العدوه والحويله مررو الميزانيه ولاهمهم سلبياتها

[صاحب حق]

حطم مجلس الأمة الرقم القياسي السابق بعد أن وافق قبل قليل على مشروع الموازنة العامة للدولة للسنة المالية 2010/2011م، البالغة 16.310 مليار دينار كويتي بأقل من ساعة، وذلك بموافقة 39 عضوا مقابل 21 وامتناع 1.
وطلبت الحكومة من المجلس الموافقة على اعتماد تكميلي بقيمة 267 مليون دينار، وسمح الرئيس بتحدث أربعة نواب كمؤيدين ومعارضين لطلب الحكومة، وبأغلبية 36 مقابل 24 وامتناع 1 وافق المجلس على طلب الحكومة بإعادة الاعتمادات التكميلية لكافة أبواب الميزانية.




والله مصيبه خلال ساعه ميزانيه وقيمتها 16 مليار وتمر بساعه ؟؟؟؟؟

والقهر مو هذا بعد اعتماد تكميلي 267 مليون دينار وهم يوافقون عليه ؟؟؟؟

وين اللي بيتصدون للمال العام وهذا المال العام يطير قدامنا ؟؟؟؟

وين قسمكم اقسم بالله العظيم ان نحافظ على المال العام ؟؟؟؟

يعني خلاص مافيه طب ؟؟

ولا تحسبون الناس ماتفهم شي قلتو ربعنا حليوين مايعرفون لهسوالف انه خطره ولا لا شنو يبون

الحكومه حنا معهم ؟؟؟

انتو الظاهر خلاص اعتمدتو على قواعدكم ولاهمكم الباقي مشو معاملاتهم وظبطوهم والباقي

يحترقون لان محد يحاسبنا من قواعدنا ؟؟

لايابومحمد لايابوهادي مو لهدرجه توصلون له خافو ربكم هاذي فلوس الشعب وين الامانه اللي

حملوكم ناخبينك ليش مااعترضتو عليها حالكم حال النواب اهل الذمه والضمير

مااقول الا خلاص انتو وصلتو لدرجه مافيكم طب ولا راح نرجي من وراكم شي والضرب بالميت حرام


الصيفي والطاحوس بيض الله وجيهكم على ابراء ذمتكم وانكم تصديتو لها وابشركم انكم حملتو

امانتنا واديتوها باحسن وجه على الاقل تقدرون تصيفون وانتو مرتاحين البال ومريحين ضمايركم

مو نفس غيركم .

ملاحظه : محمد الحويله الميزانيه اللي طافت امتنع عن التصويت وكان فيه شوية رجا الحين ماعاد فيه

[kaka al.ajmi]

معاااد فيهم طب

لاكن الوعد في الانتخابات الجاية

[الصنديد]

صاحب حق سأخبرك بما أنت جااااهله ,,,,,,,التصويت على الميزانيه والاعتماد التكميلي هو لضخ أموال عائدات النفط في مشاريع وطنيه داخل البلد تنهض ببنيته التحتيه وخدماته المترديه من طرق وتعليم وصحه.......الخ وخلق وظائف وفرص عمل لأبنائنا وشبابنا الذين لايجدون اليوم رواتب ومصادر دخل تعيل أسرهم وأنا على يقين بأنك لاتعرف بنود الميزانيه ولا أوجه صرفها ولا المشاريع التي رصدت هذي الأموال لها ونحن أمام خيارين اما تذهب الى صندوق الهيئه العامه للاستثمار خارج البلاد وتنهب كما يقولون ربعك الشعبي واما أن تصرف داخل البلد وصرفها داخل البلد أولى على أقل تقدير تخلق فرص عمل لأبنائنا وكما أنك لاتفقه هذه الميزانيه ولا اعتماداتها التكميليه كذلك النائب الطاحوس والصيفي اللذين يدارون بالريموت كنترول . وأخيرآ أقول لك عيب ان كنت تعرف العيب أن تضع صور نواب من بني عمك وتقول ارحلوا الكويت تستحق الأفضل ويبدو انك من أبواق مرشح لم يحالفه الحظ فتقوم له بدعايه عراقيه بعثيه تستند على الردح والتهريج .

[صاحب حق]

المشاركة الأصلية كتبت بواسطة الصنديد

صاحب حق سأخبرك بما أنت جااااهله ,,,,,,,التصويت على الميزانيه والاعتماد التكميلي هو لضخ أموال عائدات النفط في مشاريع وطنيه داخل البلد تنهض ببنيته التحتيه وخدماته المترديه من طرق وتعليم وصحه.......الخ وخلق وظائف وفرص عمل لأبنائنا وشبابنا الذين لايجدون اليوم رواتب ومصادر دخل تعيل أسرهم وأنا على يقين بأنك لاتعرف بنود الميزانيه ولا أوجه صرفها ولا المشاريع التي رصدت هذي الأموال لها ونحن أمام خيارين اما تذهب الى صندوق الهيئه العامه للاستثمار خارج البلاد وتنهب كما يقولون ربعك الشعبي واما أن تصرف داخل البلد وصرفها داخل البلد أولى على أقل تقدير تخلق فرص عمل لأبنائنا وكما أنك لاتفقه هذه الميزانيه ولا اعتماداتها التكميليه كذلك النائب الطاحوس والصيفي اللذين يدارون بالريموت كنترول . وأخيرآ أقول لك عيب ان كنت تعرف العيب أن تضع صور نواب من بني عمك وتقول ارحلوا الكويت تستحق الأفضل ويبدو انك من أبواق مرشح لم يحالفه الحظ فتقوم له بدعايه عراقيه بعثيه تستند على الردح والتهريج .

