محـــاوره بيــــن الشـــاعرين خويـــران بن فهيـــد العــــرجاني و حمـــد السحيــــمي

[العز بالسيف]

السلام عليكم ورحمة الله وبركاته

:
:
:
:
:
:
:
:

دون سابق انذار أتت كما هي بعفويه مطلقة العنان


ولله درهم من شعراء..!!

ــــــــ

( خويران بن فهيد العرجاني )

ودي اسولف مع ارجال المعرفه والذرابه=والمعاني مثل زرق ارماح والذمه بريه
مرتن نغرف بحور ومرتن يالربـع مابـه=كود عد حاسـه المياح والذمـه بريـه

( حمد السحيمي )

سولف الله لايهينك هات علم ودوك جابه=هم ياخويران ماينـزاح والذمـه بريـه
ذيب يا اللي بالرقيبه انتبه جتك الذيابـه=والبحر مايغرق السباح والذمـه بريـه

( خويران بن فهيد العرجاني )

ياالسحيمي في يديك السيف لاتفلت نصابه=ينفعك لا جاء وغى وصياح والذمه بريه
فك باب البيت لاينصك دون الضيف بابه=وش تبي بالقفل والمفتاح والذمه بريه

( حمد السحيمي )

البعير شعيل لو هدوه يرثع في زهابـه=والسمن فوق الذبيحه ساح والذمه بريه
مانبا كود الرجال أهل الوفا وأهل الذرابه=والعرب ماودها ترتاح والذمـه بريـه

( خويران بن فهيد العرجاني )

البعير شعيل شال الحمل واليا شفت نابه=انتبه من عضته ياصاح والذمه بريه
كم عقيد ساكن ياصاحبي وسط الخرابه=وده يجاور هل الامداح والذمه بريـه

( حمد السحيمي )

من بحر جده ليا حايل ليا حد اللهابه=اعرف ان طويق ماينزاح والذمه بريه
لاتخليها دعاوي لا تخليهـا طلابـه=فرصة تعطى لأجل سداح والذمه بريه

( خويران بن فهيد العرجاني )

السحابه فوق لكن السماء فـوق السحابـه=وقام حظ وحظ اشوفه طاح والذمه بريه
مسلـمٍ مـازار مكـه واعنـاه واعذابـه=والدبا خرب على الفلاح والذمه بريـه

( حمد السحيمي )

انت شاعر صح ياخويران ماكلن يهابه=العب العب والقلوب صحاح والذمه بريه
تارد العد القراح ولا تطعم في شرابـه=كبرها ياعبرها ياصاح والذمـه بريـه

( خويران بن فهيد العرجاني )

وانت شاعر بس هرجك لايجي فيه انقلابه=وابعد المسراح والمرواح والذمه بريه
انتبه للي كتبنا واعرفـو ويـش الكتابـه=واترك القاف الذي قد راح والذمه بريه

( حمد السحيمي )

سوق الاسهم عالم موحش غرابه في غرابه=ما جنينا من وراه اربـاح والذمـه بريـه
لو نشدنا الخنذفي هو خنذفـي والا شبابـه=القدر فوق الحطب مافـاح والذمـه بريـه

( خويران بن فهيد العرجاني )

سوق الأسهم ماخسربه كود واحد مادرابه=والحذر لاتقطع المسباح والذمه بريه
ال عرجاء هم سلايل يام عشاق الحرابـه=فاللقا مانغلي الأرواح والذمه بريـه

تحياتي

[سلمان بن ضيدان]

لا هنت وتسلم على النقل ،،

[مريغان]

لا هنت على المحاوره الوافيه وشعار جزلين

ال عرجاء هم سلايل يام عشاق الحرابـه
فاللقـا مانغلـي الأرواح والذمـه بريـه

كفو ياصناديد يام

[(سعد بن محمد)]

السلام عليكم ورحمة الله وبركاته

العز بالسيف
لاهنت وبيض الله وجهك على مانقلت لنا ..

[جابر بن عبدالله الفايز]

صح ألسان الشعراء

ولاهنت العز بالسيف...

[شامااان]

العز بالسيف الله لا يهينك على النقل الرائع يا ذيبان

كلهم شعار وافين


تقبلوووو مروري

[حسين بن فهد]

لا هنت وتسلم على النقل

[العز بالسيف]

المشاركة الأصلية كتبت بواسطة سلمان بن ضيدان

لا هنت وتسلم على النقل ،،

سلمان بن ضيدان
ومن قال مايهون ياالغـــالي
مشكور على المرور العطر
تحياتي

[العز بالسيف]

المشاركة الأصلية كتبت بواسطة مريغان

لا هنت على المحاوره الوافيه وشعار جزلين

ال عرجاء هم سلايل يام عشاق الحرابـه
فاللقـا مانغلـي الأرواح والذمـه بريـه

كفو ياصناديد يام

مريغان
ومن قال مايهون ياالغــالي
ماعليكم زود , وافين ياوجيه هشام
مشكور على المرور العطر
تحياتي

[العز بالسيف]

المشاركة الأصلية كتبت بواسطة (سعد بن محمد)

السلام عليكم ورحمة الله وبركاته

العز بالسيف
لاهنت وبيض الله وجهك على مانقلت لنا ..

سعد بن محمد
وعليكم السلام ورحمة الله وبركاته
ومن قال مايهون ياالغـــالي
مشكور على المرور العطر
تحياتي