ارقـصـي ..ارقـصـي بـيـن حـد الـذنـب والـمغـفـره ،،،، درّه

[بــ ــــــــرق]

السلام عليكم ورحمة الله وبركاته

مساء الخير


قـصـيـده لـشـاعـر ،،

قـلـيـل مـن يـوصـف تـوصـيـفـه فـي هـذه الأيـام مـع ،،، احـتـرامـي لـلـشـعراء الـمـوجـديـن فـي هـذا الـوقـت ،،،

ولــكـن رأي شـخـصـي فـي شـاعـريـة هـذا الـشـاعـر ،،

بـيـن أيـديـكـم
.
.
.
.

فتنة الحفل زيدي مشيتك بختره=كل خطوه بروق وكل لفحه صهيل


باقي بين عقلي والجنون شعره=اقطعيها ياشينه عاشق ٍ مو هبيل


خلي الارض تاخذ شكل غير الكره=خلي النار تاخذ رمز غير الفتيل


من غدى الليل شعرك قلت انا بسهره=ومن غدى الصبح وجهك قلت مالي مقيل


ارقصي ..ارقصي بين حد الذنب والمغفره=ارحلي في سكونك واسكني في الرحيل


ارجفي كنك الماء فززته احجره=واثبتي كنك الفضه بعين البخيل


وانحني مثل غصن ٍ في طرفه ثمره=واوقفي مثل فزعات بدوي ٍ اصيل


والفحي علمينا كيف تقدر مره=تزرع الليل صبح ، وتزرع الصبح ليل


في عيونك سواد ٍ يستحيل آخره=كامن ٍ في بياض ٍ اوله يستحيل


واحد ٍ تخزرين وما يجيك اخبره=اشهد انه عزيز واشهد انه ذليل


اترك العقد بين الجد والغشمره=يخبر الناس وش معنى جميل فجميل


كن في الصدر ظبي عيوننا تذعره=ينتفض يذعر الي ذاعرينه قبيل


ومفرق الصدر حبات العرق تجهره=كن لك عقد در ، وعقد من سلسبيل


بينهم حسد ربي بعد ما صوره=عقد وده يجف ، وعقد وده يسيل


آآه ولا لمحته مقبله مدبرة=شفت مثلي نحيل ٍ زم حمل ٍ ثقيل


دام ذا عجز وش للناس بالمقدره=دام ذا خصر وش لي بالخواتم بديل


وسط ثوب ٍ خيوطه صمت في ثرثرة=به قليل ٍ كثير وبه كثير ٍ قليل


كل شيّ بجسمه يفضحه يستره=فيه فتنه قصير، وفيه حشمة طويل


كنه المخطي الي يطلب المعذره=وكنه الدامح الزله عن الي يعيل


في ردونه نقوش ٍ لا سنابل ذره=الله اعلم لو ان الريح هبت تميل


كل شي ونقيضه فيك بالمسطره=اقرب من النفس وابعد من المستحيل


كنك الكذب لكن ماحدٍ ينكره=وكنك الصدق ولكن مابيدينا دليل


باشت الغيد زيدي مشيتك بختره=لاجل اطاول بحرفي شامخات النخيل


شاعرٍ تلمس ايدينك على دفتره=تغرق بابسط اوزانه بحور الخليل

لـلـشـاعـر الـمـبـدع : فـهـد عـافـت



مع خـالـص ،،، احـتـرامـي وتـحـيـاتـي


بــ ــــــــــرق

[فهد بن مطلق]

بــــرق


الدره ماهي بالقصيده الدره انت ونقلك الجميل والمميز صح السان قايلها فهد عافت وتسلم يمينك على النقل



ياسلااااااام

ارجفـي كنـك المـاء فززتـه احجـره=واثبتـي كنـك الفضـه بعيـن البخيـل


وانحني مثل غصن ٍ فـي طرفـه ثمـره=واوقفي مثـل فزعـات بـدوي ٍ اصيـل

تقبل مرووري وسجلني 1

[جطلي بن فهد]

الله الله


ابداع لايوصف يابرق


لاهنت والله يعطيك العافيه

[بــ ــــــــرق]

المشاركة الأصلية كتبت بواسطة العود

بــــرق


الدره ماهي بالقصيده الدره انت ونقلك الجميل والمميز صح السان قايلها فهد عافت وتسلم يمينك على النقل



ياسلااااااام

ارجفـي كنـك المـاء فززتـه احجـره=واثبتـي كنـك الفضـه بعيـن البخيـل


وانحني مثل غصن ٍ فـي طرفـه ثمـره=واوقفي مثـل فزعـات بـدوي ٍ اصيـل

تقبل مرووري وسجلني 1

العود

مسجل فالقلب

والله يسلمك من الشر

ولا هنت على المرور الراقي اللي اسعدي



تقبل تحياتي



بــ ـــــــرق

[بــ ــــــــرق]

المشاركة الأصلية كتبت بواسطة سماوي بن نجم

الله الله


ابداع لايوصف يابرق


لاهنت والله يعطيك العافيه

سماوي بن نجم

يا مرحبا والله و مسهلا

ولا انت .. الله يعافيك

لا هنت على المرور الراقي



تقبل تحياتي


بــ ــــــــرق

[فــلاح]

ياسلاااااااااااااااااااااام قصيــــده اعجــابي فيـها قبــل لا أعرف القصــيد


بـ ــــــرق الله لا يهينـــك على النقـــل وفكنــا انت والعـود من الكلام المدفـون


وتحيـاتي

طويــــق

[بــ ــــــــرق]

المشاركة الأصلية كتبت بواسطة طويــــق

ياسلاااااااااااااااااااااام قصيــــده اعجــابي فيـها قبــل لا أعرف القصــيد


بـ ــــــرق الله لا يهينـــك على النقـــل وفكنــا انت والعـود من الكلام المدفـون


وتحيـاتي

طويــــق

طويــــق

يا مرحبا و مسهلا

ولا انت .. هههههههههههههههههههه

مامن شي مدفون بس انت اللي ودك


لا هنت على المرور الراقي


تقبل تحياتي


بــ ـــــــــــرق

[سلطااان العتيبى]

برق




لاهنت على النقل الجميل والمميز



تقبل مروري

[بــ ــــــــرق]

المشاركة الأصلية كتبت بواسطة معانق حزن

برق




لاهنت على النقل الجميل والمميز



تقبل مروري

معانق حزن

يا هلا و مرحبا

ولا انت ..

الله لا يهينك على المرور الراقي


تقبل تحياتي


بــ ــــــــرق