ديوان الشاعر الكبير رشيد بن زيد الزلامي

[سفير الهيلا]

السلام عليكم ورحمة الله وبركاته

يسرني ان اضع بين يديكم مااستطعت ان اجمعه

من قصائد الحكمة والوطن والغربه

لشاعر النظم والرد منهل الحكمة وهامور الشعراء

الشاعر العملاق / رشيد بن زيد الزلامي

تلبية لرغبات اغلب الاعضاء ومحاولة مني في الوفاء لهذا الرمز


القصائد كتابةً

((حنا سعودييـن ))

كان الزلامي في دولةالكويت في اواخر السبعينات ميلادي
فأستفزه احد الاشخاص بقصيده عندما رأى الزلامي يقرأ في مجلة وعليها صورة خادم الحرمين الشريفين
قال مستنكرا على الزلامي :

حنا بدار دلهت صدر مـن ضـاق
بلـغ سلامـي للزلامـي وقـلـه

ياعابد الصوره على بيض الاوراق
دارك عرفناهـا وعلتـك عـلـه

وان كان حبه محرق قلبك احـراق
شد الرحـال ودرب عمـك تدلـه

فرد عليه الزلامي بردود اشتهر كثيرا فقال :

انتم بدار دلهت صدر مـن ضـاق
وانا اتخيل صورتـه مخلـص لـه

ما تعرفونه يـا ردييـن الاعمـاق
هذا الفهد ذخر الفهـد فـي محلـه

اللي اذا جفـت ويبسـن الاريـاق
انته و انـا ومعزبـك تحـت ضلـه

والله احبه حب مخلـص ومشتـاق
.واحب حتى صورته فـي المجلـه

واهل الحسد ماهم على باب الارزاق
رزقي على اللي كون الكـون كلـه

حنا سعوديين يـا طـاق طربـاق
احرارماعشنـا بعيشـة مـذ لــه

رجالنا لوهوعلـى مكسـر السـاق
حب الكرامه والوفـاء عـادة لـه

الله من صبر(ن)

الله مـن صبـرن صبرتـه ولافـاد
والصبر مر اليـا تعـدى الحـدودي
يـوم اتذكـر ديرتـي دار الاجـواد
اهل الشـرف ومعربيـن الجـدودي
ذكرتهـا بعـد الرمايـس والابعـاد
وبدلتها بارض ن عليهـا محـدودي
واطول هجري بيـن عيـاد وعنـاد
ول ياعساهـا عشرتـن ماتعـودي
لاقلـت صلـوا زادوا الكفـر بعنـاد
وانا ليـا صليـت قالـوا سعـودي
وانا اعترف بالحـق مانيـب جحـاد
وموقعن بالعشـر مبغـى شهـودي
انا سعودين علـى روس الاشهـاد
والي الشرف يابارديـن الخـدودي
هذي وطنا من علـى عصرالاجـداد
مهبط وحـي مادنسوهـا اليهـودي
ارض العرب وارض الديانه والارشاد
وام العرب من يوم عـاد وثمـودي

