طويق ممكن دقايق من وقتك الثمين

[ليوناردو دافينشي]

مساء الخير

طويق اقرب لاهنت

سلام الله سلام ٍ فيه من ريح النفل والعود = اقوله والدعاوي بيّنت لي من مواريها

والا ياطويق يومك واحد ٍ مايقبل المنقود = علامك يومها متعريات ٍ ماتخفيها

[فــلاح]

مساء النور

يامرحباا ياليوناردو

هلا يامرحبا ترحيب فيه المستكا وورود=يفوح شذاه ، والعريّـف مانفتش مخابيها

أنا لا جيت رأس الضلع ما يأتي حجاه قرود=ولا من غبت فيه (القرده) تلوّح بأياديهـا

.
.

[مانع العجمي]

صدتكم شتسون << الملك متخفي
<< فضح نفسه

[ليوناردو دافينشي]

مدامك فالبلد قاضي ولا تنشق نشوق زيود = فلا تكحل بكحل اهل اليمن عينك .. وتعميها

لو انك محتميها يالسنافي باشهب البارود = ركد منهو يصوّبها مرار .. ومر يخطيها

[مانع العجمي]

الله الله
ديفنشي لاتوصي حريص بندوني
واصلو بجيكم فالليل اشوف لعبكم
بس لاتقربون الرجال

[فــلاح]

محاكمنا ما نفتح بابها للخبل والمقرود=خبول القوم بـصغـار المشاكل عند قاضيها

دافنشي يجلب البكره ، ويدخلها على المفرود=وهو ما هوب صاحب ذود ، لذيدان راعيها

.
.

[@ فــهــد @]

محاكمنا ما نفتـح بابهـا للخبـل والمقـرود
خبول القوم بصغار المشاكل عنـد قاضيهـا

دافنشي يجلب البكره ، ويدخلها على المفرود
وهو ما هوب صاحب ذود ، لذيدان راعيهـا




الله الله

واصلو يا شعار

وأنا بصف ليوناردو ولا يهون طويق

[ليوناردو دافينشي]

انا لامن بحثت السالفه مابي عليك شهود = عرفت انك مسويها وطابخها وشاويها

ترى عدّك عليه امن النواحي كل يوم اورود = فلا تقعد تغثرب في زلاله ثم تسقيها

[ليوناردو دافينشي]

مانع العجمي + جوزيف العجمي


حياكم الله


والصف واحد لاهنتوا

[فــلاح]

انا يوم الحيود امن الجبل طاحت ماني موجود=ولاني موقـّف حيودً تطيح بجـوف واديها

من يدش المزاين يلتفت للبيـض قبل السـود=ومنهو يخالف السنه .؟ عسى ركابه يضويها

.
.