صوت وصدى بين علي ال مشرف وبين الشاعر المرحوم/ عبيد آل ذيبان

[الاصيل اليامي]

أعزائي القراء هذه القصيدتين عباره عن صوت وصدى بين علي ال مشرف وبين الشاعر المرحوم/ عبيد آل ذيبان





ياراكب الي مانعته المملكه حسـب النظـام "=" ومنبهـه كـل المنافـذ لجـل ماتستقبـلـه
جمس من آخر ماورد وصفه كما بدر التمام "=" الى ظهر غطا على كـل النجـوم بمقبلـه
ساعة تشوفه تحسب انه بارق بعرض الغمام "=" في ليلة يجذب نظر ابروقهـا مـن خيّلـه
ولي قربته تحسب انه بنت يزهاهـا اللثـام "=" ولي قفيته تحسب ان الارض جتها زلزلـه
صمم نتيجة تجربه دامت على ستيـن عـام "=" من البحوث الشامله ومن الجهـود المبذلـه
مكينته استنسخت بالصنف من صاروخ سام "=" ومحركات من طراز الميق حطت باسفلـه
توايره لاداست الارض انحنت له احتـرام "=" وكنها تقول من الفرح (لبيه يالعـز وهلـه)
والبدي لونه كلما شفتـه طرالـي بالتمـام "=" (شفة غرير(ن) شارب شربيت زينه يخجله)
وكن تحت كبوته ليالي انس واشعار وغرام "=" تبـدا اماسيهـا لمـا دق السويـك وشغلـه
تسمع قزوزه يسحب الدندان ودموعه زحام "=" وتسمع بلوفه تبكـي لدندانتـه وتـرد لـه
وتسمع تروسه تشتكي انا العليـل المستهـام "=" وتسمع بليتينه يردد (آنا دنيـا مـن الولـه)
يالعنبوهم كيف اتموا وصفه عيـال الحـرام "=" المعجزات السبع كنها فـي غيـاه مسلسلـه
عليه لي كلا خلا بالي يـوده فـي المنـام "=" قم يانديبي واكتب كتاب السهيـر ووصلـه
نصّه لدار العز ديرة لابتـي صبيـان يـام "=" دار لها في مهجتي قـدر ومكـان ومنزلـه
ماكر بني عمّي هل العوجا رفيعين المقـام "=" ريف الضعيف بساعة كـلا خويـه همّلـه
لاجيتها قل ياسلام الله .. سلام الله .. سلام "=" يادار داعينـا ودعوتنـا ونبـع المرجلـه
ياعزنا من عاش بارضك والله انه مايضـام "=" يافخرنـا ياتالـي المجـد العضيـم واولـه
وانهج لابن ذيبان عطه الي نقيته من كـلام "=" واستعجله بالرد تكفا لي وصلـت استعجلـه
ياعبيد ماكل الكـلام يمـر مـرور الكـرام "=" بعض الكلام تقول سحر بمفرداته واجزلـه
يبقا على مر الزمن نقش على صفوة رخام"="لامر جيـل ينقلـه الجيـل الآخـر ينقلـه
والخوه الي مع سواتك بالجواهـر ماتسـام"="هي مكسبي وان حزتها ماهم قـومٍ بكملـه








