ليت العتيبي هزع ما داج ... في حي نوره واهل نوره (( للشاعر عبدالله العير ))

[العرااقي]

ليت العتيبي هزع ما داج=في حي نوره واهل نوره

نقّض علي الجروح اوهاج=قلبٍ تذكر غلا نوره

هيّض اشجوني درج وابراج=بيتٍ تنحت عنه نوره

ما كن فالبيت حيٍ داج=من نسل نوره واهل نوره

انشدك يالطير يابو سراج=بالله عينت لي نوره

افرج لهمٍ من غلج واغلاج=حاله سببها هوى نوره

جاوبني البيت يا حجاج=تنشد وانا انشدك عن نوره

اتلا السهد يوم حظي ماج=يباحث العلم عن نوره

قلت انت ثابت وانا دواج=لاكن اوصيك في نوره

إن كان مرتك قل حجاج=جاني يدورج يا نوره

يقول ما للجروح اعلاج=الى سوالفج يا نوره

وانتي غنيه وانا محتاج=للوصل تكفين يا نوره

وانا على فرخة الميراج=اواصل البحث عن نوره

ليت العتيبي هزج ما داج=في حي نوره واهل نوره

للشاعر الكبير عبدالله العير

تغمده الله بواسع رحمته وغفر له ذنوبه ما تقدم منها وما تأخر بإذنه فهو ارحم الراحمين

اخوكم إلياس الدليمي - الدينمارك

[ffahad]

يعطيك العافية على النقل

[راكان اليامي]

لاهنت على النقل

وصح الله لسانك ولسان المرحوم

[أميرة العجمان]

قصيدة حلوه مره

قصايد فيها ذوق وجمال الوصف
واتمنى منك المزيد


ويعطيك العافية على انك تعرض لنا مثل هالقصايد النادره

[badr]

قصيده رائعه متميزه للشاعر كبير الله يرحمه انشاءالله

[العرااقي]

الاخوان .. فهد , راكان اليامي , اميرة العجمان , بدر

تحياتي لكم

اخوكم إلياس الدليمي - الدينمارك