ابيات شعري ريحها مسك مع عـود
تعطّرت في مـدح مشعـل كحيـلان
كادي وجوري معهم اطيـاب وورود
مع عنبر ونرجـس وفـل ٍ وريحـان
اصل الكرم موجود في سيـد الجـود
مشعل ابو خالد حفيـد ابـن راكـان
شيخ ٍ رقا بالمرجلـه قمـة الطـود
شيخٍ محنك مـن مواريـث شيخـان
يفزع لمن قلبه من الضيـم مضهـود
ويفرّح المضيوم لـو كـان زعـلان
حر ٍ يطاول بالسمـا عالـي النـود
يكفخ مثل مايكفـخ الطيـر شقـران
قطف من اغصان الغلا كـل عنقـود
وله غرّد القمري على روس الاغصان
حفظ تراث اجدادنـا بوقـت محـدود
ومحطة الصحـرا دليـل ٍ وبرهـان
صارت مرايه للعرب صوت موجـود
مع صوره ومعنى وغايـه وعنـوان
تنقـل لنـا مسابقـة اجمـل الـذود
بمشاهدتها يصبـح القلـب طربـان
ولها سبق ببرنامج ٍ صـار معهـود
هو فارس الصحرا جمع خير فرسـان
تجمعوا عشرين فارس علـى الفـود
على الشرف والعز رفقـه واخـوان
جمعهم الفارس على صفحة الجـود
هـذا حفيـد العـز هـذا بليـهـان
عذروبه انـه مايجـي فيـه منقـود
واجمل خصاله وافي ٍ دون نقصـان
الطيب عنده صـار غايـه ومنشـود
ترفع له البيضا علـى كـل ميـدان
لتراثنا عشـاق وجمهـور وحشـود
وكل ٍ على ماضيه شفـق ٍ وولهـان
وتاريخ ابن حثليـن باقـي وممـدود
محفوظ عبر اجيال وسنين وازمـان
شيخ ٍ مثل غيم ٍ معه بـرق ورعـود
خيره ضفى واستوطن بكل الاوطـان
مامات من خلّف مثل مشعـل الجـود
احيا زمـان الطيـب وايـام راكـان
الطيب واضح عند الاجـواد مشهـود
واجهودكـم ياشيـخ قـدّام الاعيـان
اسأل الهـي خالقـك خيـر معبـود
يطـوّل بعمـرك ويجـزاك بإحسـان
الشاعر:
الطيب العنزي
13-07-2008, 08:06 AM
العرض العادي