علي بن مشرف








وهذه هي قصيدة الرد من الشاعر المرحوم / عبيد آل ذيبان







يقول ابن ذيبان ما وده يجي قوله ملام"=" ونبع المعاني بالجواهر قام يزفج منهله
يفيض بة واد(ن) تصافق فوقه ابكار الطوام"=" يروى معه بعض الشجر وبعض الشجر يستنقله
ينقش كلامه بالحجر ويخط به ريش النعام "="يضوي كما نور القمر بين السطر والبسمله
اطيب من اوراق الزهر وازكى من اعواد البشام "="يصبح به اليابس خضر في غرسة(ن) متخبله
يبقى على طول الدهر ويعيش عام(ن) بعد عام "="مثل الذهب غالي السعر طول الزمن ما قلله
مفتاح زينات المعاني طوع ما جا بقتحام "="اجمَل المعنى على كيفي وازيد ادللة
باب الرضا والا الزعل والاالفرح والا الهيام "="اغوص في بحر الحروف وكن عيني بوصله
فيا مرحباواعداد من قد حج بيت الله الحرام "="ابخط من حرك شعور(ن) وسط صدري واحفله
واعداد ما تلمع نجوم اليل في جنح الظلام "="رمز لغلا الشاعر علي في رد قاف(ن) ما اجمله
في ديرتن غنى لها التاريخ واهداها وسام "="محفوضة وخصها الله منه باعلى منزله
دار النقاء نجران واهل النايلة يام الحلام "="يرعون ابلهم كل وادي وفي حماهم تدهله
ترسي كما ترسي الجبال ان جا بها امورن اعظام "=" من دونها قومن تبيع الروح يوم الزلزله
لا زارها العايل غدوا شعث النواصي له ا شغام "=" يملا القهر صدره وظنه بالملاقى يخذله
من عقب ذا قم يا نديبي في شبح ها..والهمام "="سبعين لترن كل خزان(ن) سرت ومدبله
مصيونة(ن) ما سرحوها السوق والا للدوام "=" ما تظهر الا في لزوم و بالكراج مطربله
لما مشت كنها الصقر لما كفت يبغى الحمام "=" والا الفهد لما انطلق يبغى غزال(ن) اعزله
فزاتها كنها الحنش لما زرق مثل السهام "=" في جرة الثاني لها نقز(ن) وكن فيها أزعله
تسرح من الجفجف عليها من تضرا بالمهام"="تنصاك من نجران جاتك بالهدايا محمله
سواقها لمن زهمته بان لك منه اهتمام "=" دربه قطوع وكنه رسم المسطره والمنقله
يمشي على شفك كما سيف(ن) وضربه بالعظام "="وفيما يطيَب خاطرك بامرك يحل المسأله
وينقل معه رسالة(ن) تشرح معزة واحترام"="فلك واجب(ن)تستاهلة حنا لمثلك نفعله
واختامها صلوا على طه عدد وبل الغمام"="واعداد ما هب النسيم وهز غصن(ن) ميله


المرحوم عبيد الذيبان

[مـحمـد]

ماشاءلله ابداع حقيقة
ابيات رائعه صح لسانك ولسان الشاعرين رديه ممتازه .

نقل الموضوع الى ديوان المحاوره حيث الديوان المختص بالرديات والمحاوره .

[الاصيل اليامي]

الله لايهينك على المرور

[الاصيل اليامي]

---

وهذه مرثيةقيلت في الشاعر الأخ الغالي عبيد ال ذيبان رحمه الله

واسكنه فسيح جناته .

يا الله يامنزل من الوبل همال=تحفظ لساني من الردا والخطايا
أنا اشهد انه مات من يام رجال=عبيد بن هادي كريم السجايا
شيخ ٍ ولد شيخ ٍ ايلا عدت أفعال=نسل الشيوخ اللي تفك المطايا
صميدع ٍ لاعال في الوقت عيّال=تلقاه مثل طويق ماله سوايا
قرم ٍ شجيع ولا يعرف التخمال=من طيب فعله يعرسون الصبايا
كريم له في الطيب مربي ومنزال=حليم لا كثرت عليه الروايا
عجزت لا الحق في تواصيفه اخصال=عبيد نادر ياملا في البرايا
تبكيه كل الناس قاطن ورحّال=ويبيكيه حر ٍ كافخ ٍ في العلايا
ويبكيه طفل ٍ يذكره بين الاطفال=وقت الخبر راح وجلس في الزوايا
ويبيكيه عود ٍ في مكانه ولا احتال=وقت الخبر عصاه صارت شظايا
وتبكيه بنت شيوخ كرمان وثقال=تزهمه لاصاحت وصارت حمايا
أنا اشهد انه مات من يام رجال=عبيد بن هادي كريم السجايا

