خلقت في الدنيا وانا مامعي شي

[فيصل ال رشيد]

سجه مع الهاجوس طبيعة" لي=طبيعة" باموت ماجزت عنها
اشكي على الخلاق وارفع له يدَي=لاكثرت الافكار يفك منها
اما الكرم قد فاز به حاتم الطَي=حتى الفرس من شان ضيفه طعنها
خلوني اكرم في خياتي وانا حي=لامت مادري جثتي من دفنها
خلقت فالدنبا وانا مامعي شي=وبروح منها مامعي شي منها
مسكين باللي تحسب الواجد شوي=والعافيه لو تنشري وش ثمنها
يا جاهل الدنيا تراها كما الفي=يا مخبل اللي في حياته ضمنها
ان ناحرت لك قامت تروح وتجي=مثل الذلول اللي طويل" رسنها
وان دبرت خلتك طايح ومرمي=وكم واحد" له حاجة" ماضمنها
لابد مانرحل عن المزح والغي=ونسكن بيوتا" قبلنا من سكنها
النفس مثل الغصن عايش على الري=ولولها كل الناس عافت سكنها
يا الله عسى الحسنات تقضي على السي=لا قربو للتفس ذرعة كفنها

((( الشاعر مبارك البخيت السبيعي ))

[dont play with me]

قصيده مثل هذي صار لها ساعتين محد رد عليها







خلقت فالدنيا وانا مامعي شي
وبروح منها مامعي شي منها




الله الله




البيت المشهووور





صح الله لسانه


وانت يالقرم صح الله لسانك




قرم يا قرم



حتى فالذائقه





احترامي

[بتاااار]

الله الله



صح السانه بصراحه بنبطي وحنا نقول جزله




لاهنت على النقل القمه ياقرم


تقبل مروري

[فيصل ال رشيد]

الاخ دنت بلي وذ مي

اشكرك على المرور الاكثر من رائع

وسمح لي كتبت اسمك بالعربي

[فيصل ال رشيد]

بتاااار

اشكرك على المرور العطر

واحمد الله ان وصلت لمستوى ذائقتكم الشعريه

وصح اللسان الشتعر ابن البخيت