هبت وشبت

الله مـن قلـب بـه النـار تشتـب
هبت وضبـت واستمـرت شبوبـه

قلـبٍ غـدى للهم مـا رد ومشـرب
وما ضاع من هم العرب راح صويـه

همٍ علـى ربـع وهـمٍ علـى شـب
باليـوم والساعـه همومـه تلويـه

والله من عيرنٍ تصب العبـر صـب
صب القليب اللـي تدالـج غروبـه

يا عبيد انا ما نيب ضبٍ ولـد ضـب
يصبر لمـا يسمـع وينفـخ ذرويـه

انـا عتيـبـي عـريـبٍ مـعـرب
لي ما قفٍ كل الجميـع شهـدو بـه

من سب داري قلتله كـب ثـم كـب
وارخصت روحي دون داري جلويـه

لـو أتعـبـن سبابـهـا واتـعـذب
صبرت من شـان الوطـن للعقوبـه

والسجن ما هو عيب شـئ مجـرب
لعلـم المسجـون مـا هـي ذنوبـه

يلومنـي خبـلٍ إلا مــا تـغـرب
ينسى الوطن خسروا هله يوم جو به

فوده مع الضفـران صفـر مكعـب
غطيـس قلـب لـذة النـوم دويـه

وانـا علـى كـل الجنـوب اتقلـب
ما ذقت حلو النوم يـوم اهتنـوا بـه

واقنب قنيب الذيب في راس مرقـب
من حر ما به قـام ينهـش جنوبـه

يحينـي الغربـي عصيـر إلاهــب
ريـح الديـار الطـاهـره هبـوبـه

ريحـة هواهـا مكسبـي يومنكسـب
اخير من ريـح البحـر والرطوبـه

عسى السحاب اللي من العصر ينصب
دلـت همـا ليلـه وهبـت انصويـه

يصقى وطن راعي العقال المقصـب
نجد العزيزه وغرب نجـد وجنوبـه

ياديرتي مـا تقبـل الشتـم والسـب
يـا منبـع الإسـلام دار العـروبـه

يفـوز مذهبهـا علـى كـل مذهـب
وعلـى مقلبـت المذاهـب عقوبـه

يحكم بشرع الله والسيـف الأرقـب
ولا شق فيها طالـب الحـق الثوبـه

يانجد حبّك هو شرابي وزادي

يانجـد حبـك هـو شرابـي وزادي
شين بقلبـي كونـه خالـق الكـون
لاعـدت البلـدان هـذي بــلادي
اقولهـا مـن كـل قلبـي وممنـون
متمكن ن حب الوطن مـن فـوادي
وحب الوطن سنه علـى مايقولـون
من طبـق السنـه لـه الله هـادي
ومن خالف السنه منافـق وملعـون
يامنكـر ن دارك عليـك السـوادي
يوم الكرام لحـق الاوطـان يوفـون
هذي وطـن صفوةجميـع العبـادي
وبعده وطن قومن على النهج يمشون
دار السعـود منزحيـن الاعــادي
اللي لها عرضن منـزّه ومصيـون
تلبـس بهيبتهـم ثيابـن جــدادي
غصباً على الحساد واللي يحسـدون
دارن مضى فيهـا خيـار المبـادي
ودستورها القران عن كـل قانـون
دارن لصوت الحـق فيهـا منـادي
ومنها وفيهـا قبلـه اللـي يصلـون
وعندي هواها ريح مسـك وزبـادي
وجبالها عنـدي بساتيـن وعيـون

عندما سؤل شاعرنا في لقاء مع صحيفه الجزيره عن اقوى ابيات
ذكر الابيات التاليه من قصيده موجهة للامير/ سلمان بن عبد العزيز

بالحلم دكتـورٍ وبالعـزم فـولاذ
موج البحور العايمه مـا يطمـك
ومن يلتجي لحماك يرهي بالانقاذ
منفـذٍ للمرجـلـة راس كـمـك
منته ينبع في صقاعقـب رذراذ
هداج تيما اللي غزيـر مجمـك
والله يا سلمان ماجيـت شحـاذ
لكن ممـا حسنـي جيـت يمـك
أعرفك من روس الرياجيل الافذاذ
الطيب يظهر في تحاليـل دمـك

[الصقري]

الأخ العزيز ســـفـــيـــر الـــهـــيـــلا

صح لسانك ولسان الشاعر الفحل رشيد الزلامي العتيبي

ومليون نعم بعتيبه قبيلة أكن لها كل إحترام وتقدير ، لا أنسى

قصيدته في مدح الملك فهد عندما كان بالكويت ،،

تحياااااااتي لك

الصقري

[سفير الهيلا]

ههههههههه الصقري لاهنت على المرور سبقتني ترا كنت أحرر القصايد أرجوا العوده وماعليك زود يالغالي

[سفير الهيلا]

