قصيده عزل بالكويت

[راعيه الوانيت]

قصيده ]غزل عن الكوييت






شفتلي عروس لابسه ثوب الزفاف
اغليتها وقلبي فتح لها باب
سالت عنها منهي بنت العفاف
قالو الكويت من شافها طاب
قالو عنها ديره حر وجفاف
قلت بعيني اشوفها برد وسحاب
قالو بس انها عجها ينعاف
قلت العجاج يناس بعيني ضباب
حبيت الكويت واحب شعبها المضياف
واشهد ان الحب له اسباب
وصلو على النبي كثر ماطاف
عدد خلق الله لبيت الوهاب





يا قلعتي دمتي لنا فخرا كبير
دمتي ودام القلب فيك متيمِ
ولكي علينا من الفضل الكثير
نور وعلم كل ذاك مقدمِ
قسما لو غبت عنك ولو وقت قصير
ينتابني حزن وضيق مؤلمِ
يا قلعتي إني بكِ دوما اسير
بجمال روعة كل شئ لك ينتمِ
قلعة الكويت يا صرحاًُ مثير
لم تشبه شوائب او محرمِ
بقول الله نمشي بأحكام القدير
بكل ما سنه الرسول لِمسلمِ
اعضائُها دوماً لها خير النصير
والله نعماً بهم ، والكل محترمِ
مني حسينٌ لكم كل التعابير
بالخير دوما يارؤوس العز والكرمِ
اتحفتمونا بأقلام منقطعات النضير
إن الحكيم حكيم العقل والقلمِ



بنثر ابياتي زهور وببتدي جمع الحصاد
كود اجمِّعها واكوِّن هالقصيده بيت بيت
انتظر هبة نسيم ٍ من على شاطئ عراد
تدخل بصدري وانا اكتب هالقصيده للكويت
وابتدي بسم الكريم القادر الحي الجواد
وامدح بشعري غلاها ثم حلاها لو بغيت
ديرة ٍ حره ابيه ساكنه وسط الفؤاد
ما يوفيها قصيدي لو عدد عمري حكيت
من وانا طفل ٍ صغير ٍ ساكن بوسط المهاد
وانا ذايب في هواها لين ما قمت ومشيت
واحتفى قلبي بشعب ٍ حامل فقلبه وداد
عايش بعز وكرامه وغير عزه ما لقيت
حُبها فقلبي يساوي حُب قلبي للبلاد
ديرتي البحرين هذي من وفاها ابتديت
الوفا كله تعلمته وله فيني امتداد
إنتشر فيني و به يا ناس لمجادي وفيت
صغت أبياتي بقوافي بالمهد توها جداد
صغتها في حب ديره من غلاها استحيت
ما يوفيها قصيدي لو دخل بامر الجهاد
ابتدى شعري وقصيدي بحبها وفيه انتهيت
ادعي لربي عدد ما نادت افواه العباد
يحفظ البحرين حره ويحفظك يارض الكويت

ارفع الاعلام ياشعب الكويت
بلهناء والعز ياشعب اهتنيت
ايدك الشرق والغرب وسفيت
بان كل النور وانزاح الضلام

ياكويت اليوم عشتي واعلمي
بعز ابو مبارك وجيشه لك حمي
يا أمير الشعب جعلك تسلملي
عشت يا امير الكويت الى الامام

سر بعون الله يا أمير البلاد
الوطن والشعب عيدن بلوكاد
نال شعبك والوطن كل المراد
وارتفع ذكر الوطن بعلى مقام

نال ابو مبارك لنا كل الشرف
عن طريق الحق ما يوم انحرف
لين فينا مجلس الامن اعترف
وقع بتوقيع واعلن بلكلام

الكويت اليوم حره واسمعم
بالآذاعه والجرايد انشرم
والعلم في مجلس الامن ارفعم
قام يرفرف علمنا بين الاعلام

كل دوله جابت وحطة سفير
ونال ابو مبارك لنا كل المرام
اطلب الله كل عام وكل يوم
يقبل الدعوه لنا ربن رحوم
جعل ابو مبارك على عزه يدوم
عاش ذخرن للوطن ابن الكرام

والوطن يسلم ويسلم شيخنا
بلهنا بنرفع علمنا بكل عام

تم جيلي واسمعم يا حاظرين
الفين صلينا على الهادي الامين
والصلاه على نبين للمسلمين
بنبي اختم كلامي والسلام



من

[مطلق الخالدي]

الله يخلي لكم الكويت
ويحفظها من كل شر

صح لسانك ولسان شاعرها
ولاهنتي ع النقل الرائع
تحياتي,,

[عيون الطنايا]

عسا ربي يحفظ ياكويت ...
وصح لساااانج يا راعيت الوانيت

[*ابوخالد*]

صح لسانك ولسان شاعرها
ولاهنتي على النقل الرائع

كل الشكر راعيت الوانيت

[هـزاع]

لاهنتـــــــي .. وصح لسانك ..

تحياتي

[مـح,مـد بـن راشـد]

الله يخلي لنا الكويت

ويحفظها من كل شر

صح لسانك ولسان شاعرها

ولاهنتي ع النقل الرائع

تحياتي,,

[راعيه الوانيت]

ياهلا ومرحبا بالجميع يعطيكم العافيه امين الله يحفط الكويت