وان قالوا انه شرق وازريت لااجيه...وجهت وجهي كل مانمت حدرى (بن فطيس)

[فزاع]

ماكني اعرفه ولاكني ابغيه=وانا عليه من امه احب واجرى

ياكثرها تسليمةٍ يوم الاقيه=لي عين تكتب له وله عين تقرى

وان حل طاريه تجاهلت طاريه=ماكني ادري عنه وانا به ادرى

*بسكات يغليني وانا حيل مغليه=لاتيليفون ولامواعيد غدرى*

يصون ودي عن عذوله واحاميه=واناعليه احجى من القلب واذرى

*حبٌ عفيفٍ والصراحه سواقيه=في وقتنا ماظنتي قد يطرى*

لا اسولف بحبه ولانيب كانيه=وغيري لو انه يوالفه كان هذرى

احشم قريبه حشمةٍ له واداريه=واخشى يجى في خاطره شي وادرى

ليت الزمن يرجع وانا اعلمه ليه=والا الحظوظ من المقابيل تشرى

كل العذارى بالوفا ماتساويه=كنه اليمين وباقي الغيد يسرى

قولوا له اني مارتضي بالبدل فيه=لامال قارونٍ ولاعرش كسرى

يرتاح ماغيره ملا عين هاويه=غلاه نهر النيل والقلب مجرى

واكبر دليل اني إلاغاب احاتيه=كم ليلةٍ ماتت على كف مسرى

وان قالوا انه شرق وازريت لااجيه=وجهت وجهي كل مانمت حدرى

محمد بن فطيس

[قبلة العذارى]

احشم قريبه حشمةٍ له واداريه
واخشى يجى في خاطره شي وادرى

ليت الزمن يرجع وانا اعلمه ليه
والا الحظوظ من المقابيل تشرى


ياســــلااام ياســــلااام


:
:


رمان


يعطيك العافيه على الاختيار الرائع لمهندس الكلمه / محمد بن فطيس


صح لسانه .. ولاهنت ع النقل


تقبل مروري


القبله

[علي أل فطيح]

رمان
الله لايهينك على النقل
وصح لسان راعي البيرق
الشاعر محمد بن فطيس
تقبل مروري..

[فزاع]

مشكورين على الحضور والتعليق
اللي اسعدنا

كل التقدير والاحترام


اخيكم

[وطـبـان]

صح لسان قائلها وناقلها ,,,

[خالد بن رمثان]

*بسكات يغليني وانا حيل مغليه=لاتيليفون ولامواعيد غدرى*

يصون ودي عن عذوله واحاميه=واناعليه احجى من القلب واذرى

*حبٌ عفيفٍ والصراحه سواقيه=في وقتنا ماظنتي قد يطرى*

لا اسولف بحبه ولانيب كانيه=وغيري لو انه يوالفه كان هذرى


رمـــــــــــان أشكرك على اختيارك الراقي

وصح لسانك يا محمد بن فطيس..

[صمــت اليتــاما]

رمان
لاهنت على روعة اختيارك
دمت بخير



:


اختك صمت اليتاما


:

[فزاع]

بن رمثان

صمت اليتاما

مشكورين على الحضور
ويعطيكم العافيه


كل التقدير والاحترام لكم

[موكب]

وان حل طاريه تجاهلت طاريه=ماكني ادري عنه وانا به ادرى
بسكات يغليني وانا حيل مغليه=لا تيليفون ولا مواعيد غدرى
يصون ودي عن عذوله واحاميه=واناعليه احجى من القلب واذرى
حبٌ عفيفٍ والصراحه سواقيه=في وقتنا ماظنتي قد يطرى
لا اسولف بحبه ولا نيب كانيه=وغيري لو انه يوالفه كان هذرى

اخي الغالي / رمان /

صح الله لسـانك ملاييييين على هذه الشامخه

وصح لسان شاعر المليون الرائع (( محمد بن فطيس ))

إخترت فا أبدعت نزف شعري جميل

لك كل الاحترام التقدير

[فزاع]

مشرفنا الغالي
موكب

حياك الله وشرف لي حضورك وتعليقك

اللي اسعدنا


كل التقدير