قومٍ تدوس الافاعـي مـع عقاربهـا

[عزوتي دوسريه]

ابيات رائعة لبديوي الوقداني أحببت أن أتحفكم بها

أيامنـا والليـالـي كــم نعاتبـهـا =شبنا وشابت وعفنا بعض الأحوالـي

تاعـد مواعيـد والجاهـل مكذبـهـا =واللي عرف حدها من همهـا سالـي

إن أقبلت يوم مـا تصفـى مشاربهـا =تقفي وتقبل وما دامـت علـى حالـي

فـي كـل يـوم تورينـا عجايبـهـا =واليوم الأول تراه احسن مـن التالـي

أيـام فـي غلبهـا وايـام نغلبـهـا =وايـام فيهـا سـوا والدهـر ميالـي

جربت الأيـام مثلـي مـن يجربهـا =تجريب عاقـل وذاق المـر والحالـي

نضحك مع النـاس والدنيـا نلاعبهـا =نمشي مع الفي طوع حيث مـا مالـى

كم مـن علـومٍ وكـم آداب نكسبهـا =والشعـر مـازون مثقـالٍ بمثقـالـى

اعرف حروف الهجاء بالرمز واكتبها =عاقل ومجنون حاوى كـل الاشكالـى

لكن حظـي ردي والـروح متعبهـا =ما فادني حسن تاديبـي مـع أمثالـي

إن جيت ابي حاجةٍ عـزت مطالبهـا =العفو ما واحدٍ في النـاس يـا والـى

قـومٍ الـى جيتهـم رفـت شواربهـا =بالضحك واقلوبها فيهـا الـردا كالـى

وقومٍ الى جيتهـا صكـت حواجبهـا =وابد ت لي البغض في مقفاي واقبالـي

مـا كـنـي إلا حــال مغضبـهـا =والكل في عشرتـه ماكـر ودجالـي

يا حيف تخفي أموراً كنـت حاسبهـا =واللي على بالهـم كلـه علـى بالـي

الجار جافـي وكـم قـومٍ محاربهـا =والأهل وأصحابنا والـدون والعالـي

والروح ويش عذرها في ترك واجبها =راح الحسب والنسب في جمع الأموالي

نفسي تبى العز والحاجـات تغصبهـا =ترمي بهـا بيـن أجاويـد وانذالـي

المال يحـي رجـالاً لا حيـاة ابهـا =كالسيل يحي الهشيـم الدمـدم البالـي

عفت المنازل وروحي يـوم اجنبهـا =منها غنيمه وعنهـا البعـد أولا لـي

لا خير في ديرةٍ يشقى العزيـز ابهـا =يمشي مع الناس فـي هـمٍ وإذلالـي

دارٍ بهـا الخـوف دومٍ مـا يغايبهـا =والجوع فيها ومعها بعـض الاحوالـي

جوعـى سراحينهـا شبعـى ثعالبهـا =الكلـب والهـر يقـدم كـل ريبالـي

عز الفتى راس مالـه مـن مكاسبهـا =يا مرتضي الهون لا عـزٍّ ولا مالـي

دللت بالروح لين ارخصـت جانبهـا =وانا عتيبي عريـب الجـد والخالـي

قومٍ تدوس الافاعـي مـع عقاربهـا =ولها عزايـم تهـد الشامـخ العالـي

خـل المنـازل وقـل للبيـن يندبهـا =يبكي عليهـا بدمـع العيـن هطالـي

لا تعمـر الـدار والقـالات تخربهـا =بيع الردي بالخساره واشتـر الغالـي

ما ضاقت الأرض وانسدت مذاهبهـا =فيهـا السعـه والمراجـل والتفـتـالِ

دارٍ بــدار وجـيـرانٍ نقاربـهـا =وارضٍ بـأرض وأطـلالٍ بأطلالـي

والناس اجانيب لين إنـك تصاحبهـا =تكون منهـم كمـا قالـوا بالأمثالـي

الارض لله نمشـي فــي مناكبـهـا =والله قـدر لـنـا أرزاق وآجـالـي

حـث المطايـا وشرِّقهـا وغرِّبـهـا =واقطع بهـا كـل فـجٍّ دارسٍ خالـي

واطعن انحور الفيافـي فـي ترايبهـا =وابعد عن الهم تمسي خالـي البالـي

مـن كـل عمليـةٍ تقطـع براكبهـا =فدافـد البيـد درهــامٍ وزرفـالـي

