
واحلى من السكر الى جا من الشـرق
مدهـــال عمهوجٍ لـــــه القلـب مـــالا
يفداه مـا فــوق البسيطه بـــلا فــرق
يـــا ونتي ونــت هــــــزيل الجمـــالا
ينقض ردي الخيـل قـد حسه الفـــرق
وجــريت ان صوت الهوا بـــاحتمـــالا
فـي وسـط بستانٍ سقاه اربــع فـرق
فـــي قلته فـــي عــاليات الجبــــالا
مـن عسر مرقــاها ايدينه غدن طـرق
بــــرق تـــــلالا قلت عـــز الجــــــلالا
واثـره جبين صويحبي واحسبه برق
مبسم هيـــــا لـــه بالظـــلام اشتعالا
بين البـروق وبين مبسم هيـا فــــرق
وروشن هيـــا لـــه فـرجةٍ من شمالا
وبـابٍ مــن القبله وبـابٍ مـع الشـرق
حـــولت مـــع فـــرغٍ جديد الحبـــالا
ورقيت مـع فـرغٍ تنــاوح بــه الورق
غصبٍ على الكـالف وراعي الحــلالا
والثــــالث الملحاق فــي لحيـة ذرق
ومــّزيت مــن ريقه حــلا مــا يحـــالا
وقطفت رمــانٍ ابصدره وهــو غرق
النـــور فـــي غـــرة جبينه تـــــلالا
هــــلاّ وحيــاني وانــا والهن شـرق
قلـت ازدني مــن مبسمك قــــال لالا
يا نــــور عيني لا تجي للهوى طرق
قالـوا تجوز مــن الهـــــوى قلت لالا
الا ان تجـــــوز رماح علوا عن الزرق
قالـوا تجوز مــن الهـــــوى قلت لالا
الا ان يجوزون الحناشل عن السـرق
قالـوا تجوز مــن الهـــــوى قلت لالا
الاان تجوز الشمس عن مطلع الشرق
الخويطر2003
28-08-2004, 07:41 PM
العرض المتطور