قائل القصيدة عبدالله ال عبيان اليامي

---

---

وهذه مرثيه اخرى

يالله ياللى فـى يـدك كـل مفتـاااح=والكون يجرى فى يـدك والمخاااليـق

ساهين والموت يختـل بيـن مسـراح=ولا مـرااح ولا يعـرف المطاالـيـق

هـذا ورا هـذا مدنـى بــالارواااح=سيفه شطير وضربه اينشـف الريـق

يالله عفوك..والستـر ..والعمـر راح=ليام تجرى بى علـى غيـر مااطيـق

وصكات بقعا اخيلهـا كـل مـالاااح=براااق علم(ن)يبكـى العيـن ويريـق

دمعات عين(ن)تجعل اهدابـى سنـااح=ليـراح غالـى والتـوى للطوااريـق

اشكـى عليهـا ليتناوشـت مسبـاااح=ليل القصايد فـى يـدي قبـل لافيـق

واليوم عاااشر يوم والضيـق يجتـاااح=صدرى..ولا لى بالعرب..والشواااااهيق

أشوفهـا بيـدا بهـا فـج وريــاح=من دمعة(ن)طاحت ولو ماهـى تليـق

ان الرجل يبكى ..ولكن على صـاااح=قفت بـه الدنيـا وهـو كنـه طويـق

هليتهـا لعبيـد وعبـيـد مــاراااح=ميـت ولكـن حى.نسـل الدوااهيـق

ذكره وراااه اطيب من العود لى فاااح=حق(ن)علينا لاسمـه نقـوم تصفيـق

يستاهل الامداااح ...كساااب الامـداااح=الميّـت اللـى حـى بالذكر.ويلـيـق

للمدح ..بفعول(ن)ولاهـوب ينـزاااح=قصر(ن)بنـاه بخوتـه والمواااثـيـق

جعله مع جمع(ن)من الحور مرتـاااح=أأأأمييين قولوهـا معـى يامخااااليـق

محمد بن مدران اليامي

[مـحمـد]

الله لايهينك وصح لسانك ولسان الشاعرين والله يرحمه .

[الاصيل اليامي]

لاهنت ياذيب وبيض الله وجهك
واسعدني مرورك جدا

[سالم الصقور]

اتلله لايهينك يالاصيل اختيار رائع والله يرحم عبيد ال ذيبان ويسكنه الجنة


عندي تصحيح لما اوردته من قصائد الرثاء .. القصيدة هذي للشاعر المتألق عبيان ال سالم الوعلة وليس للشاعر عبدالله عبيان ال منصور

هذا فقط للتصحيح وحفظ حقووق الشعراء


تحياتي

المشاركة الأصلية كتبت بواسطة الاصيل اليامي

---

وهذه مرثيةقيلت في الشاعر الأخ الغالي عبيد ال ذيبان رحمه الله

واسكنه فسيح جناته .

يا الله يامنزل من الوبل همال=تحفظ لساني من الردا والخطايا
أنا اشهد انه مات من يام رجال=عبيد بن هادي كريم السجايا
شيخ ٍ ولد شيخ ٍ ايلا عدت أفعال=نسل الشيوخ اللي تفك المطايا
صميدع ٍ لاعال في الوقت عيّال=تلقاه مثل طويق ماله سوايا
قرم ٍ شجيع ولا يعرف التخمال=من طيب فعله يعرسون الصبايا
كريم له في الطيب مربي ومنزال=حليم لا كثرت عليه الروايا
عجزت لا الحق في تواصيفه اخصال=عبيد نادر ياملا في البرايا
تبكيه كل الناس قاطن ورحّال=ويبيكيه حر ٍ كافخ ٍ في العلايا
ويبكيه طفل ٍ يذكره بين الاطفال=وقت الخبر راح وجلس في الزوايا
ويبيكيه عود ٍ في مكانه ولا احتال=وقت الخبر عصاه صارت شظايا
وتبكيه بنت شيوخ كرمان وثقال=تزهمه لاصاحت وصارت حمايا
أنا اشهد انه مات من يام رجال=عبيد بن هادي كريم السجايا

قائل القصيدة عبدالله ال عبيان اليامي

للشاعر / عبيان ال سالم الوعلة

[الاصيل اليامي]

الله لايهينك يا سالم الصقور على التعقيب
وتصحيح الخطاء الذي وقعنا فيه
اقدم اعتذاري للشاعر عبيان ال سالم الوعلة
ونرجو السموحه