قصيدة شريتلي جيب

الله على اللي شوحتـه تقطـع الـدار
يوصل غريب الـدار ديـرة ربوعـه


أبيـه والله ميـر مغليـن الاسـعـار
والبنـك ماادلـه ولااعـرف فروعـه


وذي حالـة الدنيـا لهـا ادوار وادوار
يومـن تواصلنـا ويومـن قطـوعـه


وكـل البشـر فيهـم فقـارا وتجـار
ونفوس تتحمـل والاخـرى جزوعـه


وحتى بنـوك النقـد تعجـز وتنهـار
ماهوب انا عجزي بعـاد(ن) رموعـه


بس المهـم ودون توضيـح الاسـرار
وضعي ووضع الجيب شكلـه ونوعـه


شريت لي جيب(ن)عسى ابـوه للنـار
بانـت عذاريبـه مـن اول اسبوعـه


مزعج مع الصحراء ومزعج مع القار
ومـن يركبـه لازم يسكـر سموعـه


مثل الشبـح ماينقصـه غيـر طيـار
شكلـه وتصميمـه وممشـاه روعـه


من خف دمـه مابقـى فيـه مسمـار
ولايركبـون عيـال الانـذال نـوعـه


مايركبـون الا سـفـاري وفكـسـار
آخر زمان(ن) جعـل بقعـا تصوعـه


خـلا رجـال المرجلـه مالهـم كـار
الذيـخ لـو يبكـي مسحنـا دموعـه


الذيـخ يشبـع فالفضايـل والاسـوار
والذيـب مايـدرى بفقـره وجوعـه


وقت(ن) يخلي صاحي الفكـر يحتـار
ويشوف من هـول الدهـر مايروعـه


تلقى الفقير وفزعتـه خمسـة انفـار
وتلقى الغني كـل الجماعـه فزوعـه


ياعاشـق الدنيـا تـرى مالهـا جـار
كما واحد(ن) في حبها طـار شوعـه


اليوم تضحـك لـه وتعطيـه الانـذار
وبكـره تلحويهـا محانـي ضلوعـه


خلـك علـى صكـات الايـام صبـار
ويـوم(ن) يفوتـك لاتمنـى رجوعـه


اقفى على مافيه مـن خيـر واشـرار
نجم(ن) هوى مايندرى عـن طلوعـه


وماهي علـى كيفـك تمنـى وتختـار
ابعد على المخلوق مـن حـب كوعـه


يخبرك من ذاق المتاعـب والامـرار
وحـاول ولاجالـه زمانـه بطـوعـه


ومرت به الدنيا على بعـض الاقطـار
في رحلة(ن) ماغيـرت مـن طبوعـه


والله ماواطـن عيشـة الـذل والعـار
مـادام لـي شيمـه ونفـس قنوعـه


وقرش(ن) عزيز افضل من الفين دينار
من مصدر(ن) للذل يعلـن خضوعـه


ولو الوساده مـن صلافيـح الاحجـار
للراس اخير مـن التـرف والميوعـه

قصيدة وادي العقيق

قالبارحـه يــوم الثـريـا تـويـق
ييـوم كـلٍ فـي لذيـذ الكـرى راق



وقفت ليـن الشـوف جالـه بريـق
مثل السراب اللي على البعـد لهـاق



أخيـل بـرق صـوب واد العقـيـق
يماشفت مثله يفضـح الليـل بـراق



عسـاه يسـقـي دار ذاك الفـريـق
يلو رغبتي ما عـاد بـاقٍ لهـا بـاق


وذيك الديـر مانـي عليهـا شفيـق
يتطيب منها النفس وتضيق الاخـلاق



قزرت عمـري فـي بحرهـا غريـق
يمتحمـل ٍ كـل المتاعـب والارهـاق



لين انكشف وجـه العـدو والصديـق
يوالرفقه اللي حبلهـا رمـث ودقـاق



ولا كلفـت نفـسٍ بمـا لا تطـيـق
تبينت لـي كنهـا شمـس الإشـراق



وانا ليـا شفـت الجفـا مـن رفيـق
يوصار الامل حبر ٍ على بيض الاوراق



قابلـت غلطـاتـه بـوجـهٍ طلـيـق
يونظرت له نظرة محـب ٍ ومشتـاق



أعطيـه حتـى مـن منامـه يفيـق
يلا كلمته سمّعـت ولا خاطـرٍ ضـاق



حتـى يعـرف انـي رفيـقٍ حقيـق
وليا انحرف ماهو على بـاب الارزاق



يروح في دربـه وانـا فـي طريـق
يمن خلقت الدنيا بها جمـع وافـراق



علـي بيبـان الفـرج مـا تضـيـق
يأسوقهـا فـي كـل ديـره وتنسـاق



وابعد عن اللـي رفقتـه مـا تليـق
