مْجاهدن في عمتي وفي كوتي = ريحة شرف ماهيب ريحة قاتي !

[عقاب]

السلام عليكم


قصيدة رائعه للشاعر الرائع / ماجد المهنا

وابداع منقطع النظير


.. آخر ابداعاتي ..

تعبت وانا ماسمع الا صوتي = وحشرجات وبحتي وآهاتي
أبغى اهتني في عيشتي وفي قوتي = والوقت ماجاني على مشهاتي
بدعيك يا شعري وهاك كروتي = بقلّطك جوفي وكراساتي
ان طالت المده وطال اسكوتي = أخاف ينسون العرب نبراتي
شاعر إلى منّي بدعت ابيوتي = ادنّق القمه لجل رايآتي
مياستي يا عبلتي يا نوتي = يا قصتي اللي تستحق ابياتي
ركزي ابْظهر المكبوتي = بسمّعك شيءٍ من ابداعاتي
وشخصيتي وافكاري وجبروتي = هذي خلاصة بعض ممتلكاتي
خلي الغرام وحبّك المنحوتي = بين الضلوع المستميت العاتي
بجيب صدري وافتحيه وفوتي = ثم ابْصري في حزني ونكساتي
فيروزتي توبازي وياقوتي = يا درّي المكنون في غبّاتي
فيك من طعم الحياه وموتي = وضحكة احجاجي ومن عبراتي
كم واحدن ماهوب يسوى بوتي = واليوم يقول انه يجاري ذاتي
واعطيه أقنور عقبها شلوتي = ماهو كفو لسيوفي وطعناتي
روحي رياضيه واعرف اللوتي = خشن ولا اخاوي لي البناتي
ألّعب بعدواني لعب ريموتي = واحرص على سبرنتي وباصاتي
بمرر الخفاق وأنتي شوتي = ثم افرحي جمهوري بْمأساتي
ماني باحاتي كفني وتابوتي = عساني أُذبح في حدا غاراتي
مْجاهدن في عمتي وفي كوتي = ريحة شرف ماهيب ريحة قاتي
لا تهمشين اسراي مع بيلوتي = ولاتزايدين ابْآخر الجولاتي
بغيت اسمّعك الجديد ابصوتي = آخر قصيدي وآخر ابداعاتي !!

.........

عقوووب

[فلاح بن ملبز]

ارحب ثم ارحب يا عقاب

وصح لسانك ولسان الشاعر المبدع / ماجد المهنا

ويعطيك العافية على هالنقل الرائع والجزل

ولك جزيل الشكر

[جطلي بن فهد]

السلام عليكم ورحمة الله وبركاته
الاخ القدير

عقاب
صح لسانه ولسانك
قصيده رائعه بحق
والله لايهينك ويعطيك العافيه

بانتظار جديدك

[حـــوران]

صح لســان شاعرها

ولاهنت على الأختيــار

لك التحيه والتقدير

[عليك العيون تغار]

لاهنت اخي صح لسانك وصح لسان شاعرهاا
كل الشكر لك على ماخطت يمناك
تقبل مروري

[ناصر بن فالح]

الله الله

صح لساااانه ولسااانك


لاهنت ياعقاب

[DUNHILL]

عقاب

انا دايما اثق بذوقك

لكن ذالقصيده ماش واقل من عاديه

والظاهر انها بتطرح الثقه بذوقك

ولاهنت في كل حال