الشعر لامنه طلع ؟ طلع !

[نجــــــــــداوي]

السلام عليكم ورحمة الله وبركاته



أتمنى أن ترتقي لمستواكم


.
.



الشعر مكبوت ٍ ولكن لاطلع مني طلع
. . . . . . .شي ٍ يتله من صميم السد للبوح مغصوب

.

يممت يم ذاك الجمال اللي تحلى بالدلع
. . . . . . .هجـّيت من ترح ٍ على فرح ٍ دعا قلبي كذوب

.


ترويح عن نفس ٍ لفعها الشؤم في كف ٍ خلع
. . . . . . .كل الثقة من ساسها ثم اشتغل فيني عيوب

.

وأنا على ضفة هكا الوادي وحيد ٍ منقلع
. . . . .عن صجة هموم ٍ يجيني صوتها من كل صوب

.

سجّيت غارق بالطبيعة ساهي بزين السلع
. . . . .من حفرة ٍ فريت هارب طحت في جرف الكروب

.

مثل الذي عالج صلع بالزيت وزود به صلع
. . . . . . . .ياليتني من حجتي سالم ولا زدت الذنوب

.





الشمس غابت وابتدى دور الشفق لحظة ولع
. . . . . . . . كنه يزيد الطين بلة لاسطع بعد الغروب

.

قفى نهار ٍ وانخلع والليل جاني واندلع
. . . . . . .والغم حل وزادت الضيقة ولطخني شحوب

.

ضنيت إني رحت عن هم ٍ على قلبي ضلع
. . . . .كنت احسب إني قاطع ٍ عن ديرة الضيقة دروب

.

أثري قريب ٍ والحزن متوزي ٍ لي ثم طلع
. . . . . .بقفاية الشمس وقدوم الليل في صدري يروب

.






أمحق وناسة تجلي الضيقات وتزيد الهلع
. . . . . . .أروح عن نسمة قلق يلفح معاليقي هبوب


.



والله يااكل ترحي من أفراحي ومن عمري بلع
. . . . . . .راحت عشر والهم رغم الصبر مافكر يتوب




.

.
.
.
.
.




وهذا الشعر مني ترى فرض ٍ علي والله طلع
. . . . . .شي ٍ صعد به من كنين القاف للبوح مغصوب
.




الشاعر /
فيصل بن سبيّل الباهلي

[@بنت الشيوخ@]

صح الله لسانك......ولسان شاعرهاا/فيصل بن سبيّل الباهلي


ابدااع.....

يعطيك العافيه...

تقبل مروري,,,

[FALAH-1]

نجداوي

صح لسانك

ولسان الشاعر

ولاهنت على النقل

Falah

[عيد بن شدقان]

صح السان الباهلي




ولاهنت يا نجداوي


اختيار رائع



الله يعطيك الف عافيه

[الاحرش]

صح لسان قايلها وتسلم يمين ناقلها

[الراعي الرسمي]

اخوي نجادوي سلمت يمناك وصح الله لسان شاعرها

تقبل مروري...