حياكم جميعاااااااا

[محمد بن عرار]

السلام عليكم ورحمة الله وبراكاته..

سلام يا اهل الوفا واهل المقام الرفيع=يالابةٍ طيبها من طيّب افعالها.
ان كان به شاعر لامن نوى .. يستطيع=يقلط وله دلةٍ يكفيه فنجالها.

[البليهي]

عليكم السلام


استلم

يامرحبا بالمسلًم في المكان الوسيع=اللي يروم المراجل ويتعنا لها
عطنا علومك وسمعنا الخبر يا مذيع=(والكلمه الطيبه من حظ من قالها)

.
.

[محمد بن عرار]

عذرا للتاخير ترى عندي مشكله في الجهاز

واستلم لا هنت

دام البقى يا المرحب وانت حصنٍ منيع=حنا لنا فالنا والناس في فالها.
بعطيك علمي وخله بيننا.. لا يضيع= القوم صارت كبارتها لجهالها.

[البليهي]

مرحبا مرحبا


استلم

من طاب ممشاه يبشر بالحيا والربيع=ومن خاب ممشاه عديناه فنجالها
من شاخ في حلته ثم ايدوه الجميع=الله يهني سعيده هي ورجالها

.
.

[نـاصـر]

مع الله ياشعار

وسجلوني متابع

صح لسانكم

[البليهي]

ارحب ياناصر



وجودك في منتدى المحاوره ضروري



ياهلا وميه هلا

[محمد بن عرار]

لاشفت بعض الاسامي قلت هذا مريع= واليا بحثنا خفاها ضاعت اعمالها.
لاطب سوق الذهب مايشري ولا يبيع=مثله مثل سلعةٍ فيدين دلّلالها.

[محمد بن عرار]

ناصر حياك الله ومرورك شرف

لاهنت على المتابعه.

[البليهي]

اخوي مفراص شرفني والله اللعب معاك


والختام عندك يالقرم

طبعي اجنب قليل المعرفه والصديع=ماحب بعض الاوادم يكثر خبالها
ياصاحبي طيعني وان كان ودك تطيع=الناقه الضايعه تعطى لجمالها

.
.

[محمد بن عرار]

انا والله اللي اتشرف بالعب معك وتبقى بيوتك هي الختام طال عمرك