الـقـصـيده هـذي لـشـاعـر الـكـبـير : عـبـدالله بن شـايـق
وإعـجـبـتـني قـصـيدتـه الـجـمـيـله وقـلت أكـتـبـهـا لـكم هنـيـا
يقول الي يعبر عن شعوره والرجال اشكال&&احد وافي ومتجمل وحد ناقص ومتردي
وانا ماعامل الا وافين ماينقص المكيال&&مابي بعدين اقول اخطيت وياغبني وياكبدي
لو اجلس فوق قطن وفوق زل ولو شربت زلال&&خلان المصلحه قفيت عنهم غاسلن يدي
وانا مادام بقعا تندفع لو سقت راس المال&&اسوقه واتجنب ناقصين العقل وصدي
احسب للعواقب دام قلبي للصبر يحتال&&ليا ماوصلوها حدها وانا انتها حدي
يعين الله وبيع العمر والدنيا بربع اريال&&ولا عمري جلست امسح دموع الذل من خدي
مواقف والمواقف تفرق الطيب من البطال&&وانا عن موقفي في واجبي مانيب متعدي
وانا في مجتمع عيبن علي اخاطب الجهال&&لحيث ان الجهل يصنع علومن مالها ردي
ولو خاطبني الجاهل بغلطه قلت كيف الحال&&مارد الراس للي ياسعد ماهم علي قدي
انا خاطب طحاطيح الرجال ومعشر العقال&&ولا بدا بالتحدي واتحدي كل متحدي
تحدي صح وجمالن توقف في نحور جمال&&ماهيب علوم ثرثارن مغير يجيب ويودي
يطامر ويتحدي فالخلا كنه من الابطال&&تقول انه بكل الناس متعشي ومتغدي
وهو والله مايسوي عنز لو جا معركه وقتال&&ليا شاف الرحا تطحن يدق بريك ويهدي
يحوص ويدري ان المعركه ماهيب قيل وقال&&وينساء انه يقول انا وبوي وجدي وجدي
لون فعله علي ماقال يمدي قد ذبح رجال&&لكنه يعرف صيداته ليا جا المدح والجدي
يزين العقل وسلوب الركاده ياوسيع البال&&ويازين العقل وحكامه معي ولا تجي ضدي
وسـلامـتـكـم
09-07-2008, 10:05 AM
العرض المتطور