اولا يالفاهم

كلامك كله مردود عليه على قولتك حق المشاريع ومدري شنو حلو انك جبتها ..

الميزانيه اللي طافت كانت 16 مليار اللي العام .. هل سوو فيها شي ؟؟

ممكن اذا تكرمت تجيبلي مشروع واحد سوه بالميزانيه اللي طافت ؟؟؟

طبعا ماراح تجيب لان مافيه وادري انك بتقعد تروغ بالعاده الا اذا جبت دليل مصيبه

ياخي ميزانيه تروح للحكومه والمشكله ماستفدنا شي ولا مشروع ولا اي شي صار من اول مابدا

المجلس وهاذي ثاني ميزانيه فلوسنا طارت كذا بسبب نوابنا الحلوين ؟؟

وبعدين يكرم ابو منصور ويكرم ابومشعان انهم يدارون بالريموت كنترول لانهم هم يديرون اعمارهم

مهوب يديرهم احمد الفهد على امور واجد واقربها سرية جلسة ام الهيمان حسبي الله عليهم

وبعدين يااخي ماعرفنالك مره تقول انا فداوي الطاحوس ومره تقول فداوي الصيفي ومره تقول انا بوق

حق مرشح ماحلفه الحظ ليش هالتخبط

وابشرك انا اتشرف اني اكون فداوي للصيفي والطاحوس ولكل رجل نزيه في القبيله ومجملنا

بمواقفه ولاحنا نفسك فداوي على الحق والباطل وحنا لاشفنا الباطل تكلمنا ونمدح بالحق


وياليت وياليت تثبت ان على قولتك اني جاهل وتجيب مشروع واحد سوته الحكومه عشان نمنحهم

الميزانيه اللي مرت .

[ولد أبوحليفه]

صاحب حق

الله يرحم والديك

دامك تعرف بالميزانيه ممكن تشوف اذا فيه ميزانية حق تلوث ام الهيمان

موجوده ولا لأ

ولا فيها انشاء مستشفيات جديده ترا ملينا من مسرح الجريمه

اللي تقول موقع حادث قطارات بالهند المسمي بالعدان مدري الاعدام

واسئل بالمره عن مبني الجامعه الجديد متي بخلص

ولا عندهم فلوس منا ولا منا يفتحون فروع للكليات والمعاهد بالمحافظات

ماعليه كثرت عليك

بس شوف الخرافي علي استاد جابر له نيه يخلصه قبل كاس العالم الجاي

لأن احتمال نتشارك مع قطر بالأستضافه

اخر طلب

خلاص

بيقطعون الكهربا علينا بالصيف وبرمضان؟؟؟

ولا بيستوردون من سويسرا كرهبا

لأنها اطيب وألذ

[الـفـارس]

الصنديد اي مشاريع الله يرحم والدينك
جيبلي مشروع واحد سوه عشان اصدقك من يوم تاسس المجلس ولا مشروع
ربعنا الله يهديهم خربوها اكثر من اللازم وضيعو فلوس الشعب على تصويتهم المخزي للاسف
والصيفي والطاحوس محشومين مهوب ريموتات على قولتك الريموتات ربي خابرهم

[المبهم]

الجاي احسن وبكرة احلا وتفائلوا بالخير يا جماعه

[صاحب حق]

المبهم للاسف ولا مشاركه لك شفتك تكلمت وقلت كلمة الحق والصدق

كل مشاركاتك الجاي احسن والجاي احسن انا كان ودي انك تعلق على الموضوع بما انك

معروف بلقب القلم الوطني ... القلم الوطني يقول اللي بخاطره ولاعليه من احد ولايخاف من

احد اهم شي يبري ضميره وقلمه ويعطيه حقه ومو لاجات السالفه عند اقرب الناس لك تمتنع

عن الكلام الوقت هذا مافيه مجاملات ولافيه سكوت الواحد لازم مايجامل بهالوقت ..

اتمنى جدا جدا اني اعرف وجهة نظرك وعشان تثبت انك القلم الوطني لي ولمحبينك

[المبهم]

ماني راضي



وكنت اتمنى الافضل والاحسن وخصوصا ان الكويت تستحق كل ماهو فيه خير لها ولشعبها





الجاي احسن وبكره تزين انشالله

[صاحب حق]

يعني هل انت مؤيد على تمرير الميزانيه وهدر باموال الشعب الكويتي ام انك رافض على تمرير

الميزانيه والحفاظ على المال العام ؟

ومن تؤيد على التصويت العدوه والحويله او الصيفي والطاحوس بالنسبه لموقفهم من التصويت ؟