يماني علـى جنبـه معلّـق بمعـلاق



ياكثر مالي فـي الديـر مـن صديـق
يلا بارت العملـه وشحّـن الاسـواق



صداقـةٍ تبـنـا بـسـاس ٍ وثـيـق
لا عقـربٍ تلـدغ ولا مـوس حـلاق

اليا جهلت انشد

إليا جهلت انشد ترى مابها عيـب
لا تنخدع للجهل وأنـت السبايـب
عيب الفتى مافيـة شـكٍ ولاريـب
ترك الفروض وقطع وصل القرايب
العيب تـرك ملزمـات المواجيـب
وتبع الردى ومجالسة كـل خايـب
فالتجربة برهـان مافيـة تكذيـب
واليا جهلت انشد من القوم شايـب
ولا أقول يوجد شايب يعلم الغيـب
الغيب يعلـم بـه مديـر الهبايـب
لاشك يوجد شايـب لـه تجاريـب
كم لف بالدنيا و شـاف العجايـب
قد صارع الدنيا على الخبث والطيب
فالغوص وإلا في ظهـور النجايـب
بيض النواصي جبهته كلها شيـب
من كثر ما مرت عليـه المصايـب

يامعالج الجرح

يامعالج الجرح صبري واصل مـاده
وعلاج قبل امس زاد الجرح ماسـرّه
احرجتني في سؤال مااعرف ابعـاده
والناس للنـاس محتاجـه ومظطـرّه
اخفض جناحك ترى دنيـاك حـداده
وترى سليمان قبلك خاطـب الـذرّه
وجرحي ترى مايبي دكتور وعيـاده
يحتاج قلـب رحيـم ونظـرة حـره
وان كان جرحي بقى والطب مافـاده
اعود وانصحك ياقلبـي ميـة مـرّه
لا عاد تحلـم بشـي فـات ميعـاده
قد ايش تبكي وكبـدك ليـه محتـرّه
اصبر علـى ماقضـاه الله ومـاراده
يكفيك فعـل الزمـن بمحمـد الـدرّه
ويكفي من الوقت خمس عقود وزياده
ماعاد خلـت بكبـدك قطـرة مـرّه
وان قلت انا في زمان فات لي عـاده
دارت رحاة الزمـن وجتـك مفتـرّه
ريح ضميرك وخل الوقـت وجهـاده
لعل خير الزمـان يفـك مـن شـرّه
اما يقوم الجمـل شقـران بشـداده
والا تهب الهبـوب وتقتـل الجـرّه

ياموزع النعم

ياموزع النعم خل النعـم لاصحابـه
ماينعطي غيـر للـي يستحقونـه
النعم يعطـي لرجـل فاتـح بابـه
للضيف وليا بغوه بحـال يلقونـه
اللي بوقت اللزوم يبيـن مضرابـه
سيـف تحـده لزومـه مايحدونـه
والا الردي لاتقول ونعم يضرابـه
يرهي على نعم وهوه قاصر دونـه
ليا قلت له نعم قام يفتـل أشنابـه
يحسبك صادق مايدري نعم وشلونه
يطمع بشي يموت الخبـل ماجابـه
ثم قال انا جبت نعم اللي يقولونـه
بعض البشر يحلمون احلام كذابـه
ومن لاعرف قدر نفسه عد طبلونه
يجيك مسرع مايدري ويش يبلابـه
من قلة العرف مايمشي على هونه
اما على الاقربين اشتـال مشعابـه
والا بعرض المقفي سـل مسنونـه
تناول الغيبيـن وكثـروا احزابـه
اللي علـى قلـة الخيـره يدفونـه
واهل العقول سكتوا ماقالو الجابـه
لاينقصونـه بشـي ولايزيـدونـه
قالوا هذا فيـه عاهـة وابتلشنابـه
والا هـذا فيـه شـي مايعرفونـه
وخلوه يسرح ويمرح خاب من جابه
مانومس اللي من الصغر يترجونـه

يابايع الهيل

أستح على لحيتـك يبايـع الهيـل
يامحلـقٍ روس الزبائـن حلاقـه
حلاق ماتحلـق يكـود الرجاجيـل
والا الردي مالـك براسـه علاقـه
طيرت سعره يا أبيض الوجه بالحيل
وتقول حسب المعرفة و الصداقـه
بـلاك ماذقتـه ببيـض الفناجيـل
لاصلحه خطـوى النشامـا وذاقـه
علـى سنـا نـاراً لياهـود الليـل
وتجمعوا عنـدك و جيـه الرفاقـه
سوالفٍ حلوه و مجلـس رجاجيـل
ماهي علوم اهـل العلـوم الدقاقـه
في مربعٍ مسيول سيلٍ بعـد سيـل
تشهاه لو مالك مـع البـدو ناقـه

وسامحونا على القصور تحياتي للجميع