|
&&سلم على(آل حبيش)الادنى والاقصيـن&&
شرفت رجم هيض القلب والعيــــن =الله لا يسقيك رجم زمالــــــي
عقبه حربت النوم والناس ممسيـــن =واصبحت بين الناس كني الحالــي
قم يا نديبي وارتحل خيرة الفليــــن =شقرا تهاياها .. تهايا الغزالــــي
اجعل عليها الكور وقشارها الزيـــن =وعلق عليها من خفيف وغالـــي
وإلى اصبحت بك عقب الاصلاف يومين =مس الحبال ودارها بالعدالــــي
جود رسنها والعصى بالك اتبيــــن =حذور تنزرها يجيها الجفالــــي
خل الحفر منك بعيد على يميـــــن =واترك غثيث القاع منك شمالـــي
كنك تبي اللي في المواجيب وافيـــن=لطامه لشره لامنه عالــــــي
عليك(( بالعجمان)) زبن المجليــــــن =تلقى المعزه عندهم والجلالــــي
ثم خص اللي لك يفزون عجليــــن=إلى اقبلت وجناك مثل الهلالـــي
تسابقوك اللي على الطيب ضاريـــن =غير المراجل ما لهم راس مالــي
ربع على كثر المخاسير جسريــــن =اهل الشحم ومبهرات الدلالــــي
لاجيتهم سلم على الربع الادنيــــن=سلم على شيابهم والعيالــــــي
سلم على ((ال حبيش)) الادنى والاقصيـن=وهات الخبر يا طارشي والعجالـي
عجل ترى حنا على العلم شفقيــــن =اشفق من الضامي على الماء الزلالي
وجدي عليهم وجد من راكبه ديـــن=كثرو دياينه ولاله حلالــــــي
يا الله يا عدال ميل الموازيــــــن =انك تزين مقبلات الليالــــــي
وياالله برزق ماولوه البخيليــــــن =ياالله يا معطي العطايا الجزالـــي
والقصيدة اطول من ذلك،،،
الشاعر / عبد الله مبارك الزقيع الحبيشي العجمي
__________________
التعديل الأخير تم بواسطة فيصل بن حجرف ; 28-04-2005 الساعة 06:40 AM
|
28-12-2004, 01:33 AM
العرض المتطور
