راشد بن عفيشه والامير محمد بن شريم المري

[صديع االمحلف]

هذه الابيات من قصيده لمحمد بن شريم المري بعث بها الى الشاعر راشد بن عفيشه


قم ينديبي وارتحل فوق سرساح x سواج مواج كما الريم لونه
لابن عفيشه بشره بالحيا طاح x نو من القبله تحدر مزونه
قلت اتطلب طلبه الصاحب الصاح x ياجعل رب البيت يطلق عيونه


يشهمهم على الموت مزاح
نظم الشاعر راشد بن عفيشه هذه القصيده ردا على قصيده محمد بن شريم المري

ياراكب من عندنا فوق مصلاح x نابي سنامه مارقات متونه
اللي كما وصف الجريده بالادباحx عوج كراسيعه تفجح زغونه
مفتل الذرعان ومن الخلل صاح x ماقلب خفه من حفا يرقعونه
يومي براسه لا مشى كنه نفاح x لولا خزام فيه مايقهرونه
يجعل مسير العشر ليل ومصباحx والعصر عند محمد يمرحونه
يفز وقشارك على النضو ماطاح x ويقلطك ويقول لك والمعونه
ابشر بكبش مابغى فيه الارباح x وبن وقافي البن ما يذخرونه
سلم على ترثه شبيب ومراح x وثنه على اللي كلهم يتبعونه
لولاب حرب للوليب مفتاح x وله ماقف تجذي المشاكيل دونه
تركض مراكيضه مقاليم الاجناح x راعي الصعاد الي وساع طعونه
ان كان تطري لي سنا بارق لاح x فالمنوة اللي لابتي يمتنونه
اوي والله قبل غوال الارواح x من قبل غالي الروح يستسلمونه
اني مع ربعي الى صاح صياح x واشوف نشرة جوخهم يلبسونه
هواجر ما نستمع كل نصاح x وحنا لا جنا المجنى زبونه
في راس عيطا من هوا برد الارياح x الين تقفي من ظعنا ظعونه
نصلى سموم الحرب ما حن بننزاح x وضر الى حرك تزايد جنونه
نعطي الشلايل حقها عقب الاصلاح x نهار بيت الحرب مست ركونه
كم واحد عقناه والخيل طفاح x واللي عليهم دينهم يذكرونه
ساروا لنا مثل الدبا يوم ينساح x فرسان قوم جمعهم يجهلونه
وصلوا ويشهمهم على الموت مزاح x ينفح وكن سمر المراير قرونه
وسقنا لهم عند الضحى كل شلواح x ربع الى ضاع السحا يشترونه
ماهمنا في دقلنا كل من طاح x وفي دقلهم من طاح لايرحمونه