صفر زايد صفر قلّي كم يساوي؟=يعني الذمة من الذمة بريّه!!لــــ/سلطان بن وسام (دره)

[فهد بن مطلق]

السلام عليكم ورحمه الله وبركاته

نـص يتكلم عن نفسه .!!!


لـــ/سلطان بن وسام الهاجري


بين أيديكم


صلوا على النبي
.
.
.
.
.
.

الخيّال أشهر من الحر النداوي=والندى رمزٍ من اليمنى النديه

وحيلة النصاب مقطوع الرجاوي=والله إنه ما يمشيها عليّه

ليش دسيت الرواية وأنت راوي=تدري؟ إن العاقبة ذنب وخطيه

يوم جاك الليل في بر الصداوي=ضعت يالراعي وضيّعت الرعيّه

صفر زايد صفر قلّي كم يساوي؟=يعني الذمة من الذمة بريّه!!

ليش سموا عود جاوه عود جاوي=وليش سموا الابجديه أبجديه؟

دلّتك فاحت وأنا عليها غناوي=قهو قيس وقهو ليلى العامريه

أعظم الامثال في شعر الخلاوي=ما طرقها في اللحون السامريه

وعزت أبراهيم والياس الهراوي=يضربون أمثال (هيّه وهاي هيّه)

وأنت لو ينحي بك السيل النحاوي=رحت مثل الحبل فـ/ رقبة المطيه

من سمع سمعة شليويح العطاوي=ميّز النفس الفقيره والغنيّه

يوم طار الستر عن مبسم مضاوي=ماطراه الا الشجاعه والحميه

الأزمه ما تغطيها الغطاوي=والسلوب العنجهيه عنجه

والله إنك من بعيدين الهقاوي=مير تجرفك الحميّا الجاهليه

أسمع الفتوى من شيوخ الفتاوي=أسمها فتوى!!( وأسميها وصيه)

ما هويت المستحيل الا أنت هاوي=روح سرمد والمسافه سرمديه

بس حاول ما تطيح الا متساوي=لا تشب الحرب وتصير الضحيه

[قبلة العذارى]

صفر زايد صفر قلّي كم يساوي؟=يعني الذمة مـن الذمـة بريّـه!!

القصيده ذي رجعتني كم سنه ورى وبالذات ذالبيت


ماقول الا ياجعلها تسقى ايام ذالبيت


العود



يعطيك العافيه ولاهنت على النقل الرائع

وصح لسان المبدع / سلطان بن وسام

تقبل مروري

[dont play with me]

طيب طيب يالعووود




صح لسان بن وسام


والقصيده طرحت نفسها مثل ما تكرمت




صح اختيارك ولا هنت

[هــــــــــادي]

عملاق يابن وسام

لاهنت يالعود








أحــــترامي

[عزيز الفوزان]

من سمع سمعة شليويح العطـاوي
ميّـز النفـس الفقيـره والغنيّـه

الله الله ..

والله إنك مـن بعيديـن الهقـاوي
مير تجرفـك الحميّـا الجاهليـه

هنـا نجد .. معنى عميق ترتب عليه قصه حصلت مع الشاعر


جميل جدا ً إبن وسام .. وهو بلاشك هرم شعري ..
شكرا ً لهذا الاختيار الموفق .. اخي العود

[فهد بن مطلق]

المشاركة الأصلية كتبت بواسطة قبلة العذارى

صفر زايد صفر قلّي كم يساوي؟=يعني الذمة مـن الذمـة بريّـه!!

القصيده ذي رجعتني كم سنه ورى وبالذات ذالبيت


ماقول الا ياجعلها تسقى ايام ذالبيت


العود



يعطيك العافيه ولاهنت على النقل الرائع

وصح لسان المبدع / سلطان بن وسام

تقبل مروري

قبلة العذارى


لاهنتي على الانتقاء والمروور الجميلّ

[فهد بن مطلق]

المشاركة الأصلية كتبت بواسطة dont play with me

طيب طيب يالعووود




صح لسان بن وسام


والقصيده طرحت نفسها مثل ما تكرمت




صح اختيارك ولا هنت

dont play with me



طاب طيبكّ


لاهنت على المروور

[فهد بن مطلق]

المشاركة الأصلية كتبت بواسطة هــــــــــادي

عملاق يابن وسام

لاهنت يالعود








أحــــترامي

هـــــــــــــــــادي


لاهنت على المروور

[فهد بن مطلق]

المشاركة الأصلية كتبت بواسطة عزيز الفوزان

الله الله ..




هنـا نجد .. معنى عميق ترتب عليه قصه حصلت مع الشاعر


جميل جدا ً إبن وسام .. وهو بلاشك هرم شعري ..
شكرا ً لهذا الاختيار الموفق .. اخي العود

أبن فوزان


لاهنت على المروور والمقدمه الطيبه


لك تحياااااتي

[حـــوران]

نص لايحـتاج إلى تعليق دامه لـ سلطان

لاهنت يالعود