طيب ليه ما تصرف عليهم ............

[نايف العجمي]

السلام عليكم



حبيت اثير مشكله ولا ظاهره فى المجتمع القبلى خاصه ........



وهى عدم صرف الزوج على ابناءه بعد الطلاق وتركهم عند خوالهم بدون مصروف .........



والمشكله موجوده عند احد الاصدقاء ويخبرنى بها وحاصله له مع احد ابناء عمه ...........



يقول المشكله انه طلقها ولا عاد يصرف على اعياله وعليها ويقول مانى عجزان ارفع عليه قضيه نفقه .


لكن ابن عم ومانبى فضايح ولاهى من عادتى ادخل محاكم لكن وين الحل .......


وفى مثل صديقى حالات واجد لكن من باب الاحترام وعدم الفضايح محد راح يشتكى على ولد عمه .....


ما اقول الا الله يخلى خوالهم هم اللى يصرفون عليهم وربوهم وهو ابوهم بالاسم بس ..........



والله يا اخوان الظاهره موجوده واسف على الاطاله والتعبير لان الكلام من القلب للقلب ...........


اخيكم / نايف العجمى .

[*** شيخه العجمان ***]

معاك حق هالمشكله منشره حيل ..
بس المفروض يصرف عليهم
تسلم نايف عالمرور ..
تقبل مروري .
شيخه

[شمس الأصيل]

جد هالمشكله منتشره

وكل شيء يقع على عاتق المراءه

والرجل يسقط دوره في البدايه

يصرف وبعد ذلك يتناسى

او يختلق الاعذار كل ذلك لانه حاقد على زوجته

ولا يرغب ان تصرف من ماله

لكن لا يعرف ان المال من حق اولاده


الله يهديهم

وكل الشكر لك



شموسه

[دااانة البحرين]

السلام عليكم ورحمة الله وبركاته


((نايف العجمي))


والله هالأباء انصحهم يشيلون الشنب أحسن لهم
مايستاهلون يكونون رجال قبل لا يكونون أباء


واللي يابهم ماينساهم .. الرزق من الله


وتسلم أخوي ولاهنت على هالموضوع اللي رفع ضغطي


تقبل مروري اختك دااانة البحرين

[Golden]

بالعكس في حل

دامه ولد عم بتسهل المشكله اكثر

يروح اخو المطلقه او ابيها للرجال ويحاكيه بكل ذوق واحترام ويقوله انك طلقت بنتنا وهذا قسمه ونصيب لكن لاتنسى ان عندك عيال ومسؤل منهم لهم حق تصرف عليهم وتشوف طلباتهم
وتخصص لكل طفل مبلغ على قد استطاعتك

يمكن يكون الرجال غافل ..والعيال بكره يكبرون ويروحون لابيهم لو كانوا خوالهم مقدمين لهم كل شي ولاهم بشايفين غلط ابيهم

[الجلمود]

انااقول مافيها شي دامه قريب بعد هاذامايستحي




يقول المثل اللي مايستحي منك لاتستحي منه اجيه واكلمه بااللتي هيا احسن



اذافادفيه كانا خيروله واذامافاداكلم اللي اكبرمنه واذامافادالاامرذاك الساع اروح محاكم



لاهوعيب ولاحرام لان اختك اذاانت ولي امرها تراها في ذمتك واجب عليك تجيب حقها

[صديق الملك]

في البداية

لابــد أن يكون الرجل يحمل معنى الرجولة قولاً وفعلاً مهما حدث ويحدث

ولكن

قد يعيق الأب من أن يصرف على أبناءه بعد طلاق أمهم عدّة أسباب يأتي في مقدمتها أنّ هذا المصروف

قد يذهب لغير أبناءه .. ! ربما يذهب لأخوان الزوجة أو أبناء أخوانها أو أخواتها وبالتالي يمتنع الأب

من المصروف

قد يقوم الأب بدفع بعض المصاريف لأبناءه وتقوم الزوجة بصرفها على البيت والأسرة بشكل عام مما

يجعل الأب يمتنع من دفع المصاريف بحجّة ( علي وعلى أعدائي )

ورغم ذلك

يجب على الأب أن يتغاضى ويتجاوز كل ما يغيضه ويغضبه ويقوم بالصرف على أبناءه مهما كانت

المسبّبات والأسباب

أخي المحترم

نايف العجمي

موضوع حيوي وهام جداً ويلامس الهم الإجتماعي عن قرب

كل الشكر لك

أخيك .

[بنت إبيها واخت إخيها]

بصراحة هاذي المشكة انه ولد عمها وش خله حق الغريب وبالنهاية لاغريب ولا قريب هذولا اعياله اذا ماصرف منو بيصرف عليهم وصدقني اخوي نايف مصير اهلها يملون من مصارفيهم لا تقول بنتهم وبيسكتون المشكله ان ابيهم عايش وياكل بمعيشهم ان كنت بمكانه والله ارفع واخليها بالمحاكم وعلى قولتهم اللي مايستحي منك لا تستحي منه


يعطيك العافية اخوي نايفوتقبل خالص احترامي.