الهــــوى والنــــور

[فــتــنــة الـجــيــل]

جميله الصدفه الي جابتك حي الهوى والنور.............عليك اجمل مسى مسيت عطني منه قنطاره

احيي فيك ذكرك قبل شوفك والنبا مغمور...............واحيي فيك عطرك واسمك الي مالي انذاره

انا من مات حي لا طعن حربه ولا منحور.................صويب العين ما يبرى غدى قلبي لك الشاره

بغيت امشي واحس انه غدى مني القدم مبتور................بغيت اقف واشوف عظام كل الجسم منهاره

انا من خانته عبره ولا ضحك مسرور........................يضيق به النفس وده يقول من الحكي خياره

اشيل اغناي لك عرضه وابدلبه على المجرور................وامول من طواريتي على عشاق ثماره

ابكتب من قصيد الوزن وغيره من شعر منثور..................انا لك شاعر يكتب وشعره نقوة افكاره

الا يا غايب عني معي حاضر كما الدستور...................خيالك ما يفارقني بفكري دق مسماره

الا من ضقت اسولف لك على نفسي وانا مقهور............واقول الوقت ما يعطي على ما اريد واختاره

عليك اقبل ومنك اقفي ولا بينت لك محظور......................اخاف بعض عين الخلق تسبقنا وسباره

وجدك الله يا حسنا كما التحفه وانا جمهور...................انا المبهور في حسنك وانا الي خفت ابصاره

ومنك العين تامرني وانا لك طايع مأمور....................على وصلك غدى حظي هوين وقصرة اشباره

اشوف ان الحسن عقبك ولو يذكر غدى مكبور..................يقال انه حسن ولا انت كل الزين وابهاره

الا يا بو عيون الحق وبعض الوصف خرصاً حور................عليك الصوت ما هو صوت كما ترنيم قيثاره

بقى قصرك على فالك عساه بطلتك معمور.......................تمشي بردهته حافي وتحيا عقبك ازهاره

بريح المسك والعنبر يخالطهم زراق بحور........................اذا اقبلت جا قبلك واذا اقفيه غدى ستاره

على هالبوح والتلميح راس المال صدق شعور.................وصدقني ترى فكري عقب طيفك محد زاره

انا بسألك تعذرني عساي بطلبتي معذور.....................اشوف الوقت ما يعطي ولا في الناس عذاره

ابرسلك مع النسمه سلام الخافق المكسور.....................عساه يجبر عزاه وانك تجيه وتنطفي ناره

ذكرت اليوم والساعه ورحلة عمر يا مستور....................ذكرت الله في خلقك خلق هالزين واسراره

اعرف اني ما نيب اول ولا اخر واحد مأثور...................واجمل ما ملكته منه طيف دام تذكـــــــــاره

الا يا ليت لي قلب يطيع الراي واهل الشور...................ضحية موقف عابر ورحلة سفر طيـــــــــاره

مقاعدنا بأخر صف ومقعد سيدي مشهور.....................على يسراي كان هناك اشوف اطباع جباره

اشوف كل هالفتنه تقل عقل وسلوك طهور..................حصين محصن شامخ يبين كبر مقــــــــداره

واشوفه ديمةٍ يحيي نبات الأرض بالممطور..................بغيث يوم اشاهدها جرفني فيه تيــــــــــاره

ذهلني مبرم العاتق وشلال الشعر منثور.....................وذاك المبسم الوردي بلون الزهر قطــــــاره

اغني واغتني الذكره ولا اطمع كود بالمنشور..............وعودي كم شكى مني بعزفي تبكي اوتاره

اعرف النفس تواقه واعرف اني ماني بمسحور....................ولكن سحر عينه غدى يا زين اسحـــاره

انا والليل والهاجس قطعنا بالخيال بحور........................ابي من هو يوصلني له ومن يعطيني اخبار

[@بنت الشيوخ@]

انا والليل والهاجس قطعنا بالخيال بحور.................ابي من هو يوصلني له ومن يعطيني اخبار

صـــح الله السااانش وصح نقلش....

العيطموووس...نقلت فابدعت...

الله يعطيش العافيه...

تقبلي مروري...

اختكــ

@ينت الشــيـــوخ@

[الجوود]

الله الله على القصيد
نقل ولا اروع من كذا كل بيت اجمل من الاخر صح لسان قايلها ولا هان ناقلها

بقى قصرك على فالك عساه بطلتك معمور.............تمشي بردهته حافي وتحيا عقبك ازهاره

بريح المسك والعنبر يخالطهم زراق بحور.............اذا اقبلت جا قبلك واذا اقفيه غدى ستاره

[ريــــــانـه العــــود]

العيطموس



صح لسانك

والله يعطيك العافييييييه على هالقصيده الحلوووة

[فــتــنــة الـجــيــل]

هلابش بنت شيوخ وتسلمين حبيبتى على مرورش عيونى

[فــتــنــة الـجــيــل]

هلا وغلا يا الجود وهلابك ويشرفنى مرورك يا الغالى

[فــتــنــة الـجــيــل]

هلا ومرحبا يا ريانه العود وتتسلمين حبيبتى على مرورش

[رياح عاتيه]

العيطموس صح السانك من حدود الحياة لين حدود الموت
وكن كن كن انا غلطان فأنا مهبول وان كان انا صادق وانت اللي قايلها وانت نقطة هرش مانت بنقطة هماه(يعني والزبده اسمك ذا ينطق على ذكر ولابنت

[سلطااان العتيبى]

العيطموس





مشكوره اختي على النقل الرائع





تقبلي مروري

[فــتــنــة الـجــيــل]

هلابك يارياح عاتيه وتسلم عيونى على مرورك ذا الاسم ينطق على بنت