أرض الأجداد ( ياراكان بن فلاح ) لمحمد المجول !!!!

[مايكبرني لقب!]

السلام عليكم ورحمه الله وبركاته

يقف الكلام إحتراماً عند هذه القصيده للشاعر المبدع

(( محمد المجول ))

الله أكبر يوم جتنا هالبشاره=كنها في ضامري مليون كيه.
الأراضي تنتهك بأسم الأماره=والبدايه في مصالحهم عطيه.
ياخساره ياجماعه ياخساره=راحت ديار الأهل وقت ضحويه.
قوم ياراكان يانسل النماره=شوف أرضك راحت لغيرك هديه.
قوم من قبرك وولعها بغاره=غارة(ن)بجبالها تسمع دويه.
عزي إلدم(ن)تنثر من حراره=في ثراها يازمان المهمهيه.
يامحزمه البواريد وشراره=وش علامك ياالبنادق مستحيه.
عظم الله أجركم ياأهل الحضاره=من رضى باالذل يرضى باالتليه.
من وعينا مالنا كود الصداره=ولاتغيرنا الليالي السرمديه.
ولاعرفنا الذل وأنواع المراره=ولا يبدلنا زمان العولميه.
حنا يام ويام يافخر العباره=لاتزعزع جدنا فخر وحميه.
خوفي من يوم يشيب طفل ساره=لقبلت به صوب واديينا وحيه.
ولدت الشوف وبدت بالجوف ناره=وقالت إثبت ياولدي وألق التحيه.
ثم نشدها من ذهوله وإنبهاره=وشهو علمك ياضيا الروح وعينيه؟
قالت أنت تشوف كم بيت(ن)وحاره=وكم أرض وشم نسمتها العذيه.
وكم غصن(ن)مكتسي بأحلا ثماره=وكم فيضه وكم قاع(ن)نرجسيه.
أنت تدري ياضيا الكون ونهار=في زمان(ن)فات والعيشه هنيه.
كانت هذي ديارنا عقب الإغاره=بيعوها بالدراهم والجزيه.
ياأهل الحلم وهل الشور وقراره=ماحدن له نظرتن مستقبليه.
بفتح التاريخ وأنفض من غباره=وأذكر التاريخ وعلوم(ن)جليه.
راح الأقصى والسبب بيع وتاجره=والسنين تمر والحسره قويه.
والثمن آه ياالثمن بخس وحقاره=والنتيجه واضحه للأغلبيه.
موت ودموع(ن)وأطفال وحجاره=ياالله إنك ترحم أحوال البريه.
والزمن دار وتحسب لإندثاره=يوم راح الأندلس وقت العشيه.
جاتك الأفرنج عاثت في دياره=الله أكبر يازمان(ن)زاد غيه.
من زمان الأندلس كان المناره=وراحت قرون وسنين(ن)جاهليه.
والغريبه كن كوكبنا ومداره=عود لمثل الخطأ والنفس سيه.
اللبيب منهو تكفيه الإشاره=والحقوق تصونها رجال(ن)عتيه.
الذهب مايغري الرجل إصفراره=ولانفرط في ثرى الوادي وفيه.
من يرد الصوت ياأهل النعاره=خبروني باإللي ليه أو عليه.
الأراضي هي لنا وإلا إعاره؟=كيف نقدر نترك الأرض السخيه.
خبروني ياهل العلم ووقاره=عن رجال(ن)باعت الروح النديه.
ياوجودي وجد من جاه إحتضاره=وإلتفت يمه يبي يترك وصيه.
وإلا لقى له غير دلته وجاره=وأرخص الدمعه عقب ماهي عصيه.
جر صوته والدموع تغيب تاره=وتارة(ن)تحضر على دلال(ن)وفيه.
قال قبل الموت والدمع بغزاره=يادلالي قبل توفيني المنيه.
لك نصيحه لمنهو يبغى الأستشاره=من يبيع الأرض باعته المليه.
ومن يعيش بخوف تتركه الجساره=ومن يبي درب الطمان يموت ظيه.
من تنكر عن أصوله وإفتخاره=ياخساره أشهد إن نفسه دنيه.
من ترك دينه وأرخص في شعاره=ذبحته واجب ولا له أي ديه.
شوفي حالي عقب كوني وإزدهاره=قطعوا جسمي غدى أشلاء وشليه.
باالجشع باعوني يابخس التجاره=والنتيجه كلها نفس الخطيه.
ياخساره يادلالي ياخساره=أشهد إن في ظامري مليون كيه.

تقبلوا تحياتي

[غاوي طرب]

صح السانه مليووووووون

من ابداع الى ابداع

لاهنت

[gravity]

ماهي غريبه على ولد مجول الغيره على الارض ..

قصيده يتفطر قلب قارئها وتذرف دموع عينه


مايكبرني لقب

كل الشكر والتقدير لك على نقل هذي الجزله لناا

واقول للشاعر الكبير محمد المجول

صح السانك واعتلى شانك قصيده معبره وجات في وقتها

ابياتك ذهب والله يوفقك ولا تحرمنا جديدك يالقرم


أختك


السولعيه

[الــحـشـاشـــه]

قــصيده روووعـه لشااعــر ارووع
والله احتـرت وش اختياار من ابياات .. كل القصيده رائعـه

صح لــساان شاعـرهـأ

وسلمت يد ناقلـهـاا .. ولاهنت

تـــقـــبل تــــحياتـي

[مايكبرني لقب!]

غاوي طرب

صح بدنك

ويستاهل الشاعر محمد المجول المدح

لاهنت على مرورك

[مايكبرني لقب!]

السولعيه

صح بدنش طال عمرش

اللي مافيه غيره على أرضه ودياره

خساره حياته اللي يعيشها

ويستاهل محمد المجول المدح

لاهنتي على مرورك

[المصراني]

صح لسان شاعرها وناقلها



ولاهنت


على النقل المميز

[مايكبرني لقب!]

الحشاشه

صح بدنش طال عمرش

يستاهل الشاعر محمد المجول المدح

وألف شكر على مرورك

[@الشيــــــــــــنه@]

صـــــح لسااانه ولسانك

ويعطيك العافيـه ع النقـل

[الخيال الحر]

حنـا يـام ويـام يافخـر العبـاره
لاتزعـزع جدنـا فخـر وحميـه.
خوفي من يوم يشيب طفـل سـاره
لقبلت به صوب واديينـا وحيـه.
ولدت الشوف وبدت بالجوف نـاره
وقالت إثبت ياولدي وألق التحيـه

قصيدة جزله ....... وبيض الله وجهك على ها الشعر الطيب اللى من الوجه الطيب