عزام...ابو زيد ....هداج

[حبيب]

السلام عليكم مساكم الله بالخيررر جميع

يالربع ودي باللعب مع وااحد من الربع من غير قصوور في الباقين

لكن هذولا ربعي القداما ويجاملووني حيل على شان كذا طلبت وااحد منهم

سلام تسليمة وفا تبدي مثل مبدا سهيل=اقولها من عقب طول غياب ..والمخرج ملي

هداج ومحمد لهم في الملعبه باعٍ طويل= وعزام ابن عمي وله مضراب... والمخرج ملي

[هداج تيما]

وعليكم السلام ورحمة الله وبركاته
ويا الله حيه وش اعلومك
بس ليش حاطني أخر واحد في العنوان
الله يهديك
عزام...ابو زيد ....هداج

يا مرحبا ترحيبة(ن)في كل يوم وكل ليل= وللشّر باب وللملقّف باب والمخرج ملي
عسي السّحابه من عيون السّحب في الوادي تسيل=وتموت عقرب من سموم الدّاب والمخرج ملي

[عـزام]

يا مرحبا ومسهلا يا حبيّب وما ابطى بالسيل الا كبره

صح السانك يالقرم

هداج صح السانك وعليك بحبيّب لا تجامله جاى يدور المجاملات


واصلوا لا هنتوا وانا متابع

[هداج تيما]

عزام لا هنت وبيض الله وجهك
اما جاملته من اجامل
انت وابو زيد
وعساك قريت الرساله

[عـزام]

مرحبا بك يا هداج ووجهك ابيض

الرساله قريتها وجاك ردها

لكن خل منا الرسايل والطواريق ابى قصيدة الرضيمه سمعت منها ابيات تهوّل ولاجاتنى كلها

انتظرها منك فى صدى المشاعر ولا خلا ولا عدم يالقرم

[حبيب]

ارررررررحب ياهداج

انت اول وااحد في البيت

دام البقا وانا معا بابٍ مخصص للثقيل=والشر ياهداج له مجناب...والمخرج ملي

السحب هلت والبروق اتلوح في وسط المخيل=لاتسبق الاحداث يالكتااب..والمخرج ملي

[حبيب]

عزااااااااام ارررررررررحب لوواني زعلان عليك جداا



والمجامله ضرووريه ومطلوووبه

لاتسمع كلامه ياهداااج

[هداج تيما]

يا سلام يا سلام
الله عليك

كفّي مع كف الكريم وعاقبه كف البخيل=سعدون حزّن عقب مات عقاب والمخرج ملي
قلب الشجاع يضخ دمّه لا جمد قلب الذليل=ومسيلمه ما هو نبي كذاب والمخرج ملي

[جرير]

متابع

الليل الليل يا شعار

[البليهي]

حبيب+هداج صح السنتكم
متابع
هداج لاتجامل خلنا نستمتع