اعرف ان الناس مهو ينفعوني
كان ماينفع علام الخفايا
ياكريم الوجه لاتخيب ظنوني
يارحيمٍ خلق كل النحايا
كان ماترحم ترى مايرحموني
ماعلينا من كثيرين الدعايا
يوم كثر الهرج مايملى البطوني
ولا علينا من خبيثين النوايا
يوم كل له عباه وله زبوني
مزبني معطي جزيلات العطايا
أن عطا خلقه حشا مايمنعوني
لآنه المعبود حلال القضايا
أسمعوني يوم فسرت اللحوني
ياهل الطولات متعبت المطايا
بارك الله في رجالٍ شجعوني
في علوم الطيب ماهي بالحجايا
كل ماتهت الطريق يعلموني
عن طريق مقرنه كله خطايا
يوم فات الفوت ماتفيد الغبوني
مانفع بالخبل تسكير الهوايا
الله واكبر يوم طافت بلغوني
ياقشر نيتك ياشين السجايا
طافت الغرسه وكايدها يهوني
عند رب البيت علام الخفايا
غرستين وغرستينن طوفوني
والسبب حظي وانا هذا بلايا
ياخياماً بالوصايف شوقوني
ليتها جتني هديه من هدايا
يرعد الرعاد في عرض المزوني
والبروق تلوح وانا في ظمايا
بس أتطالع وتفكر بعيوني
وش حصدنا بالبدايه والنهايا
واللي حظٍ على مثلي يخوني
يالله اني طالبك خير العطايا
دام راسي حي وتشيله المتوني
موقعي بالارض من فوقي سمايا
عن هذيك وعن هذولا بعدوني
يالله يالمعبود لاتخيب منايا
واذكر اللي فارضٍ خمس ركوني
والله اللي عالمٍ ما بالقرايا
للشاعر المرحوم بإذن الله سليم دعيبيل غنيمان البطحاني العازمي
28-09-2009, 04:54 PM
العرض العادي