تبعدك عـن دار قـومٍ ودار تقربهـا =واختـر لنفسـك للمنـزال منـزالـي

لو مـتّ فـي ديـرةٍ قفـراً جوانبهـا =فيها لوطى السبـاع الغبـس مدهالـي

اخير مـن ديـرةٍ يجفـاك صاحبهـا =كـم ذا الجفـا والتجافـي والتعلالـي

دوس المخاطر ولا تخشـى عواقبهـا =الموت واحـد وبعـد العـز يجلالـي

ان المنـايـا إذا مــدت مخالبـهـا =تدركك لو كنت في جو السما العالـي

ما قرت الاسد فـي عالـي مراقبهـا =تسعى على الرزق ما حنت للاشبالـي

والشمس في برجها والغيـم يحجبهـا =تقفي وتقبل لها في العـرش مجدالـى

رب السماوات يا محصـي كواكبهـا =يا مجري السفن في لجات الأهوالـي

ضاقت بنا الأرض واشتبـت شبايبهـا =والغيث محبوس يا معبود يـا والـي

يـا الله مـن مزنـةٍ هبـت هبايبهـا =رعادها بات له في البحـر زلزالـي

ريح العوالي مـن المنشـا تجاذبهـا =جذب الدلى من جباء مطوية الجالـي

ديمومـةٍ سبلـت وأرخـت ذوايبهـا =وانهل منهـا غزيـر الوبـل همالـي

تسقي دياراً شديـد الوقـت حاربهـا =ما عاد فيها لبعـض النـاس منزالـي

يـا جاهـل اسمـع تماثيـلاً مرتبهـا =فيها معانـي جميـع القيـل والقالـي

مثل المحابيـب زادت فـي قوالبهـا =في صرفها زايده عن قرش واريالـي

يا ربـي توبـه وروحـي لا تعذبهـا =يوم القيامه إذا مـا ضاقـت اعمالـي

وازكى صلاةٍ على المختـار نوهبهـا =شفيعنا يـوم حشـرٍ فيـه الأهوالـي

["..عـَـذْبـًة الأطْـبـَآآآآع.."]

.
قصيده تروووق لي كثيراً ..ْ~
هذي ـآلنـآدرهـ سمّوهـآ ـآلنقـآد بـ / شيخـة عتيبـه .ْ~
لاهنتي على الإنتقـآء الرـآئع ..ْ~

تحيتي
.

[(سعد بن محمد)]

السلام عليكم ورحمة الله وبركاته

صح السان شاعرهاا الكبير

والله يعطيك العافيه على النقل المميز

[عبدالله بن عريمان]

أيامنـا والليالـي كــم نعاتبـهـا
شبنا وشابت وعفنا بعض الأحوالـي

قصيده روعه ومن شاعر كبير واروعه والله

صح السان شاعرهاا

ولاهنتي علي النقل

تقبلي مروري

[مريغان]

لا هنتي وصح لسانه والله يبحه بديوي

[عزوتي دوسريه]

عذبة الأطباع

حياتس الله ولاهنتي على مرورتس

[عزوتي دوسريه]

المشاركة الأصلية كتبت بواسطة (سعد بن محمد)

السلام عليكم ورحمة الله وبركاته

صح السان شاعرهاا الكبير

والله يعطيك العافيه على النقل المميز

الله يعافيك ولاهنت

[عزوتي دوسريه]

المشاركة الأصلية كتبت بواسطة عبدالله بن عريمان

أيامنـا والليالـي كــم نعاتبـهـا
شبنا وشابت وعفنا بعض الأحوالـي

قصيده روعه ومن شاعر كبير واروعه والله

صح السان شاعرهاا

ولاهنتي علي النقل

تقبلي مروري

ومن قال مايهون وبيض الله وجهك

[عزوتي دوسريه]

المشاركة الأصلية كتبت بواسطة مريغان

لا هنتي وصح لسانه والله يبحه بديوي

ومن قال مايهون وبيض الله وجهك

[ديقول22]

جــــربــــت الأيــــــــام مــثـــلـــي مـــــــــن يــجــربــهـــا
تــجــريـــب عـــاقــــل وذاق الـــمــــر والــحــالـــي

نـضـحــك مــــع الــنــاس والـدنــيــا نـلاعـبـهــا
نمـشـي مــع الـفـي طــوع حـيـث مـــا مـالــى



لاهنتي يالغاليه , , ,