بنت شيخ(ن)مايورث مـن وراه الا العقـاده=مات ماجاله ولـد والبنـت خلوهـا عقيـده (دره)

فهد بن مطلق · #1 16-04-2008, 02:34 PM

السلام عليكم ورحمه الله وبركاته

دون مقدمات

بين أيديكم

صلوا على النبي
.
.
.
.
.
.
.
.

السكون يشدنـي والليـل يذبحنـي بـراده=ساعة(ن)فيهاالهجوس يدق باب الصدر بيـده
دقة(ن)منها عروق القلب ريم(ن)في حمـاده=ذيره صوت النفس من صدر صياد(ن)يصيده
دلنـي للفـازع القطـاع وركبنـي شـداده=لين وردني على حوض الضعيفه والشديـده
صحت ياجرح السنين الماضيات اشهد شهاده=فزعتك يوم الكلام يعـاد وفكـارك جديـده
حدني من الضيق تكفى لاتلقينـي السعـاده=السعاده يابعد راسي من افـلاس القصيـده
كل مازدت العنى سلمـت للحبـر القيـاده=مثل ماسلمت قلبي في الهوى كف الفريـده
مهرة(ن)تحمى على خيالهـا هـز الطـراده=كنها تربى على ضرب الحديده في الحديـده
خالها عوق الخصيم وعشق لبـاس القـلاده=وربعها روس الرجال الي يلبـون النجيـده
بنت شيخ(ن)مايورث مـن وراه الا العقـاده=مات ماجاله ولـد والبنـت خلوهـا عقيـده
ان بغت تثبـت جدارتهـا بقلبـي والسيـاده=تبتعد وتشوف ماتبقى من افكـاري شريـده
اتحدا جمرها في خاطـري يصبـح رمـاده=والهوى نفحته من صله ونا شوقـي وقيـده
ماذكر انها قد عطت قلبي من الـذه مـراده=طاهره مادوجـت بيـن الرفيـده والرفيـده
ان طروها قلت ياعيني تعـذرش الوسـاده=ون تهيت اشكر الحظ ومساعيـه الحميـده
ليتها ياليتهـا تفتـي المجاهـد فـي جهـاده=عن مقام(ن) دونه الدنيا على عينـه زهيـده
والله انهـا كـل ماغابـت تغيبنـي زيـاده=ضاغت افكاري ولا ركبت لي جمله مفيـده
والسبب ليل(ن)سكن جوه وذعذعني بـراده=لين وردني على حوض الضعيفه والشديـده