قصيده جميله لـ سالم بن جخير

طلال بن قطام · #1 08-01-2007, 11:41 AM

قبل اشوفك كان مالي طموح ولا هدف
ويوم شفتك قلت وين انت يامستقبلـي

ياحبيبي بارك الله في بعض الصـدف
والله انها تشرح الصدر والمخرج ملي

والله ان الحظ لامن وقف وقف وقـف
يالله اغفرلي وعطني على قدر اعملي

واحدٍ مثلي ليا حب بجنـون وشغـف
مبتلي بالحـب والله يعيـن المبتلـي

فاتحٍ لـك وسـط قلبـي 300 ملـف
وطابع اسمك وسط قلبي وسجل مايلي

اشهد ان عيونك السود ملعونة جدف
ضعت فيها بين عقلي وطيشي واجهلي

فدوة عيونك هنادي على صفة رهـف
بينهـم والله مالـك شبيـه ولا حلـي

جيت متسلل وسجلت في قلبي هـدف
وابتسمت وقلت ماني محمد خوجلـي

ودي اعلمك حاجه وباقسـم واحلـف
انت حبك غير عن حب ربعي واهلي

والمحبه ماتجي دين واقساط وسلـف
ياتجيني كاش ولا فـلا تشفـق علـي

ياتجي مثل التراحيب فوجيه امحلـف
ياتروح وخل قلبي على ماهـو خلـي

وسلامتكم لـ سالم بن جخير

الــكــايــد · #2 08-01-2007, 12:04 PM

والمحبه ماتجي دين واقساط وسلـف
ياتجيني كاش ولا فـلا تشفـق علـي

ياتجي مثل التراحيب فوجيه امحلـف
ياتروح وخل قلبي على ماهـو خلـي

صح الله السانه

قصيدة رائعه

تسلم على نقلها واختيارها وبيض الله وجهك

محمد المحلكم · #3 08-01-2007, 02:11 PM

صح لسانه ولا هنت على النقل

الاحرش · #4 08-01-2007, 02:26 PM

صح لسانه

ولا هنت

على النقل الجزل

الجااازي · #5 13-01-2007, 12:02 AM

الجريح لاهنت ع الاختيار والنقل
وصح الله السان شاعرها سالم بن جخير

واحدٍ مثلي ليا حب بجنـون وشغـف
مبتلي بالحـب والله يعيـن المبتلـي
اي والله الله يعين المبتلي

عـ100ـج · #6 13-01-2007, 12:33 AM

صح السان الشاعر سالم

قصيده رائعه

ولك يا أخ الجريح أجمل حيه