الشاعر بندر بن سرور وقصته المشهورة / ياسخيف الذرعان

[فهدالشلوي]

بندر بن سرور من اعظم شعراء النبط في المملكة العربية السعودية وقد حدثت لة بعض المشاكل االتي استدعت هربة من المملكة وقبل خروجة من المملكة قال الابيات التالية ينتخي فيها امير قبيلة عتيبة
بعد ان طرق باب منزل تركي بن حميد في اخر الليل و وفتحت الباب ابنة الامير فلما رأتة ذهبت لابيها وسألها من في الباب فقالت واحد مرجوج
ولم يكن بندر بالشخص المرجوج ولكن من شدة خوفة بدا للبنت بالشكل هذا
فلما سمع بندر قول بنت الامير رد عليها بالابيات التالية؟

ياسخيف الذرعان مانيب مرجوج=رجتني الدنيا بغدرن وحيله

والله لولا اللي على تاسع الفوج=لأ كب نجد وعزوتي والقبيله

تركي ليا من الليالي غدن عوج=حمله عتيبه كلها ماتشيله

يرسي كما ترسي البواخر على الموج=ومن وين ماهب الهوى يرتكي له

فلما سمعي تركي بن حميد امير فوج العتبان التاسع الابيات
بدء يهتز كما تهتز الجبال وبدا تفاعلة واضح مع محنة الشاعر فسأل ماحاجتك فقال بندر الحكومة تطلبني وانا اطلب ان تعينني
فقال تركي اما الحكومة مانقدر عليها الحل الوحيد هربك من اراضي الدولة
فارتحل الشاعر الا دولة الامارات عن طريق التهريب
فلما وصل دولة الامارات دخل على رئيس الدولة الشيخ زايد وقال تلك الابيات

أبدا بذكر اللي بسط سبع باوتاد=واللي رفع سبعاً بليا عمدها

واذكار للي صار غيثاً للاجواد=ماقبلها صارت ولا من بعدها

زايد على كل العرب بالوفا زاد=ساق المراجل لين وقف عددها

حلحيل حلون مر زراع حصاد=كبدن يداويها وكبدن لهدها

حتى العجوز اللي ورا شط بغداد=سمت على الشيب الفلاحي ولدها

تبغاه يطلع مثل زايد ولافاد=ولا كل من هاز الطويله صعدها

ياشيخ انا جيتك على غير ميعاد=من خوف روحي لايجيها وعدها

[فزاع]

يعطيك العافيه يافهد
وتشكر على النقل الرائع

اما بخصوص تركي بن حميد
هو ليس ابن حميد

وانما تركي بن ربيعان امير الفوج التاسع
اللي اغلب قصايد ابن سرور فيه

وتركي بن حميد عصره
قبل عصر ابن سرور بمية سنه

[فهدالشلوي]

جزاك الله ألف خير على التصحيح ويمكن كان النقل فيه اشويت استعجال مني وشاكر لك على المرور اخوي الغالي رمان ويعطيك الف عافيه والله يمتعنا وإياك بالصحه
وبيض الله وجهك يا السنافي على الطله الحلوه ،،،،،،،،،،

[بندر]

فعلاً تركي هو ليس تركي بن حميد

بل تركي أبن أربيعان أمير الروقه من عتيبه

وأمير الفوج التاسع

وكثير من القصائد كان يسندها عليه

الله يرحم بندر بن سرور وأموات المسلمين

فقد كان أجزل شعّار عصره

ولاهنت يالشلوي