من البدايه ... لاتحولون سالفتي هذي للقصص او للترفيه مثل عادة مواضيعي كل ماحطيت لي ماضوع حولوه لقسم ثاني واقعد يومين أدور عليه وبالأخر ألاقيه ممرح بقسم ثاني
ترى انا (الاسود) اشوف شي ماتشوفونه...( يالاخضر والأزرق)>>>> نغزة على المشرفين والمراقبين
يلا نبدا..
فيوم من الايام كان فيه عجوزن قاعدتن بروحها
وفجأة طلع عليها ابليس الرجيم ……… العجوز خافت يويلي اسم الله علي الرحمن الرحيم .... ياشين ويش انت باغي بي
…قالها ابليس : اها بس من زينتس انا لولاي جايتس بمهمه والا ماقابلت زقمتس ... اقول من الآخر انتي تشوفين نفستس داهيه...
العجوز:ايه أنا داهيه ……….. والنسا عمومن كيدهن عظيم
أبليس: أنا أتحداتس……..وبنشوف من ذا اللي كيده أعظم …..المرة ولا أبليس
العجوز :خلاص أنا بسوي مشكله وأنت فيك خير حلها واذا عجزت عن حلها أنا بأحلها
وراح أفوز برهان..... هااااااااااااااه وش قلت يابو الشباب
أبليس: اوكي
>>>>>>>>>>>> اخص يالمثقف
الموووووووووووهم
راحت العجوز حق واحد من هالبطاليه اللي ما عندهم شغل ويا كثرهم
وقالت أنا بشغلك عندي فترة معينه بس……. اذا تبي قروش لا تتدخل ولاتحشر نفسك
وافق الشاب لأنه طفش من البطاله ويبي قروش
راحت العجوز ومعها الشاب لمحل قماش وقالت له أحتريني عند باب المحل
…دخلت المحل وخذت قماش غالي وراحت تكاسر تاجر القماش
العجوز: رخص يا بن الحلال … عدل بدل
التاجر :اذا أنتي ما عندتس فلوس خذي شين أرخص
العجوز : مقدر ….لازم ولا يصير شي ء ما صار
التاجر : لهالدرجه …..وش السالفه؟؟
العجوز:شفت الشاب اللي واقف عند باب المحل ..هذا ولدي
يحب له وحده متزوجه وهي تحبه ولما تتطلق من زوجها …ولدي بيتزوجها
وهو قالي أن عارضتي الزواج بأطردتس من البيت وأمرني أني أشتري قماش غالي
عشان يعطيه حبيبته ولا راح يطردني من البيت مع أن البيت بالأساس
بيتي ولكني غلطت وكتبته بأسمه... والعجوز تقوله وهي تبتسي
التاجر: خلاص هونيها وتهون والله كسرتي خاطري ….خلاص أنا بأعطيتس القماش فبلاش
….وعسى الله يواجرني
العجوز طلعت مكيّفه وقالت حق الشاب روّح البيت
بعدها راحت العجوز لبيت زوجة تاجر القماش وطقت الباب وطلعت الزوجة
العجوز:تكفين بابنيتي أنا تعبت بالطريق و ومقدر أواصل اقدر أقعد عندتس أرتاح خمس دقايق .
رحبت الزوجة بالعجيز اقلطي حياتس وجابت القهوة والقدوع ويالله انك تحييها
العجوز:الله يحييتس و يبقيتس ويرزقتس الولد الصالح وبعد مادفت وسفت,,,, تقصّدت تنسى القماش وسلمت وطلعت.
الزوجة:حراااام نست قطعة القماش …أكيد بترجع بعد شوي وتاخذها
بروح أحطها بالدولاب..
تاجر القماش رد لبيته وتغدى ذاك الغدا السنع وراح يقيل .
قام العصر وفتح الدولاب يغير ملابسه عشان يروح محله ……والا يشوف قطعة القماش
وعرف أن المرة اللي يبيها ولد العجوز هي زوجته يعني بالعربي امرته تخونه
قام عليها وطقها وطردها بالشارع بالهدوم اللي عليها.
