اعارض منهج الهابط//قصيده روعه

شاوييش · #1 22-06-2005, 03:36 AM

أنا ربتني الدنيا على جـزل العطـا والجـود=
ونفسي للوفـا والطيـب وفعـل الخيـر جزامـه

وأعارض منهج الهابط وأوافق للصعود صعود=
وأسيّـر نفسـي بعقلـي مـدام النفـس هدامـه

ولا تثّر بي البسمة ولا كحل العيـون السـود=
ولا يقوى على قلبي صغيـر الحسـد وأجسامـه

أردّ الجود بأمثاله وأقابـل بالجحـود جحـود=
وترى لا خير في رجلٍ يوطّـي للـردى هامـه

وعندي مع أهل العِليا مواثيق وثـلاث عهـود=
أوفـي لـه مطاليبـه وأودّه وأرفـع أعـلامـه

أعايش مركب الدنيا على متن القـدر مولـود=
أبعرف هو صحيح إنّ القـدر بالنـاس دوّامـه ؟

ومن وين الزمن مقبل وإلى وين الليـال تقـود=
ومن في هالزمن يقـدر يوجّـه خطـوة أقدامـه

ومن له بالزمن غاية ومن عنده هدف منشـود=
ومن منّا قـدر يعـرف خفايـا مقبـل أيامـه ؟

عرفت إنّ الشقا باقي ، عرفت إنّ الحسد موجود=
عرفت إنّ القدر يفرض علينـا بأسـوأ أحكامـه

لقينا بالعرب حاسد وشفنـا بالعـرب محسـود=
وبه ناسٍ لنا ضامـت ، وبـه بالنـاس منظامـه

وينقص بعضنا خوّه وينقصنا وفـاء وعـود=
مـدام الحسـد باقـي وبعـض النـاس نمامـه

ولا ترجى بها الدنيا من ربوعك يجيك اسنـود=
ولا تشره علـى رجـلٍ عيونـه خانـت أقدامـه

وقابل خطوة بخطوة وجازي بالصدود صدود=
تناسى غلطة الصاحب عليك بلحظـة اخصامـه

ولا تخطي ترى لصبر الحليم اليا سلاك حدود=
تروّى واعرف بضرب الحديـد تفكـك لحامـه

تجنب كسرة الخاطر ولو حبل الزعل مشـدود=
تراك بكسرة الخاطـر حكمـت القلـب بعدامـه

ولا تزعل على رجلٍ بذل لك ولرضاك جهود=
ولا تامن من الحاسـد رضـاه ورفعـة ابهامـه

نبي نصبر على الدنيا قلوبٍ بالحيـاة زهـود=
مدام إنّ البخـت عيّـت توّفـق رمعـة سهامـه

وأنا ما قلتها راجي ولا أطلب بعدهـا مـردود=
ولكـن الفتـى ودّه يحقـق جمـلـة أحـلامـه

وبمشي لآخر الدنيا ولو كـلّ الأنـام اقعـود=
وعن وجه الزمن بكشف حقيقـه وأرفـع الثامـه

صحيح إني صغير السن ولكن قدهـا وقـدود=
وأنا عندي مـع الدنيـا مواقـف ترفـع الهامـه

طموحي يملي العالم ولابـه للطمـوح قيـود=
مدام إن الأمل طبعي ( عرين وصرت ضرغامه )

خلقنا الله من ترابه ولأحضان التـراب نعـود=
تحت رمل الثرى نبقـى تغطـي جسمنـا خامـه

سلفنا ما لحقناهم تحت قـاع التـراب رقـود=
ولا يبقي من الميـت سـوى ذكـراه وعظامـه

ولو طال العمر فاني وترى عمر الفتى محدود =
وكـلٍ يطلـب المولـى يبيحـه يحسـن ختامـه

وأنا بلّغت بلسانـي وربـي والأنـام شهـود =
وصحف البيّنة جفّـت وعنهـا رفعـت أقلامـه

قبلةالعجمان · #2 22-06-2005, 05:19 AM

وقابل خطوة بخطوة وجازي بالصدود صدود
تناسى غلطة الصاحب عليك بلحظـة اخصامـه

ولا تخطي ترى لصبر الحليم اليا سلاك حدود
تروّى واعرف بضرب الحديـد تفكـك لحامـه

صح لساااانك ولسان حامد زيد
ولاهنت عالاختيار ..
ابياااات راااااااااائعه