جبرك الوقت ترجعلي جبرك وجيتني ندمان .. دمرك الشوق ياخاين وجيت تسابق ظلالك

[alajmiali78]

بسم الله الرحمن الرحيم

اخواني واخواتي اعضاء منتدى العجمان اسمحولي على الأبتعاد عن المنتدى والمشاركات فيه من فتره وهي والله ماهي معافه ويشرفني اني اكون بينكم على طول واشارك معكم بمواضيعكم اللي تفيد ولا تمل لكن بين كل فتره وفتره راح اتواجد معكم انشاء الله .
عندي قصيده اعجبتني حييييييل ويمكن يكون اللي شدني لها اكثر موضوعها واللي قالي موضوعها واحد من الربع صديق للشاعر نفسه وهو شاب ماهو كبير اسمه فيصل ناصر الرشيدي والصراحه كان موضوعها مؤثثررررر وهي تكلم عن نفسها حاب اشارككم فيها واتمنى انها تعجبكم مثل ما اعجبتني .
يقول :

جبرك الوقت ترجعلي جبرك وجيتني ندمان=دمرك الشوق يا خاين وجين تسابق ظلالك
عرفت الحب بغيابي وعرفت انك معي غلطان=تاكد ما يشرفني طريق(ن) دربه وصالك
تبيني اخضع لجل عينك وانا ما اخضع ومهما كان=اقص الراس قدامك ولا اخضع لأشكالك
لعبت بحسبة جروحي وكتبت من الحزن عنوان=ونسيت اللي يحبك موت وصار الغير يحلالك
اذاغيري يبي قربك وصرت فبحره الغرقان=نصيحه لا يموت الحب ومن قلبي هنيالك
تشب النار في قلبي وتنسى اني معك انسان=تخالط بالشقى هيلك وصب الهم فنجالك
بعد ما انقلبت الدنيا تجيني محترق ولهان=وتقول ارجوك سامحني ووعد مني ابوفالك!!
تبي قربي انا حاظر ولكن بطلبك من شان=تشوف شلون لي عزه ترد الجرح لامثالك
أبي تبكي على شاني وابي تصرخ من الحرمان=ولو اني بآخر الدنيا ابسمع صوت موالك
ابيك تصير مجنوني ومن شافك يجي شفقان=يقول شلون علمني وش اللي غير احوالك؟
تدل الدرب من دوني وقدمك سكة الأحزان=توكل لا تناديني ويعينك الله على حالك
وانا يكفيني ذليتك وحديتك على الهجران=تقول الموت من بعدك واقول هنااااك اشوالك
غسلت ايديني من حبك وبرحل واهجرك يافلان=فمان الله وباقيلك نصيحه خلها فبالك
ترى من يضحك الاول مصيره فاللعب خسران=وانا من يضحك الثاني عشان احطم آمالك

وسلامتكم وتحياتي لكم .

[قبلةالعجمان]

صحححححححححححح لسانك










والله مدري وش اختار وش اخلي من هالابيات الرووووعه ........



ترى من يضحك الاول مصيره فاللعب خسـران
وانا من يضحك الثانـي عشـان احطـم آمالـك

[اطياف الماضي]

alajmiali78

حياك الله معنا في كل وقت

وصح لسانك ولسان الشاعر راااااااااائعة بصراحة

تحياتي لك

[قبلةالعجمان]

تبيني اخضع لجل عينك وانا ما اخضع ومهما كان
اقـص الـراس قدامـك ولا اخضـع لأشكالـك













عجيب هالبيت :

[alajmiali78]

يا قبلة الله عليش وعلى مرورش الجميل اختي قبلة العجمان ومرحبا بش ( دبل ) وصح بدنش وحياش الله .

صح بدنش اطياف واسعدني مرورش وحياش الله .

[Saudi]

alajmiali78
تسلم يمينك ياكحيلان علي القصيده الرائعه والبيت هذا اعجبني بصراحه : وانا يكفينـي ذليتـك وحديتـك علـى الهجـران
تقول الموت من بعدك واقول هنـااااك اشوالـك \والله اللي تقاضا وذلها صدق ولاهنت علي المساركه الحلووه وتحياتي لك

[cool]

السلااام عليكم ورحمة الله وبركااته

تبيني اخضع لجل عينك وانا ما اخضع ومهما كان
اقـص الـراس قدامـك ولا اخضـع لأشكالـك

اول شي الحمد لله على السلاامه alajmiali78 وان شاء الله يستمر توااصلك معنا

الغاالي كل ماحصل لك فرصه .

صح لسااانك وصح لساان الشااعر على القصيده الاكثر من راائعه .

تسلم على الاختياار ولا هنت

كـووول

[عزوف]

مــــــــن طول الغيبات جاب الغنايم وانت يا علي وجودك ورجعتك اكبر غنيمه للمنتدى

قصيــــــده رائعه لشاعر مبدع وهذا واضح من خلال قصيدته صح لسانك ولسان الشاعر

تحياتي ويعطيك الف عافيه على هالرائعه

[alajmiali78]

Saudi الله يسلمك وحياك الله .

cool سلمك الله وصح بدنك .

عزوف مشكوره والله يعافيش وصح بدنش .

اشكركم على مروركم وتحياتي لكم .