طلابنـا في الخُبــر

[alaajm]

السلام عليكم ورحمة الله وبركاته


أنا أتكلم بلسان اصدقائي الطلاب في مدرسة الحماد الثانوية بالخبر وانا منهم طبعاً وأقول لأهلينا بالكويت حنا بخير وبأحسن حال وإنشالله بنرجع لكم بالأخبار الساره ونرفع روسكم فوق فوق انشالله
ومشاء الله تبارك الله أحب أنا أفيدكم أن ...مدرسة الحماد بالخبر... نصها طلاب كويتين واغلبهم عجمان وعلى حسب احصائيات المدرسة والكشوف بأسماء الطلاب الكويتين بالمدرسة استنتجت إن :

80 طالب كويتي منهم 48 طالب عجمي والباقي هواجر ومطران ...

والحمدالله اننا متماسكين ومتعاونين مع بعض لدرجة أن ... فندق الخبر هاوس... يشتكي مننا
هههههههههههاي لأن 9 شقق بالفندق كلها عجمان من غير الفنادق المجاورة طبعاً وماقول الا
الله يجمع شملنا ولا يفرقنا قولوا اميــــــن...


وأحب أشكر رئيس مركز شرطة الخبر ... اللي وقف عند كل فندق يلجأ له طلاب الكويت (دورية) وذلك بسبب مضايقات بعض الشباب السعودي ... يعني احنا كنا نقوم الصبح نروح المدرسة نلقى تواير سياراتنا مبنشره ولا مكسورة قزازه ولا معووجه اللوحه...مانقول الا لاحول ولا قوة الا بالله....


أتمنى من كل اعضاء وادارة منتدى العجمان بأن يدعوا لنا بالتوفيق والنجاح انشالله..

[هند]

وعليكم السلام ورحمة الله وبركاته


مرحبا بالأخ المـلبـزي
يعطيك العافية على ما أطلعتنا عليه من أخبار طلاب الكويت في الخبر

الله يوفقكم إن شاءالله جميعاً ويكتب لكم النجاح دائماً وأبدا

اسمح لى بنقل المشاركة لديوان أخبار القبيلة


لك كل التقدير
السؤدد

[الباشا]

الملبزي

يعطيك العافيه والله يوفقكم

وترجعون بالسلامه .

[فيصل بن حجرف]

الملبزي الله يوفقكم ان شاءالله
ونشوفكم خريجين ان شاءالله
لكن ماقلت لنا ماهو سر تواجد الطلبه العجمان بكثره في هذه المدرسه

[alaajm]

المشاركة الأصلية كتبت بواسطة Alajman

الملبزي الله يوفقكم ان شاءالله
ونشوفكم خريجين ان شاءالله
لكن ماقلت لنا ماهو سر تواجد الطلبه العجمان بكثره في هذه المدرسه

أنا أقولك ليش : لأن الخبر والكل يدري قريبــه من (وادي العجمان) يعني اقرب من الكويت وأول ناس درسوا فيها من الوادي يعني شله من الصرار ومن الونان ومن الزغين هذولا الشباب اللي اكتشفوا المدرسة هذي وطبعا اذا تخرجوا منها يروحون يتوظفون بالكويت وطبعا يمدحون المدرسة لأقاربهم وربعهم بالكويت اللي ماخلصوا الثانوية ... وبالطريقه هذي انتشر صيت المدرسة . وشكراً

أرجو أن ردي افادك واقنعك ..

[فلاح بن ملبز]

السلام عليكم ورحمة الله وبركاته

الله يوفقكم انشالله وتردون لناا سالمين غانمين ورافعين الراس بشهادات الممتازه والنسب العاليه وان شاءلله تعبكم وعناكم مايروح هدر واتنمنى لكم النجاح والتفوق

[Dawwas]

يا سلاااااام يا الملبزي .... يعني ندرسكم ونتعب عليكم واخرتها توظفون بالكويت ... لا وتقولها كاااااش بعد ... اما بالنسبه للعيال اللي مضايقينكم اعتقد انهم من عيااااال الثقبــــــــــه.

[alaajm]

ههههههههههههههههههههههاي عليك نور يا دواس هم عيال الثقبه بالضبط بصراحه أحس ان هم اللي مخربين على شباب السعوديه ولا شباب السعوديه انا خابرهم ونعم وثلاثين نعم بس الثقبه اعوذ بالله .... مشاكل تردف مشااكل

[انفال]

السلام عليكم
الله يوفقكم وترجعون للكويت وترفعون راس اهليكم
سلم على العجمان الى هناك وقولهم شدو الحيل
تحياتي

[hala]

الله يجمعكم على خير وترجعون للكويت سالمين اما مقاليع الشرقيه فالله يهديهم ويجنبكم شرهم