العجوز كانت تحتري هاللحظه فآخر الشارع فراحت لها تركض
العجوز: وش فيتس يا بنيتي ليه تبتسين؟؟؟
الزوجه : زوجي طردني …ولا حتى قال لي السبب
العجوز: خلاص أنا بأوديتس بيتي وأنا بروح أحل المشكله
راحت العجوز لبيتها ودخلت الزوجه في غرفة بينما الشاب كان في
غرفه ثانيه وآمرته أنه ما يطلع منها
راحت العجوز للشرطه تبكي وتقول :كنت قاعدة في بيتي وفجأة دخل
رجل ومعه مرة وقعدوا ببيتي حاولت أطلعهم عيو
ذهبت الشرطه وقبضت على الشاب والزوجه ….وقطوهم بالسجن.
العجوز: ها اااااااااه وش رايك يا أبليس ؟؟ دورك ذلحين حل المشكله
أبليس : الله يخرب بيتتس ما أقدر أحلها السالفه تشربكت بالحيل
العجوز: والله شكلك كمخه ,,,, انت ابليس ابو طقه
خلاص أنا لها
راحت العجوز تزور الزوجه بالسجن وقالت لها :أنتي ساعدتيني مرة
وأنا ذاللحين بأساعدتس …..يلا ألبسي عباتي وغطي نفستس وأطلعي من السجن كنتس أنا وأنا بأقعد
مكانتس.
الزوجة:مشكووورة ….لكن أنتي ؟؟؟
العجوز: لاتخافين علي,, مانيب عجزانه عن طلعتي
تمت عملية الهروب بنجاح….
الوالي أمر الحراس يحضرون المساجين عشان يحكم عليهم
حضرت العجوز والشاب وقال لهم الوالي :ليش قابضين عليكم وش مسوين؟؟
ردت العجوز: ما سوينا شيء كنا قاعدين ببيتنا أنا وولدي ولا الشرطه
طابه علينا وماخذينا السجن
عصب الوالي على الشرطه ولعن سلسفيل جدهم وما عطاهم فرصه يتكلمون
وامر ببراءة العجوز والشاب اللي معها
طلعت العجوز من الوالي مكيّفه وعطت الشاب الــ commission يعني العموله,,, وأنهت خدمته عندها.
راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من
كثر التعب نست القماش عندها وأن زوجته بريّه
براءة الذيب من دم يوسف
وقالت خذ قماشتك لأن ولدي سافر هو وزوجته الجديدة
رجّع التاجر زوجته وتأسف منها وجاب رضاوتها بعد
بس السموحه من الله ومنكم مااعرف وش كانت رضاوتها
الموووووووووووووووهم
هالعجوز المللقوفه راحت لملعون الجدف ابليس
العجوز : وش رايك يا أبليس ,,, شفني حليتها
أبليس : يويلي منكن ومن كيدكن من بغيتنه رفعتنه ومن كرهتنه عزي لحاله ,,,, وهج منها وهو خايف ماتشوف غير عجته تطرد وراة
بكذا فازت العجوز وطلع كيدها اقوى
وياويله اللي تحقد عليه مرة
وبس
ذي كانت سالفتنا
وسلامتكم وسلامت من تابع
انشالله انها جازت لكم
منقول من تجمعات العجيز على شاي الضحا
( `•.¸
`•.¸ )
¸.•
(`'•.¸(` '•. ¸ * ¸.•'´)¸.•'´)
«´¨`.¸.*شـــهـــووووووووووودهـ *. ¸.´¨`»
(¸. •'´(¸.•'´ * `'•.¸)`'•.¸ )
.•´ `•.¸
`•.¸ )
21-04-2006, 02:32 PM
,,,,تعالوا أسولف عليكم سالفة ,,,,
العرض العادي
