احذروا هؤلاء الأشخاص ربما تكونون انتم الضحية

[كويتيه]

قووه..

وصلني هذا الايميل.. و حبيته انشره للافاده

..

---

السلام عليكم ورحمة الله وبركاته



تحيه للجميع وبعد..



كان يوم الخميس طلعت مع الشباب ورحنا احد المجمعات التجاريه والا جهازي النقال (الجوال) يعطي نغمه تنبيه بأن رسالة وصلتني عن طريق الـ Bluetooth طبعا الرسالة من شخص مجهول طبعا استقبلتها والا اشوف بنت لابسه لبس الثانويه يعني توها طالبه وقاعده بباص المدرسة وترقص واللي امصورتها رفيجتها (صديقتها) على ما اعتقد من نفس الجهاز اللي اهوه نوكيا 6600 والظاهر ان صديقتها ما عندها خوف على صديقاتها وعلى بنات ديرتها وبنات جنسها ادخلت احد المجمعات وارسلت هذي اللقطه حق كل اسم يطلع عندها في بحث الـ Bluetooth المهم بعد اللي شفته انا انصدمت واللي صدمني اكثر ان بعد اسبوعين رحت النادي والا واحد يقولي عندك هاللقطه توها جديده والا اشوفها والا نفس اللقطه قلت بيييييييه الظاهر البنت صارت مشهوره بالديره الكل عرفها



المهم انت يالشاب او انتي يالشابه تخيل صارلك نفس الموقف اللي صار لي وشفت اللقطه والا اختك او وحده تصير لك (تقرب لك) اشلون اتعالج هالموقف بتشوف أي واحد بالمجمع وتلقى معاه نفس الجهاز واتقوله بشوف عندك هاللقطه والا لا والا انك اتبلغ الشرطه طبعا ما فيه فايده ما تقتدر اتسوي شي حتى الشرطه ما يقدرون يسوون شي لأن خلاص الفضيحه انتشرب بالديره كلها او يمكن العالم كله

ومع العلم ان أي صوره او أي لقطه موجوده بالجهاز تقدر اتنزلها على الكمبيوتر وترسلها بالانترنت طبعا التكنلوجيا ما تقصر في وصله يبيعونها بالسوق عندنا احنا بالكويت قيمتها 10 دنانير ولا يمكن ارخص يعني تخيل اختك او وحده تصير لك توصل عند شاب نفس اللي ارسلها لي بالمجمع ونزلها بالكمبيوتر ونشرها بالانترنت او تخيلي انتي يالبنت انتي اتكونين الضحيه توصل لج رساله اتشوفين نفسج وانتي ترقصين بعرس او حفله لازم ناخذ الحذر خاصة البنات يعني مثلا صديقتج قالت لج بعرس مثلا ابي اخذ لج صوره بتليفوني لأن ملابسج حلوه وانتي صايره احلى واحلى او انها اتصورج وانتي ترقصين اذا انتي واثقه منها هذا شي راجع لج بس شوفي البنت اللي انا شفتها اكيد كانت واثقه من صديقتها والا ليش اتخليها اتصورها واهي ترقص



احذروا هالأشخاص ضعاف النفوس ترى يسوون اللي ابليس ما قدر يسويه

انا ما اقول بس بالعرس او الحفلات حتى بالمجمعات انا شايف شباب يمشون ورا بنات وقاعدين يصورونهم والبنات ما يدرون ترى هذي فضيحه بعد



طبعا انا اقول هالكلام مو بس حق بنات ديرتي لا هالكلام حق العالم كله وارجو انكم اتوصلون هالرساله حق كل الناس وتنشرونها بالمنتديات وبكل مكان وحتى بين اهلكم واصدقائكم





المهم ارجو ان الجميع فهم الموضوع واعتقد كل واحد او كل وحده تستخدم الطريقه اللي تقدر اتحافظ على نفسها وشرفها وسمعتها



وآسف عالاطاله



وتقبلووو تحياتي



ومع السلامه



ملاحظه: ترى مو بس جهاز نوكيا 6600 اهوه اللي يصور فيديو وفيه Bluetooth في اكثر من جهاز بس انا قلت 6600 لأن نسبة بيعه كبيره عندنا بالكويت

---

لكم خالص تحياتي

[فيصل بن حجرف]

السلام عليكم

مشكوره اختي كويتيه على النقل

وفعلا الشي هذا منتشر بالكويت وبشكل رهيب

لكن المشكله مو بالتلفون,, المشكله باللي معاه التلفون

ولا شلون وحده تصور رفيجتها او واحد يصور واحد من ربعه

والثاني يدزها حق احد وتنتشر وتصير فظيحة بجلاجل على قولتهم

مانقول الا الله يهديهم انشالله

تحياتي

[ابوتركى]

فعلا كلامك عدل اختى كويتيه والبلوتوث الحين يستخدمونها شات

يعنى الواحد يشغل البلوتوث ويحطله نك وهاذى مسويه واحد من الربع


ويدش بين زحمة الناس واللى يكون مشغلها يطلع رقمه عند اللى مشغل

الخدمه هاذى وهاذى سلبيات العولمه اللى دهورتنا

تحياتى لك كويتيه

[الوطن]

الله يكفينا شرها

يعطيج العافيه يا الغاليه

[cool]

السلااام عليكم ورحمة الله وبركااته

صرااحه شي مايرضي احد ولو اللي يسوي مثل كذا يرضى على نفسه او على

احد من اهله كان ماسوى شي ولو انه قبل كل شي يخااف االله كااان ماراح

يفضح خلق الله .

الله يستر علينا وعليكم منهم ويكفيني شرهم .

مشكووره كوويتيه

كـووول

[هند]

لاحول ولاقوة إلا بالله
الله يستر على الجميع


يعطيك العافية أختي كويتية على التحذير
جزاك الله خير



السؤدد

[ابن مكتوم]

يعطيش العافيه يا كويتيه
ولاهنتي على النقل




بن مكتوووووم

[كويتيه]

العجمان


كووول


كيفي هاجريه


بو تركي


السؤدد


بن مكتوووم



يعطيكم العافيه وتسلمون على مروركم الكريم...

و صراحه البلو توث انا اول مره اسمع فيه.. بس شكله والله شي مو هين ديروا بالكم..

[كويتي]

تسلمين اختي كويتية على هذى الموضوع
المهم لاهنتي يا غاليــــه ،،،


تقبــلي تحياتي
كويتي

[النايفه]

تسلمين كويتيه عالموضوع الخطير حييل..

ومثل ماقال اخوي المشكله مو بالتلفون المشكله بالي يستخدمه ولا البلا ان التلفون لما يصور مايطلع صوت او اي شي يبين انه يصور يعني الواحد يسوي نفسه بيدق رقم ولا شي وهو قاعد تصوير بهالنااااس ..

بس مانقوول الا الله يكفينا شر ضعاف النفووس وشر هالزمن الي يخووف..


تحياتي,,,