جرير ., قرّب الله لايسيئك :)

[بندر]

سلام ردّة وفا ., تعلن بداية حضور=لعلّ في جمعة أهل الطيب والخير خير
الصيف قفا ., وحل سهيل يهل الطيور=ولاجا الهددْ فالقنص ماكلّ طيرٍ بطير

[جرير]

يامرحبابك هلا وعداد نبت البذور=ولَعل في جمعت أهل الخير خير وفير
الطير يا بندر المعنور عطه النسور=واوعدك يطلع على صيده بصايد شطير

[بندر]

وابك البقا ., وانت من طبعك تلفّ وتدور=وجهة نظر فيك ., واقبل وجهتي ياجرير
باقي شهر عقب ماطال انتظارك شهور=وانشوف مقناصك اللي تنتوي وش يصير .؟

[جرير]

مافيه لازم ندور ان كان مافيه سور=واللي يدل الدروب اكيد ماهو ضرير
الطير ذاخره يا بندر على اية عبور=وان كان تبغا الصحيح أيامنا ما تسير

[بندر]

هههههههههههههههههههههههه

ان كان تسمع من اهل العلم والشور شور=ان طعتني يارفيقي وقّع ولاتطير
ترى اول ايّام مقناصك عسرْ وامخطور=عسى على شبّتك قرناس طبعه خبير

[جرير]

وان كان تبغا من اهل العلم والعلم نور=الشمس لا تكشف المضمون خله ستير
ماضي وحاظر ومستقبل على ايآت دور=الاول مكانه ولا يرضى يجي بالأخير

[بندر]

اخوي جرير

تشرفت بتصبيحك

[جرير]

وانا تشرفت بردك

صح لسانك

[نـاصـر]

صح لسانكم

<< ومتابعكم من بعيد

[نسل الطويل]

صح السنتكم وابدعتم والله لا يهينكم


جرير انا فصفك << عقب ما انتهى

بيض الله وجيهكم

ولو بختار بيوت اعجبتني اخترت رديتكم كلها