واشوف عيني كـــــــاثرات عــــبــــــرها

[::::أم راكان::::]

غديت كني ريشةٍ خاوت الريـــح =وغديت كني نقطةٍ في بحرها
مالي معين ودايم أقوم واطيح =واشوف عيني كاثرات عبرها
ورميت انا بالقفل هو و المفاتيــح = وسبلتها للي يزين صورها
سجدت له بالفرض هو والتراويـــــح = يجلي الامور اللي تزايد خطرها
يالله تهدي هالوجيه المفاليح = يارب تهديها وتاقى خطرها
وتصلح ذرارينا ونرتاح ونريــح =ومن الزمان الشين ناخذ عبرها
تبعد قرين السوء راعي المصاليـــــح =اللي حياتة للمشاكل نذرها
كذاب ماصلى ولاقال تسبيح =وده يهد الكون لو هو قدرها
يالله عسى دربة جمارك وتصحيـــــح = والى نوى له نية ماقدرها
عسى حياته به مصاعب وتجريـــح =حتى ان بوم الليل يخشى خطرها
وان تنصر اللي للمواجب نواطيــح=اللي عن الزلات رجله قصرها
وصلات ربي عد رمل الصحاصيــــح = وعد الطيور ومالجى في بحرها
على نبيٍ صحح الدين تصحيح = وبقدرة المعبود فهم بشرها

قصيدة لشاعرة الرس العجمية (العامرية)

[المارد الشعري]

صح السان الشاعره

والله لايهينك على النقل ياام راكان

[عيد بن شدقان]

تم تنسيق القصيده
صح السان الشاعره
وتسلمين يا ام راكان
اختيار رائع
الله يعطيش العافيه

[::::أم راكان::::]

تسلم يمينك اخوي انا حاولت احطها بهالشكل بس ماجت معي

[الصحوة]

والنعــــــــم
وصح لسان قايلها وناقلها
ويعطيكِ العافيه
ام راكـــــــــان

[هند]

الغالية ، أم راكان
صح لسانك ولسان شاعر الأبيات

لاهنتي على النقل الموفق


لك تقديري
السؤدد

[الجنيبي]

آميــــــــــــــــــن يتحقق كل ما قيل فالقصيده
وتسلمين ياأم راكان على النقل وصح بدن الشــــــاعره
مع التحيه أخــــــــوك.......

[سند]

أم راكــــــــــــــــــــــــــــــــــــــاان

الله لايهينـش

وماقصرتي ياطيبــّه

تقبلي تحيـــــــــــــــــااتـي,,,

[كحوله]

صح لسانش يالعامريه
وسلمت يمناش يا ام راكان

[جمرة غضى]

صح السااان الشاعره ولسااانش



اختياار ذووق



تحياتي لش


جمرة غضى