السلام عليكم ورحمة الله وبركاته
اخواني اخواتي
هذي النسخه الثانيه من ابيات شعريه تم انتقائها لكم بعد ماكتبت النسخه الاولى ونالت اعجابكم
بحثت وجلبت لكم النسخه الثانيه واتمنى انها تحوز على رضاكم واتمنى ايضاً ان تعبي ماراح على الفاضي
رابط النسخه الاولى
اظغط هنـــا
وهذي النسخه الثانيه واتمنى انها تعجبكم وتحوز على رضاكم...
تبي تعرف ! وش ؟ على الفرقا مصبرني=انك بخير .. وحياتك مهتنـي فيهـا
..
دمعي بعيني يفسر صمـت حرمانـي=والحزن في نظرتي بالدمـع غرقتـه
خلوني أعيش باقي العمـر وحدانـي=وش لي مع الناس وأغلى الناس فارقته
..
ماذبحني غير ( دمعه ) ! .. جات من عقب ( ابتسامه )=ولاقهرني غير شي ٍ شفت !! .. عمـره ماطرالـي ؟
يا هبايب ذعذعـي صوبـي ,, وغنـي يـا حمامـه=الندم مافـاد مخطـي ؟ ,,, والبكـى مـارد غالـي
..
تعبـت ادورك .. والخفـاق متثوقـل=البعد ثقٌـل عليـه .. ودمـر اركانـه
لو اني ؟ بلقاك ! .. لادورتك بقوقـل=ماشفت لك شخص يشكي ( فقد ) خلانه
..
حس فيني ! وارحم عيون ٍ سهيره=مابي الا شي ؟ وعيوني تريّـت
شي واحد بس !! مابي شي غيره=موت فيني مثل ماني فيك ميّت ؟
..
يكْفينـي آسلّـم ويكْفيـك ردّ السـلام=أهم شيّ أعْرف إنّك حيّ في ذالوجود .!
..
ياليت ربّي خالقٍ لي معـك عيـن=عشان لامنّي تضايقت .؟ أشوفك .!
..
أبمسح رقـم جوّالـه ., ولكـنّ الغـلا خـلاّه=وقلبي حافظه ., لاجيت : أبمسح رقم جوّاله .!
..
غاب عني والوله خلاه عندي في غيابه=مادرى آن فرقاه نار ولا درى آن لاماه جنه
..
ياحياتي لاتحسبين دمعي يوم سال=ضعف ولاخوف ولا كذا ولا كذيه
والله اني من رجال يضدون الرجال=لكن الحظ الردي سال دمعي كل ابيه
..
اضحك واسولف وان لحقني سهر نمت=ولا قسم بالله ما نيب طيب
..
ياخاطري مايفيد الضيق والحسره=والحزن قتال لاهبت اعاصيره
لاتحسب اللي جرالي فالهوى كسره=الغصن عايش ولو طارت عصافيره
ياصاحبي من سوايا القلب لاتشره=القلب باقي على ذكرى مساييره
من قسوة البرد عندي للدفا جمره=جمرة غضا تشتعل بالهم والحيره
احيان اشوف الخفوق يحب مايكره=واجيب لجله عذر واقبل معاذيره
واحيان اشوف الجفا يطغى على صبره=يهز عرش الضلوع ولا لقى ديره
ياويل قلبي بترحل كمل السهره=ماراح نلقا من الاحزان تاشيره
..
لاشان حظك والليالي .. تحدْتـك..!!=إصبر عليها ..والصبر زين لو طال
لاتنحني للوقـت ..وتـروح هيبتْـك=تصفق بك الأيام ..من جال ..في جال
وإن كان همك بالزمن .. بس لقْمتـك= ( الفول بريالين / والخبز بريـال ))
..
أمااا تجيني حكمه أبلغ من الصمت!!!=ولا ألتزمت الصمت والصمت!! حكمه!!
..
من يوم راحت وانا ياخوك وحداني=ماغير اقلب رسايلها واراجعها
..
نفسي عزيزه من جفاني جفيتـه=حتى ولو يصعب على القلب فرقاه
..
صدري الى ضاق الصديق يتضايق=وعيني تهل دموعها مع دموعه
وش خانة الصاحب الى جاك رايق=وصاحبه كل البلاوي تلوعه
لا صار نفعه بالشدايد عوايق=وقت الرخا ماضنتي به نفوعة
..
اه ياصدري كم تحملت الكثير=واه من حزن توسد مرقده وسط الصدر
..
لا ضاق صدري بزعجك واتصل فيك =والله يعينك كل ما ضاق صدري ..!!
لا تسأليني .. لا تقولين وشــفـيـــك = يا بنت انا عن حالي اليوم مدري !!!
خليني اســلا .. واتــسلا .. واســليك = يمكن عسى الضيقة مع الوقت تسري !!
..
وين أنت يارقـم لـه أيـام مفقـود=لا قـال عفـواً ولا قـال لـي سـم
خايف يطول الوقت ويحول بي الحول=لا رد جـوالـه ولا هــو تكـلـم
..
*^$أبســـألك *^$؟:
لييييه الحظوظ العامره للرديين ؟؟
وحظوظ من يوفون دااايم رديييه .. !
..
يازمان البلاوي من بلاويك شبنا=من بلاويك شبنا يا زمان البلاوي
..
كل ماقارنت عقلي بعقول البشر=طلعت عاقل وهم المجانين
..
يا " .... " في خاطري أسألـك شـيء=شيء ٍ معكـر كـل صافـي حياتـي
ان كنت مـدري بغلاتـي وأنـا حـي=وش مكسبي .. كانك حزنت بوفاتي !!
..
من يشري قلباً همومه ملايين = ويبيعني قلباً من الهم خاالي
..
الصاحب اللي هجرني راح من بالي
وأدري برّبي بعد مانيب في بالـه
من عقب ماهو يدور رقم جوالـي
أصبح بعيدٍ وغيـر خـط جوالـه
..
مشكلـــه .. لا صرت ( تجهل ) في حيـــاااتك وش تبي ؟؟
ومشكلــه ... لا صرت ( تدري ) بس صعبٍ توصلــــه ..
..
أعلنت حبـك ليـن كلـن تمنـاك=غلطه وغيري من خطاي أستفادي
وسلامتــــكم
تقبلو مني خالص الحب والتقدير
اخيكم
سماوي بن نجم
04-08-2008, 09:39 PM
العرض العادي
