وين الرفيق الي على السد ماثوق

[RAKAN>>>COOOL]

قصيدة اعجبتني وحبيت انقلها لكم

عسى تعجبكم .........؟


وين الرفيق اللي على السد ماثوق

لا ضاق صدري فرج الهم عني

ياليت سدي مقفل ٍ مثل صندوق

يصير مبدا الهرج ما هوب مني

السر ما يفضي على كل خقخوق

لاجا بوسط السوق يقرع بشـن

قل للعذارى لا تهابن من السوق

ما في شي يجفل الناس منـــي

والله لو يمشن مفاريع ودلوق

ما افز له لو ما تغطن عنـــي

إلا غزال تشعف القلب زملوق

ومع عجايب زينها صغر سـن

أبو خدود كنها القطن مطروق

والراس ذيل معيل ٍ مستعــن

وعيون نجل شوفهن يسحرالموق

يضيع ما بالكف إلى لجلجــن

والورك يشبه شط عفرامن النوق

ما رددت في كل سوق تحــن

والله لو تجلب على حنة السوق

تسوى لها لكين والفــين دن

ياشيب عيني وان نطحني مع السوق

يكن جلدي طابقه جلد جنــي

عليه قلبي ما بقى فيه معلـــوق
واليوم عيا خاطري يرجهــن

بالك تذير لا تعوّرك مخلـــوق

وليا فعلت الجود بالك تمــن

وترى ان صفالك واحد فانت مسبوق

لزما لزوم وانقل العلم عنــي

أضحك وانا قلبي من الغيظ مدفوق

وعساي ما اعاقب على سو ظني

الطيرما يكفخ وهوما له سبوق

وترى الفدامة كل هرجه تمنــي

[كويتي]

يا مال العافيه يا غالـــي وتسلم يمينك

تقبـــل تحياتي
كويتي

[راكان اليامي]

اولا
مرحبا والله ومسهلا بين اخوانك يالسمي
ونور المنتدى طال عمرك

وين الرفيق اللي على السد ماثوق

لا ضاق صدري فرج الهم عني

ياليت سدي مقفل ٍ مثل صندوق

يصير مبدا الهرج ما هوب مني
وانا اشهد بداية موفقه
وصح الله لسانك

وانشاءالله نشوف المزيد يالغالي

[RAKAN>>>COOOL]

مشكور اخوي كويتي واخوي راكان على المرور ولا هنتو

[فيصل بن حجرف]

لاهنت اخوي راكان

وصح لسانك على القصيده الرائعه

بس ماقلت لنا منهي له

تحياتي

[بنت راكــــان]

السلام عليكم ورحمه الله

بدايه رائعه اخي راكان

وصح لسانك ولسان الشاعر

في امان الله ولاتحرمنا هالمشاركات

[قبلةالعجمان]

صح لساااااانك ولساان قايلها

[عيد بن شدقان]

RAKAN>>>COOOL
صح السانك ولا هنت