أن جيت مصلح أمانه حب لي خشمه

هداج تيما · #1 26-10-2005, 06:26 AM

شاعر المنتدي ولا تهون طاروق

يا سلام الله عليكم بعد هاض الضمير=عد ما هل المطر من مزون أخيالها
قبل أبو تركي يدوّر علي سعود الكبير=وبن عمّك كل وقعه ذبح خيّالها

شاعر المنتدى · #2 26-10-2005, 01:27 PM

مرحبا يا هداج ومسهلا

اسمح لي توني اشوف الطاروق

واستلم يا هداج تيما

مرحبا با الشاعر اللي خطم راس البعير = واستوت له من بطر دقها وجلالها

يرحم الله كل رجل ٍ حسب نفسه خطير = راح ما وصى على حرمته وعيالها

شاعر المنتدى

هداج تيما · #3 26-10-2005, 01:45 PM

هلا ومرحبا بك
يا الله حيه ما تنلام العنوان ماهوب باسمك
استلم يا بليهان

البقاء بك وأنت عز المسيّروالقصير=دلة أهل المعرفه مدّ لك فنجالها
ذاك للصاحب عدم ذاك علة كل بير=حالته يا أبو شنب خيّب الله فالها

شاعر المنتدى · #4 26-10-2005, 02:34 PM

مرحبا مرحبا استلم لا هنت

ماعليكم زود يا مزبن اللي يستجير = والحمول الكايده فحلها يشتالها

عوّد شعيل ورغا عقب زفرات الهدير= يحسب إن طلعت كرى تشبه لمحوالها

هداج تيما · #5 26-10-2005, 02:54 PM

يا سلام يا شاعر المنتدي اسم علي مسمي
استلم

يا عريب الجد يا محزم اليوم الخطير=أنت شلت أخفافها وأنت شلت أثقالها
أبرق الجنحان وأن شاف زولك ما يطير=السحابه سبّلت للعرب همالها

شاعر المنتدى · #6 26-10-2005, 03:17 PM

ما عليك زود يا هداج

واستلم لا هنت

سق ركابك لين تسمح من دروب المسير = وان بغيت اشعالها ما إلك الاّ اشعالها

كان قالوا مايصير قلت والله إن يصير = ما حسب حمل الحموله سوى حمالها

هداج تيما · #7 26-10-2005, 03:43 PM

الله عليك الله عليك يا سلام هيضتني الله يبيحك

الركايب سقتها يا السنافي من عسير=يمة الحرّه وغرب وشمال أجبالها
الضمايا من قسانا نورّدها الغدير=والحرايب مالها ألا قلوب أرجالها

عيد بن شدقان · #8 26-10-2005, 07:04 PM

لله الله الله
هداج
شاعر المنتدى
صح السنتكم
ولاهنتو

هداج تيما · #9 26-10-2005, 08:19 PM

ذياب لا هنت يا القرم

شاعر المنتدى · #10 26-10-2005, 11:10 PM

ذياب..يا مرحبا يا الغالي ..وصح بدنك

استلم لا هنت يا هداج

والنعم بك لانقلت المشوّك والشطير = انت سقم المعضله لاقبلت باهوالها

خابرك لاكن غيري جهل ما هو خبير = لين شاف اللي تطاول لها ما طالها

تحياتي...........شاعر المنتدى